اليابان المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
سماء المدينة
27-11-2022 - 11:06 am
  1. بخصوص الفيزا كم المده وتطلع ؟! ماهي متطلباتها

  2. مده الرحله بالطياره كم ساعه ؟!


السلام عليكم ورحمته وبركاته
بفضل من الله تعالى كتب لي رحله سياحيه الى اليابان في 1 جولاي !
3 اشخاص .. = 2 انثى - 1 ذكر
نقطة الوصول مطار اوساكا ..,
مدته الرحلة تقريباً 11 يوم >> كانت 20 يوم وتقلصت
بصراحه انا اول مره اسافر فا خلوكم معاي الله يعافيكم حبه حبه
لدي استفسارات طويله شوي بس استحملوني جزاكم الله خير ..,

بخصوص الفيزا كم المده وتطلع ؟! ماهي متطلباتها

مده الرحله بالطياره كم ساعه ؟!

  • وسيله التنقل بين اوساكا وطوكيو ! قطار ام طياره ( اذا قطار كم ساعه واذا طياره ايضا كم ساعه )
  • التنقل داخل طوكيو بين مناطق قينزا و اكهيبارا و شينجكو شيبويا ..ألخ هل بالقطارات ام بالباص

وهل لو مثلا اقدر ازور المناطق هذه اورجع للسكن ماحتاج اني اسكن في نفس المنطقه كونها يعني بعيده ؟
  • بالنسبة لخطوط الطيران تم اختيار الكاثي بسيفيك .. هل هي جيدة علماً انها تتوقف في هونغ غونغ مده 4 ساعات
  • افضل مطاعم السوشي او اماكن تركز مطاعم السوشي في اليابان
  • افضل منطقه للسكن بالنسبة لطوكيو هناك عده مناطق بس احترت ايهما اختار .. لكي ابدأ الحجز بالفنادق
  • اوساكا تم اختيار منطقه نامبا بسبب اني رأيت الكثير يتفق على المكان هذا
  • اوساكا خصصنا له يومين فقط يوم لزياره مدينه الترفيهيه UNIVERSAL CITY و يوم التجول في منطقه نامبا .. اذا هناك اقتراح واماكن اخرى للزياره ارجوا طرحها اذا في اماكن تاريخيه او طبيعه والريف ياليت .. احتمال نزيد يوم في اوساكا
  • لو اردنا زياره كيوتو ونحن في اوساكا هل نستطيع الذهاب اليها بالقطار ليوم واحد والعوده مجددا لاوساكا ؟
  • بقية الايام ستكون في طوكيو بين مناطق شينجوكو قينزا اكهيبارا روبونجي ايضا زياره مدينه ديزني لاند
  • هل هناك اسواق تتركز فيها البضائع والمنتجات اليابانيه يعني مابغى اسواق فيها ماركات عالميه منتشره في العالم ابغى سوق فيه بضاعتهم هم ..,
  • مبدئياً زياره كل منطقه مثلا لو ابغى ازور اكهيبارا هل اخصص لها يوم كامل !! او اقدر في اليوم ازور كذا منطقه
  • اود زياره بعض الحدائق او المنتزهات والمناطق الطبيعيه في مدينه طوكيو لكن ! لااعلم اين اجد معلومات عنهم
  • يومين في منطقه جبل فوجي والسكن هناك
  • النقود هل يفضل الكاش او بالبطاقه !

حاليا هذا كل مايجول في خااطري صحيح ان البرنامج غير مرتب لكن هذه غالبيه الاشياء اللي حبيت اني ازورها . لكن ان شاء الله خلال الايام القادمه يكون اكثر ترتيب مع اضافه اسماء الفنادق
البرنامج قابل للتعديل والحذف والاضافه من قبلكم .. احتاج رأيكم
وشكراً جزيلاً ..,


التعليقات (2)
Nagroor
Nagroor
  1. وللطيران من اوساكا لطوكيو في وايد مواقع تشوف السعر على موقع

  2. http://www.expedia.com


يعطيك العافيه ولد عمي
اخوي احب اوضح لك اللي اعرفه من وجهة نظري
انا ما رحت اليابان ولا مرة ولكن ان شاء الله انا حاجز على تاريخ 3 جولاي وللمعلوميه انا رايح بروحي
وراح اقعد 10 ايام كلها راح اقضيها في طوكيو
عموما خلني اقولك اللي اعرفه من خلال بحثي عن اليابان
بسم الله
بالنسبه للفيزا لنا احنا الكويتيين بما اني كويتي مدتها 3 اشهر سياحيه طبعا وتطلع من السفارة اللي بالكويت خلال 6 ايام عمل مع رسوم 8 دنانير
ثانيا بالنسبه للطيران انا راح اطلع كويت ابو ظبي ( ساعه ونص) ابو ظبي طوكيو مطار ناريتا الدولي (12 ساعه متواصل) على طيران الاتحاد (خط سير جديد بالنسبه لطيران الاتحاد)
ثالثا التنقل من اوساكا لطوكيو بالقطار اعتقد قالو الشباب من ساعتين الى 3 ساعات ماني ذاكر بالظبط وراح تكلف التذكره للفرد بحدود 14 الف ين (اماكن لها ارقام يعني محجوزة مسبقا لك)

وللطيران من اوساكا لطوكيو في وايد مواقع تشوف السعر على موقع

http://www.expedia.com

رابعا التنقل داخل طوكيو بالنسبه للاماكن اللي ذكرتها سهل جدا بواسطه القطار شينجوكو اكيهابارا شيبويا جينزا روبونجي بحدود 15 دقيقه الى 20 دقيقه وسعرها وايد زين وتقدر من خلال هالموقع تحط المحطه اللي انت فيها و الوجهة ويحسبلك الوقت مع سعر التذكره
هذا الموقع
http://www.tokyo-subway.net/english/.html
خامسا خطوط الكاثي باسيفيك ما جربتها ولكن من رأي الشباب يمدحونها
سادسا ماعندي اي فكره عن مطاعم السوشي وماحبها ههه
سابعا افضل منطقة للسكن في طوكيو هي شينجوكو لانها من وجهة نظري واللي شفته بالخريطه انها بنص المناطق المعنيه اللي ذكرتها سابقا
ثامنا تاسعا عاشرا ماعندي فكره عن اوساكا لاني ماراح اروحلها ههه
بالنسبه للسوق اللي في بضائع يابانيه سوق بو 100 ين تقدر تشتري هدايا منه بس بالظبط وين مكانه مادري ليلحين ما جيكت عليه لأن جدامي وقت طويل على السفر
اكيهابارا منطقة تتميز بالاجهزه الالكترونيه ولكن من وجهة نظري ما اعطيها يوم كامل اشدعوه افتر عليهم واشوف اجهزه الكترونيه واخلي باجي رحلتي ههه
حدائق كثره موجوده باليابان حلوه ان الواحد يتمشى فيها
وبالنسبه لجبل فوجي انصحك انك تروح وحلوه مدة اليومين اللي راح تقضيهم وبالنسبه لي انا ماراح اروح جبل فوجي لاني مثل ما قلت انا رايح بروحي
النقود اخذ وياك كاش لان اغلب مكائن السحب الالي بالياباني واللي عرفته انك ما تقدر تسحب منها مو بس عشان اللغه عشان اكثر بنوكنا العربيه ما نقدر نسحب من هناك وهذا اللي عرفته يعني بس مو متأكد
بالنهايه اخوي اتمنى لك رحله سعيده
وهذا موقع واايد راح يفيدك ونظم فيه رحلتك الى اليابان
http://www.japan-guide.com
شكرا

سماء المدينة
سماء المدينة
يعطيك العافية اخوي ماقصرت والله استفدت من ردك الكثير


خصم يصل إلى 25%