بانكوك المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
صفاء البحر
31-10-2022 - 12:48 am
السلام عليكم ورحمة الله وبركاتة
مساعدة مستعجلة منكم جزاكم الله خير و خصوصا خبراء تايلند "ليمونة حزينة, عبدالله الكويتي, الحوسني" وكل الخبراء
ان شاء الله مسافرين تايلند من 29/4/2010 إلى 20/5/2010
انا وزجي .......و الخبرة "عدم" و الحمد لله .....يعني اول زيارة لنا
و الميزانية محدودة ما تتعدى ال 2000 دينار بدون التذاكر واذا يصير اقل يكون احسن ههه "الحياة صعبة"
هل من الاحسن الذهاب مع مكتب سياحي وخصوصا انا ما عندنا خبرة ؟؟
وما هو افضل مكتب من البحرين ؟؟
و في حال عدم التوجة مع مكتب اطرح عليكم استفساراتي الكثيرة مع الشكر الجزيل مقدما " تحملوني":
طبعا من خلال استفساراتنا من الناس حوالينا
بعضهم يقول لاتروح الا حاجرفندق!!
وبعضهم يقول لا تحجزفندق إلا هناك ارخص !!
وبعضهم يقول التعامل مع التايلنديين سهل !!
وناس تقول لازم تكون خبير في التعامل معهم!!
و احنا تحييرنا وش نسوي؟؟؟
وبحثت عن فنادق من الانترنت ووجدت اسعار رخيصة جدا من 7 دينار إلى 15 دينار!! ... هل الاسعار حقيقية؟؟؟ ..... وهل الفنادق الرخيصة بهالاسعار في تايلند نظيفة مثل ما سمعت وهل هي قريبة من الشواطئ ؟؟
واذا خاطري اسكن في شيئ مميز مثل الاكواخ ....بسهولة الاقي ؟؟ وشلون اسعارهم ؟؟ خصوصا في بوكيت وشنغماي!!!
و الي محيرنا ان معظم الاعضاء يسكنون في فنادق غالية من 30 دينار وفوق......... واحنا ما ودنا نضييع المبلغ في السكن .....يعني في بالنا ان نتمشى فيها ونشوف الطبيعة الخلابة اللي احنا محروميين منها في بلادنا "الحمد لله رب العالمين" يعني الفندق للنوم والراحة و كم ساعة بعد الغداء!!
وبالنسبة للاكل الحلال هل متوفر؟؟ وخصوصا ان احنا رايحيين وما ودنا نأكل عيوش مثل اكلنا في البحرين...... يعني ودنا نذوق اشياء تايلندية ......بدون ما تلوع جبدنا وتنسد نفسننا.... يعني هل متوفر الاكل التايلندي الحلال واللي يعجب العرب ؟؟
واذا حملنا اشياء خفيفة من الديرة مثل الاجبان وغيرها من المعلبات بنستخدمهم والا بنردهم ويانا "زيادة وزن بس"؟؟
و بعد من خلال بحثنا ....عرفنا ان الرحلات الداخلية سهل الترتيب لها مع المكاتب السياحية هناك والله اعلم.... هل هذا الكلام صحيح؟؟وهل يوجد في كل فندق مكتب سياحي؟؟؟؟
وعن الطيران الدخلي بعد يقولون سهل وميسر الحجز من تايلند هل هذا الكلام صحيح؟؟
احنا ما عندنا خبرة بس خطتنا بالترتيب هي :
بانكوك: ليلة
بوكيت : 5 ليالي
شنجماي:4 ليالي
جزيرة كوساموي: 5 ليالي
بتايا: ليلة
بانكوك:4 ليالي
البحرين
الراحة و الاستجمام في المرتبة الاولى
التعرف على البلد والاستمتاع بالطبيعة الخلابة في المرتبة الثانية
التسوق مهم بس ما ابي اضييع كل وقتي فية
الاشياء اللي في بالنا:
سكن قريب من الشواطئ وفي نفس الوقت رخيص ما يتعدى ال 20 دينار ان وجد
مجمعات للتسوق الهادئ والمريح؟؟
المطاعم الاسلامية المميزة و المجربة؟؟
اسواق حلوة ورخيصة للهدايا؟؟
رحلات داخلية ممتعة: مثل جزيرة جيمس بوند و بيبي و السوق العائم وانتو ساعدوني في اماكن حلوة ما ذكرتها!!!
ادري اني طولت عليكم وكثرت اسئلة
بس اعذروني لان زوجي من النوع البارد"كول" وعالطول مسهل الامور وانا كل ما اتذكر انا بنسافر بدون خبرة يعورني بطني وهو يقولي لي وصلنا يصير خير!!!


التعليقات (9)
ولد_البحرين
ولد_البحرين
تايلند ما يبي لها شي ابد ،، دولة ما فيها تعقيد واللغة مو مهمة يفهمونكم بالاشارة خخ
بالنسبة للميزانية اذا كانت بدون تذاكر الطيران الدولية فهي ممتازة وكافية ،، اما عن تنظيم رحلة في مكاتب السفر ما له داعي عندج المنتدى هني افضل مرجع للسفر من مكاتب السياحة وطبعا تنظيم رحلتج في المنتدى مجان واقل تكلفة لان المكاتب ياخذون عمولة،
الفنادق يفضل حجزها عن طريق النت وقبل السفر مثلا باسبوع او اسبوعين ، والسعر اقل من الحجز هناك لان الفنادق تضمن المبلغ سواء حضر الزبون او لا فهذا سبب تخفيض السعر بالنت فمثلا فندق تحجزون الغرفة فيه ب 15 دينار بالنت سعره بالحجز من الفندق مباشرة يوصل 20 او اكثر واحيانا يقولون لكم ما في حجز !
الفنادق اللي شفتوا اسعارها لا تستغربون موجود ابو 5 دينار وطالع بس فنادق ما تصلح للعوائل والازواج وانصح بفنادق 3 او 4 نجوم وتحطون ميزانية مثلا 20 دينار لليلة
الطيران الداخلي تقدرون تحجزون من النت بس انا افضل الحجز بعد الوصول تحسبا لاي تاخير للطيران وبما ان برنامجكم فيه اقامة ليلة في بانكوك يعني اول ما توصلون المطار تحجزون من المكاتب هناك رحلتكم لليوم التالي.
الرحلات والترفيه هذي سهل امورها في الشوارع مكاتب للحجز مثلا رحلات جيمس بوند وبيبي والفنتازيا هذي في الباتونغ بيتش عشرات المكاتب وينصح بمكتب السيدة بوم ، السوق العائم احسه ما له لزمة تجربه اغلب اللي راحوها شافوا انها مملة ! الاسواق لا تشترون غير من بانكوك وبس لانخفاض الاسعار وبندلكم عن الاسواق وغيرها
في نظري رحلة بتايا تلغونها وتضيفون اليوم الى بوكيت فهي تستحق وبتايا ما تصلح للعوائل نوعا ما ويوم واحد ما يكفيها لان روحتها بالتاكسي تقريبا ساعتين يعني يضيع من يومكم 4 ساعات من الروحة والردة وما يمديكم تسوون شي في هذا اليوم او راح تتعبون وايد.

BW Diving
BW Diving
وعليكم السلام،
انا ماني خبير بس مقيم في بوكيت صارلي سنة و عندي مركز غوص و يمكن اقدر افيدج شوي...
بالنسبة لمكتب السفريات: حجزي التذاكر من موقع شركة الطيران بالانترنت و ووفري من سعر التذكرة لأن الانترنت ارخص
بالنسبة لحجز الفنادق: حاليا تايلند على ابواب اللو سيزن Low Season فلا تحاتين و لا تحجزين و توكلي على الله و تعالي اختاري الفندق بنفسج و بالنسبة للاسعار 7 - 15 دينار حقيقية و ممكن تحصيل على الكوخ بنفس السعر لان اللو سين يبل اول مايو
التايلنديين: سهلين جدا بس يبون الناس تحترمهم يعني مو مثل باجي الدول تقطين فلوس و ادوسين على راسهم ههه
ماله داعي تلتفتين إلى موضوع ترتيب الفندق من حيث النجوم لان في فنادق مالها ولا نجمة بس ممتازة و رخيصة
بالنسبة للأكل: 60% من مسلمين تايلند في بوكيت و راح تشوفين اكثر المطاعم كاتبين حلال بس المطاعم الكبيرة السياحية مو كاتبين بس ممكن تشوفين ان الشيف مسلم (شغل سياحه)... في اكل تايلندي روعه و ما ينمل منه مثل الكاري التايلندي و الدياي المقلي وكله إسلامي.. ماله داعي تييبين معاج اي أجبان لأن الأجبان متوفره هني بس جبن قلاص كرافت مو موجود
الرحلات الداخلية: أسهل شي في تايلند و كلهم نفس الشي و طبعا هذا من وقاع خبرتي لاني ارتب للرحلات بالإضافة إلى الغوص... المكاتب السياحية داخل الفنادق سعرها 3 اضعاف الدكاكين اللي بره
الطيران الداخلي: حاولي تحجزين بالنت قبل السفره كثر ماتقدرين عشان توفرين السعر و هذي مواقع الشركات
http://www.thaiair.com انصح فيها
http://www.airasia.com ما انصح فيها (جنها الكويتية)
http://www.bangkokair.com والله زينه و هم انصح فيها
ماعندي اي فكرة عن بانكوك و شانق ماي Chang Mai
بتايا شبابية أكثر، يعني بالنسبة للرحلات و العروض بوكيت الاولى على مستوى آسيا
ساموي حلوه بس نظامها هدوء و ريلاكس يعني تنفع جم يوم و فيها جم رحلة حلوة!!
التسوق: دايما التسوق يكون في محكتج الاخيرة عشان الوزن بس بانكوك أحسن مكان للتسوق
اتمنى أكون غطيت كل شي و الاخوان فيهم البركه يكملون على القصور!!
طلال

مسافر 2010
مسافر 2010
اختي العزيزة صفاء البحر
اتمنى تكون سفرتكم سعيدة وموفقة وتستانسون
ابعطيك الي عندي واقتراحاتي المتواضعة
تقسيم المدة حلو
بانكوك: ليلة
بوكيت : 5 ليالي
شنجماي:4 ليالي
جزيرة كوساموي: 5 ليالي
بتايا: ليلة
بانكوك:4 ليالي
البحرين
ابرشحلك الفنادق المفضلة بالترتيب وعليك الاختيار انصحك اذا ععندكم بطاقة فيزا او ماستر كارد
تحجزون عن طريق النت مواقع الحجز المعروفة وعن تجربة شخصية موقع booking.com
تدخلين الموقع وتشوفين الفنادق امامك والغرف واسعارها
بانكوك ارشحلك فندق سنترال وورد او فندق نوفتيل سيام
بوكيت ارشحلك فندق الملينيوم 5 نجوم به مول ملاصق له او فندق ميركيور 4 نجوم قريبن من الشاطيء 5 دقايق مشي
على الاقدام مايحتاج سيارة .
بتايا ماعرف عنها شي مازرتها وان شا الله الاخوان يفيدونك
جزيرة كوساموي ماعرف عنها شي
بالنسبة للاماكن المهمة في بوكيت فانتازيا عرض مع البوفيه فيه جزء مخصص للمسلمين لايفوتكم البوفيه
تفتح الساعة 6 مساءا وتغلق عند 11 ليلا العرض يبدا الساعة 9
جزيرة البي بي جزيرة جمس بوند فندق المريديان يستحق الزيارة عن طريق التك تك كتحربة حلوة
مطاعم في بوكت مطعم الشرق عربي فيه جلسات عائلية بالداخل حلو
مطعم اسماك سافوي وفيه مطاعم الفاست فود ماكدونالدز وكنتاكي وبينتزا هت وكفيهات في المول بجانب فندق الملينيوم
في الساحة التي بخارج المول .
بانكوك ثلاث مجمعات تجارية فخمة بجانب بعض في منطقة واحدة مجمع سيام براجون مجمع سنترال وورد
مجمع ام بي كي وفيه اماكن حلوة في بوكت وبانكون ممكن يضيفونها الاخوان والاخوات لك
افضل طيران طيران الامارات وبعده الاتحاد والقطرية
بالنسبة للرحلات الداخلية احجزي عن طريق النت افضل وارخص الطيران التايلندي طيران التاي
طيران بانكوك - طيران اير اسيا ممكن تدخلين على مواقعهم عن طريق النت وتحجزين ارخص وافضل لك من الحجز عن
طريق الفنادق اذا عندكم فيزا او ماستر كارد
بالنسبة للرحلات في بوكت في كل فندق مكتب سياحي وفيه مكاتب وكشكات خارجية على شاطيء الباتونج
وعلى الطريق الي عليه فندق الملينيوم

صفاء البحر
صفاء البحر
ولد_البحرين
ولد البحرين
مشكور والله يعطيك العافية على الرد والاهتمام
بالنسبة لغة الانجليزية تمام والحمد لله يعني بنمشي ان شاء الله
فعلا هذا المنتدى احسن من مكاتب السفر يعطينا رؤية واقعية واضحة
بالنسبة للحجز من الانترنت
هل كل المواقع مضمونة ؟؟ وتأكد الحجز؟؟ يعني ما نتوهق هناك؟؟؟؟
يالله وين الاسواق اللي بتدلنا عليها؟؟؟
الغينا بتايا على شورك
عالعموم بعد كل المعلومات الذهبية اللي اعطيتنا اياها اوجه لك الف شكر وتقدير على المجهود المبذول
موفق

صفاء البحر
صفاء البحر
BW Diving
BW Diving
الله يعطيك العافية
ان شاء الله حجز التذاكر عن طريق الانترنت وما نحاتية لان بنحجز من ديرتنا
اذا عندك فكلرة عن الاكواخ ممكن لو سمحت تعطينا العنون مع الشكر الجزيل ؟؟؟ وفي اي منطقة يوجد ؟؟
وهل هو مطل على السواحل ؟؟؟ وهل هي اكواخ متجمعة؟؟
وهل يوجد حارس امن عليها ؟؟
اي والله كلش ما يهمنا الفندق كم نجمة اهم شيئ نظافته!!!
تفصيل حلو عن الكل في تايلند ….بطبع كل المعلومات وباخذها معانا….
ووين مكتبك زوجي يبي يغوص وياك ههه ويقول اذا تبي كرفت
احنا في الخدمة رايحين رايحين ها ودك ؟؟؟
وبالنسبة لساموي
احنا ندور الراحة والهدوء يعني تناسبنا الحمد لله
يعني نتسوق من بانكوك ان شاء الله
ما منك قصور
والله يعطيك العافية وموفق

صفاء البحر
صفاء البحر
مسافر 2010
مسافر 2010
ان شاء سعيدة بس ادعو لنا بالتوفيق
الغينا بتايا على نصائح الاخوان و اضفنا اليوم لبوكيت
مشكور على الفنادق المقترحة
بشوفها وبشوف الاسعار وان شاء الله مسهلة
بطبع ردك علشان نستفيد من المطاعم المذكورة
بنحط المجمعات المقترحة في القائمة
افضل طيران الخليج لانة بدون ترانزييت
في النهاية اشكر تواضعكم ومساعدتكم المفيدة

صفاء البحر
صفاء البحر
ما شاء الله اللي ردوا ثلاثة بس كفو ووفو
ما قصروا الله يعطيهم العافية
بس انتظر باقي الخبراء ووينكم ؟؟؟

bigbin609
bigbin609
صفاء البحر
وعليكم السلام يا اختي العزيزة
رحلة موفقة وسعيدة ان شاء الله
بالنسبة للميزانية ان شاء الله تكون زينة بشرط عدم حجز فنادق غالية زيادة علي اللزوم
انا ما انصحك انك ترتبط مع مكتب سياحي افضل تحجز كل شي من هناك اللهم تحجزين اول ليلة بانكوك فقط لا غير
وهناك المكاتب السياحية كثيرة واسعاره تختلف عن بلدكم بكثير وتحب المكاسر والخصم علي كل شي .
احجزي يوم واحد فقط بانكوك من بلدك عشان ترتاح من عناء السفر وتشوف المكاتب السياحية هناك مو لازم تكون خبير بالمكاسب او التعامل مع التايلنديين .
ونصيحة اذا قررتي تحجزين فنادق معينه حاولي تعرفين اسعارهم بالانترنت عشان يوم تروحين هناك مايغشونكم تحسسيهم انك تعرفين كل شي عن الاسعار .
لازم تقولين لنا اسماء الفنادق الرخيصه اللي حاطه عينك عليهم عشان نفيدكم بمستوها وننصحك فيهم وبالنسبة للاكواخ ما اعرف عنهم اي شي اللي بماليزيا .
بالنسبة للاكل الحلال متوفر في جميع انحاء تايلند واهم شي عليكم بالسي فود وبالنسبة للاكل لا تشيلين هم يا اختي متوفر كل شي بانكوك العاصمة وانتي وكيفك تبين تاخذين شي خفيف معاك بس لا تكثرين .
بالنسبة للرحلات الداخلية اسهل منها ماكو لان المكاتب السياحية كثيرة واسعاره تختلف من مكتب الي اخر وانتي وشطارتك بالمكاسر لازم تفرين علي كم مكتب عشان اتأكدين من اسعار الرحلات .
بالنسبة للطيران الداخلي متوفر بجميع الرحلات والطيران في حكومي وفي تجاري .
اخوكم :- عبدالله الكويتي
bigbin609

bigbin609
bigbin609
صفاء البحر
عدنا مرة ثانية .
ترتيب جدول الرحلة مع التعديل
ليلة بانكوك
4 ليالي شنغ ماي
6 ليالي بوكت
5 ليالي كوسوماي
4 ليالي بانكوك العاصمة
ملاحظة مهمه :- تلغين بتايا لانه لاتصلح للعوائل وماتسوي يوم واحد لها ، انا لو مكانك ألغي جزيرة كوسوماي لانها مصغرة من بوكت واقل عدد ايام الرحلة من 20 يوم الي 15 او 16 يوم ، وبوكت احسن منها الف مرة ومنها جذي وفرتي علي نفسك عدد ايام ومبلغ يفيدك بانكوك لانها مغيرة لشراء الهدايا والاغراض .
يعني يصير الجدول بعد الغاء كوسوماي وبتايا
ليلة بانكوك
4 ليالي شنغ ماي
6 ليالي بوكت
4 ليالي بانكوك
انا اقول جذي احسن واوفر لكم وانتي وكيفك يا اختي العزيزة
بالنسبة للراحة والاستجمام في جزيرة بوكت
وبالنسبة للطبيعة الخلابة في شنغ ماي
للتسوق في بانكوك
وانا راح اكتب لك كل شي عن المناطق السابقة من معلومات عن الفنادق والاماكن السياحية والتسوق .
وان شاء الله تصير لك خبرة بعد هالسفر وتقومين تنصحين بالعالم بكرة ههه
اخوك :- عبدالله الكويتي
bigbin609


خصم يصل إلى 25%