برشلونه المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
قلم ذهب
05-07-2022 - 09:24 pm
  1. السلام عليكم اخواني واخواتي


السلام عليكم اخواني واخواتي

قبل فترة بسيطه كنا في برشلوة للسياحه...واحنا في طريقنا الى الفندق مساء وفي شارع هادئ نوعا ما مر بجانبنا شخص وسألنا اذا كنا سياح واحنا بطيب خاطر جاوبنا ايه احنا سياح هنا وبعدين قالنا انا من ايطاليا وانتوا من وين وبعد جاوبنا ولا ف قلبنا شي...بس الصراحه ما كان شكله ايطالي أبد ولا لغته الانجليزيه تشبه لغة الايطاليين المميزة اللي انا اعرفها
المهم احنا مشينا عنه ولا نشوفه يسايرنا وبعد شوي وقفنا وقال انا ما ادري وين اللحين بالضبط وطلع خريطه وطلب منا نوريه المكان اللي احنا فيه والا فجأه نشوف شخصين غيرهم جوا جنبنا لابسين اسود ومسوين نفسهم شرطة وطلعولنا شعار..يعني شوفوا احنا شرطه
المهم طلبوا منا نطلع جوازاتنا وفلوسنا وما ادرري شو حتى الفيزا كارد بغوا يشوفوها...بحجة انه فيه ناس لا وبعد عرب يتعاطوا الهيروين وهم يحاولوا يمسكوا عليهم ..ما ادري شو دخل الهيروين بالفلوس وبالكريديت كارد!!..المهم ف النهاية رفضنا الا لما يورونا بطاقة الشرطه تبعهم او نوديهم الفندق معانا ونتفاهم هناك ....الحمدلله لما شافونا مصرين نوديهم الفندق حاولوا يتهربوا منا...وعدت الليله ع خير الحمدلله
ورجعنا الفندق وخبرنا الريسبشينست ..وقالنا خلو بالكم هذولا نصابين معروفين ف برشلونه والشرطه مستحيل يطلبوا منكم يشوفوا فلوسكم او بطاقات الفيزا
حبيت احذركم من طريقة النصب الجريئه هذي اللي اللي ولا مره سمعت بيها من قبل
والله يحفظ الجميع


التعليقات (9)
أزرق كويتي
أزرق كويتي
ماقصرت طال عمرك واللحمدلله ربك ستر
الله يكفينا شرهم

نوووووف
نوووووف
الله أكبر
تعددت السبل والنصب واحد ,,,,
ولكن الحمدلله فالكثير من المسافرين العرب يتمتعون بالحكمة والنباهة وحسن التصرف ,
ومثل تلك الألاعيب والحيل لاتنطلي على الأذكياء وذوي الخبرة ,,
جزاك الله خيراً ياقلم ذهب على ماكتبته من تنبيه يُكتب بماء الذهب.

تشتاق
تشتاق
يعطيك الف عافيه على النصيحه

اصعب حب
اصعب حب
يعطيك الف عافيه على النصيحه

سفير إسبانيا
سفير إسبانيا
الله يجزاك بألف خير

umlamis
umlamis
احنا صارلنا هالموقف قبل 5 سنوات كنا خارجين من مول وقف سياره وفيها رجال لابسين بدل وقالوا انتوا من وين ووين جوازاتكم وانهم من الشرطه ويدورون عرب اردنين مهربين

دنـــــــدون
دنـــــــدون
ياشيخه روحي ربي يوفقك

المسافر عربي
المسافر عربي
الله يكفينا شرهم ان شاء الله

ALIMTIAZ
ALIMTIAZ
شكرا لك على التنبيه
اخذو الحذر باسبانيا وبالذات برشلونه منبع السرقات عندهم اشكال والوان للسرقه
الله يحفظ الجميع


خصم يصل إلى 25%