الرياض المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
وايرلس
03-11-2022 - 01:31 pm
السلام عليكم ورحمة الله وبركاته
الموضوع من عنوانه ربي يوفقكم ويسعدكم أبحث عن كليجا
وين الاقي أفضل كليجا .. بالرياض بس أهم شي طريه مو يابسه !!
ياليت من يعرف أفضل كليجا توجد بالرياض يوصف لنا .. توصيف مضبوط
الله يرضا عليه ويوفقه ويسعده دنيا وآخره ويخلي له أعياله ويرزقه من حيث لايحتسب
وفقك الله لما يحبه ويرضاه


التعليقات (8)
فــــــــــهــد
فــــــــــهــد
افا واللي استلمتها امس المغرب ما اعجبتك
ابشر بالعوض نكلم الشباب لك

غشيم من الرياض
غشيم من الرياض
ودي اوصف لك وماودي بصراحه
لاني اعرف محل مرات يجيب شئ ممتاز من القصيم طري ورائع ومرات يكون يابس شوي
فانا بوصف لك واعذرني ان كان طلبك غير متواجد عندهم لانهم مرات ومرات
الوصف تعرف جامع الراجحي مخرج 15 خل الجامع على يمينك وانت على المخرج بعد ماتتعدى الجامع شف المحلات اللي بعدها مباشرة قبل ماتوصل مخرج 15
فيه محل يجيك اسمه ( متمر ) بصراحه محل ممتاز ويبع الاكلات الشعبيه بس مثل ماقلت لك مرات ومرات والاغلب يكون طري وممتاز وشغل بيت
والافضل لك تطمر للقصيم تجد بغيتك

البرفسر
البرفسر
علشان هالدعوه اذا تبي من القصيم نوصي لك تآمر أمر

سلملم الرزين
سلملم الرزين
فيه محل في حي الروابي اسمه رغد ( شعبيات القصيم )
الوصف : اذا جيت من عند مخرج 13 باتجاه الجنوب يجيك مخرج 14 ( طريق عمر بن عبدالعزيز )
تمسك الخدمه الين تجيك الاشارة بعدين تروح يسار يكون اتجاهك للشرق وعلى يمينك سوق الخضار
تمشي الين تجيك اول اشارة طبعا الاشارة حرف t تروح من عندها يمين ( شارع عنيزة )
وتمشي الين تجيك اشارة في زاويتها على يسارك مسجد المهم تروح معها يسار يصير اتجاهك شرق
( شارع الزبير بن العوام ) تمشي تقريبا 200 متر يجيك المحل على اليمين
طبعاً عنده انواع واشكال واحجام من الكليجا وايضاً عنده حلى منزلي لا يفوتك ( خيال )

مون ساند
مون ساند
عند محل هضيم مره طريه موقعه ع الدائري الشرقي مخرج 14 قبل مجمع بشرى النسائي

fahd33
fahd33
عند محل هضيم مره طريه موقعه على الدائري الشرقي بين مخرج 13 و 14 وانت متجه جنوب

مطفر...
مطفر...
شوف اخوي انا دايم اشتري من هالمحل وعنده شغل بيت كمان
وانت ماشي بشارع العليا متجه شمال تقاطع شارع الامير نايف تروح يمين يصير وجهك شرق بعد حوالي 200 م تلاقي المحل على يدك اليمين اسمه شعبيات القصيم على ما أعتقد جربه وقلي وش رايك فيه

وايرلس
وايرلس
فهد
هلا بسميي والله مافهمت عليك ياغالي


خصم يصل إلى 25%