البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
التاج988
01-12-2022 - 07:08 am
السلام عليكم
كيف حالكم
بس حبيت اسال ليلو عنده حلويات للقهوه يعني حلويات صغيره
الي نصفها بصينيه ماادري فهمتوني ههه
بليز للي يعرف يرد علي بسرعه
وماادري اذا فيه لازم احجز من قبل ولا على طول اروح له ويعبي لي
واذا لازم حجز بليز عطوني رقمه عشان اكلمه
وشاكر لكم


التعليقات (5)
مـزون
مـزون
هلا بك اخوي ..
بالنسبه لحلويات التقديم تلقاهم عند مخبز ليلو فالعدليه ويكون بنفس منطقة كافيه ليلو تقريبا ..
ولازم الحجز المسبق .. وهذا تلفونهم 0097317715370
واعتقد الكيلو المنوع ب16 دينار واذا تبي تختار كم نوع معين يصير الكيلو ب20 دينار

التاج988
التاج988
هلا اختي مزون
يعطيك العافيه
طيب الميني كيك برضو لازم حجز مسبق؟
لان الصراحه صعبه اروح البحرين مرتين ومااقدر احجز بالتلفون لان ماادري وش الاشكال والكميه ولازم اودي الصحن الي بيكون فيه الحلو

مـزون
مـزون
خذ لك مكس من كل الانواع لانهم كلهم حلوين سواء الحلى او الكيك والتارت
انت كلمهم واعمل اوردر وخبرهم يصفونه بعلبه كارتون لانك من السعوديه وهم يجهزونه عالوقت او قبل بعد ..
الميني كيك والتارت حلوين ولازم اوردر قبل لانهم مايبيعون شي الا بالطلب ..
واذا انت بتاخذه الكيك وتمشي السعوديه طوالي اوكي اما اذا بتطلع كم مشوار ترى ماينفع راح يخرب ..
وبعد عندهم فطاير ميني روعه .. شوف هالرابط فيه صوره

وربي يسهل لك

poor_man
poor_man
اختي مزون الاصور الي في رابطه مو طالعين
سؤالي مافي موضوع خاص عن الكافيه اصور للمكان
هل كيكه لذيذ ؟
شكرا

مـزون
مـزون
اخوي بور مان ...
الصو طالعين عندي وحاولت احملهم من المنتدى بس للأسف مايتحملون
وبالنسبه حق ليلو هو اكله لذيذ سواء المالح او الحلو ..
وممنوع عندهم التصوير يعني اللي نصوره ترى بالبوق والخش
واليوم ان شاءالله راح انزل كم صوره في موضوع (اطباق ومطاعم)


خصم يصل إلى 25%