باريس المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ساره الاماراتيه
04-03-2022 - 08:57 pm
اولا مشكورين على جهودكم ومعلوماتكم الي تساعدنا وايد الله يعطيكم العافيه وجزا الله خير كل من يرد علي
انا ناويه اروح باريس لمده 13 يوم لكن الكل يقول وايد على باريس هالكثر بس انا ما ابغي مسافات بعيده يعني كيف اقسم هالايام على فرنسا اذا فيه مكان حلو غير باريس وديزني ما يكون بعيد وايد او اذا ممكن اروح لندن بالمترو ما اعرف والله عطوني رايكم كيف اقسم هالايام ؟؟
ولكم جزيل الشكر بانتظار رايكم


التعليقات (9)
باريس وبـــس
باريس وبـــس
هلا بك اختي الكريمه , , ,
العفو , ما حددتي في اي شهر انتي رايحه لفرنسا
اذا كان في شهر يوليو او اغسطس , ماراح تملين من باريس ابد !
وتقدرين تروحين للندن بالقطار , عموم اوربا في هذي الشهرين جميله , ولا هي كثيره 13يوم على باريس او حتى في اي مدينة اخرى ,
اذا ماسبق وزرتي باريس , فيها اشياء وايد حلوه واماكن سياحيه وتراثيه ,هذا غير التسوق ! ويا حبكم للشوبنغ!
بالتوفيق

ساره الاماراتيه
ساره الاماراتيه
اخوي باريس وبس مشكور على ردك السريع الله يجزاك خير
زين كيف اقدر اروح لندن بالمترو وكم ساعه ؟ وكم يوم في كل وحده وانا رايحه ان شاء الله في شهر سبعه باذن الله
والفيزا وحده حق الثنتين ولا مختلفه

باريس وبـــس
باريس وبـــس
لندن لها تاشيرة خاصه من سفارة بريطانيا
المسافه بالقطار في حدود الساعتين تقريبا
والقطار من تحت البحر (المانش)
في نظري الشخصي , يعني 3 ايام في لندن كافيه
هذا ذوقي انا , لانها ما عجبتني
واي خدمة احنا تحت امرك

روزماري
روزماري
روحي لندن كم يوم وطبعا تأشيرتها تختلف او ممكن بنفس الفيزا تروحين بروكسل وبروج
وترا 10 ايام كافيه على باريس يعني 3 ايام خليها لشئ قريب ورحله موفقه يارب

عبدالله 74
عبدالله 74
اختي ممكن تزورين سويسرا مع باريس......لانها قرييه منها....

ممساح
ممساح
عندك بروكسل وهولندا جدا قريبه من باريس
بالقطار السريع إلى بروكسل ساعة وربع ومنها 45 دقيقة الى أمستردام

mo'3amer
mo'3amer
مرحبا اختي ساره انا سويت مثلك السنه الماضيه وندمت اني جلست في باريس بس مو لاني مليت بالعكس باريس حلوه وحيويه وشرحه
لكن دام الواحد وصل باريس فهو محاط بأكثر من مدينه حلوه وقريبه وكنوع من التغيير
اولا : لندن بالقطار او بالطيران الاقتصادي بس فيها مشكلتين ( 1- فيزا بريطانيا غير عن الشنقن . 2 - ماينفع تروحين وترجعين في نفس اليوم)
انا ضد اصلا انك تروح وترجع في نفس اليوم حتى لو المكان قريب لان تعب بس اذا كان ولا بد عندك
ثانيا : بروكسل قريبه ويكفيها يوم ( تطلعين من باريس الصباح وترجعين المسا)
ثانيا : من بروكسل تقدرين تروحين امستردام (ساعتين وشي من باريس بالقطار على ما اعتقد)
ثالثا : المانيا ( اوروبا بارك) ملاهي في منطقه عند حدود المانيا مع فرنسا
رابعا : جنيف مدينه حلوه وراقيه
مكان باريس استراتيجي ومثل ماقلت حواليها اكثر من مدينه حلوه بس انتي حددي وشتبين وعلى حسب رغبتج ممكن نقترح كم مدينه
انا ناوي السنه ان شاء الله على ( لندن (3) ليالي - باريس (4) ليالي - جنيف (ليلتين) - انترلاكن ( 4) ليالي)

ساره الاماراتيه
ساره الاماراتيه
مشكورين اخواني على الردود الله يعطيكم العافيه وان شاء الله ارتب الرحله على رايكم

ساره الاماراتيه
ساره الاماراتيه
مرحبا ممكن تعطوني برنامج بين باريس وبروكسل وامستردام او هل يصير احجز الايام كلها في باريس واطلع يوم كامل من الصبح الى المساء مره الى بروكسل ومره الى امستردام ولا يستاهلون اكثر عن يوم
وهالبلاد الثلاث الاقي فيهم طبيعه مثل النمسا زيلامسي؟
بانتظار ردودكم


خصم يصل إلى 25%