- او في حالة تغيير مواقيت الحجز ..؟ شلون الطريقة ..؟
- 4- افضل فنادق الجولد كوست .. ..؟
بسم الله الرحمن الرحيم
اخواني واخواتي الاعزاء .. في منتدى العرب المسافرون
عندي بعض الاسئلة عن استراليا .. الرجاء انت تساعدوني وتنصحوني لما هو افضل ..
1- ماهي افضل شركات الاتصالات الاسترالية ...؟
( الجوال .. الشرائح .. )
وهل هناك فرق اذا استخدمتها في سدني او جولدكوست او مالبورن وحتى نيوزلندا ..
2- الحقيقة اثناء السفر الواحد اكثر ما يضايقة الوزن في الطيارة .. لذلك .. في شركات تنقل الشنط او الهدايا بشنط .. من استراليا الى الكويت .. ؟؟ وماهي ..؟ وإين موقعها في الجولدكوست وسدني ومالبورن .. ؟
3- اكثر الاعضاء ما قصروا اعطوني مواقع عديدة .. وانا اشكرهم مع العلم انني هالسنه ابستغني عن شركات السياحة اللي مثل المنشار ( طالع ماكل نازل ماكل )
اذا ممكن احد يرشحلي موقع يكون الافضل والاضمن في استراليا خصوصا ونيوزلندا اذا احد جربه .. طبعا ً
وفي حالة اذا ابكنسل الحجز لا سمح الله .. شلون الطريقة .. ؟.؟
او في حالة تغيير مواقيت الحجز ..؟ شلون الطريقة ..؟
4- افضل فنادق الجولد كوست .. ..؟
انا الحقيقة اعجبني فندق الهوليدي ان ... بس الحجوزات تقريبا فل لان شركات السياحة ماخلت شي ..؟ والشفرون بعيد شوي عن الشاطئ .. ؟ و شقق السيركل او كافييل اعجبتني موقعها وشكل بنايتها الجديد والشوارع اللي حولها اسواق ... وعندي استفسارات عليها مثلا ..؟
- بالنسبة لغسيل الملابس .. عندهم خدمة غسل ملابس ام لا .؟
- هل هناك صندوق امان للفلوس والمستلزمات يعني ..؟
- تنظيف الغرف متوفر ام لا ..؟
5- افضل فنادق سدني ومالبورن .. ؟
الحقيقة انا الى هذه اللحظة وعاجبني فندق كروان بلازا مالبورن وسدني .. .. وشرايكم فيه .. ؟ من ناحية موقع وخدمات وغيره ..؟
6- رحلتي ستكون جولد كوست >>> سدني >>> كوينزستون نيوزلندا >>> اوكلاند >>> مالبورن >>> سنغافورا >>> الكويت
وستكون على الطيران الاماراتي .. بتاريخ 28/6 ان شاء الله
بالنسبة للطيران الداخلي .. فيرجن بلو .. كوانتس .. ما افضلهن ..؟
ونصيحتكم بالنسبة لرحلة سدني -- كوينزستون -- اوكلاند ...؟
اما اوكلاند -- مالبورن ... ستكون على الاماراتية ..؟
7- استخرجت الفيزا عن طريق مكتب لاوند اللي بالكويت .. والفيزا كانت من 2009-4 والحقيقة حصلت ضروف في العمل بسببها تم الغاء الاجازة وتم الغاء السفر بالكامل ..
والفيزا عندي صلاحيتها سنتين ..؟ طبعا اكيد مابيكلموني عن هالشي ..؟ ان شاء الله
استفساري عن الفيزا ... شلون ابتأكد من الفيزا هل هي صحيحة ام لا .. ؟ يعني في لهم ارقام للاستفسار او موقع احط رقم جوازي ويبينلي مدة الفيزا .. ؟
هذا الى هذه اللحظة .. ؟ واشكركم على سعة صدركم ..
ولي المزيد من الاسئله .. في القريب .. ؟
تروح وترجع بالسلامه يارب
1- افضل شركه اتصالات هي الاوبتس Optus
2- عندك مكتب لاوند مايقصرون يشحنون لك اذا تريد
3- اذا انتو عايله والله اشوف الافضل مكتب يوفر لك النقل من باب الفندق الى الرحله ويرجعك وعلى الرحلات امشي عند اي مكتب واخذ البرشورات وشوف المكان اللي يعجبك ..
4- شقق السيركل والشيفرون ماعليهم كلام والسيركل ملاصق للشيفرون وفي تحت كوفيهات ومطاعم وعلى فكره
الشقق ارقى من الفنادق هناك ..
5- الكروان في ملبورن حلو ومقابل نهر يارا .. و اذا تبى طله مميزه في سيدني احجز في النوفتيل والكروان هناك حلو
وفي اعضاء مجربينه مثل " الرحاله " في تقريره موجود رايه عن الفندق واذا عددكم كبير اعتقد فندق وكازينو "ستار ستي " افضل لان عندهم نظامين شقق فندقيه وغرف ... وفي سوبرماركت فيه عرب يبيعون بالطابق الاول
6- الكوانتس طيران عالمي و الفيرجن بلو اقتصادي .. اعتقد الخبير همل بيفيدك اكثر .. وليش ماتحجزعن طريق
الامارات ؟ يمكن يكون عندهم عرض حلو على سير رحلتك
7- اسال المكتب نفسه او السفاره الاستراليه وهم بيفيدونك .....
ان شاء الله تستانسون وتفرحون