النمسا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
noor-elshams
13-12-2022 - 05:18 pm

سهلا و اهلا بكم زوار رحلتي الصيفية
في جزء سابق تكلمت عن رحلتي الى تركيا كمحطة أولى لمتابعة التقرير
هنا https://artravelers.com
التقرير يشمل على زيارتي ل
فينا
زيلامسي و كابرون

شلالات كريميل

سالفالدين

سالزبورغ و ميونخ المانيا
كلفتنا الرحلة 57265 ريال سعودي
للشخص 11453
السعر كان مرتفع شوي لأننا حجزنا الفنادق قبل السفر ب 3 أيام فقط
.. تفاصيل الأسعار ..
عددنا 5 اشخاص بالغين لمدة 14 ليلة 15 يوم
وكان حجزنا عن طريق ( مكتب الفرسان - الرياض )
الفيزا : 3565 ريال .. للشخص 713

(39700 )
فنادق و مواصلات و استقبال و رحلتين :
( فينا . زيلامسي , سالزبورغ , ميونخ )
الإقامة غرفة مزدوجة و غرفة ثلاثية مع بوفيه الفطور + تنقلات من والى المطار + 3 رحلات نصف يوم في فينا و سالزبورغ و ميونخ
+ تنقلات بين المدن
( فينا - زيلامسي بالقطار)
(زيلامسي - سالزبورغ سيارة خاصة)
( سالزبورغ - ميونخ سيارة خاصة )
التذاكر ( 14000)
التذكرة 2800 للشخص على الخطوط التركية:
( عمان , اسطنبول , فينا , ميونخ , اسطنبول , عمان )
ونفس السعر من السعودية أو الأردن مافيه فرق
زمن الرحلات :
عمان - اسطنبول ( ساعتين و 20 دقيقة)
اسطنبول - فينا ( ساعه و 40 دقيقة)
ميونخ - اسطنبول ساعتين ( ترانزيت الى عمان ساعتين بالمطار )
اسطنبول عمان (ساعتين و 10 دقايق)
.. قبل السفر يجب ان تحرص ان يكون معك ..
( بوصلة لتحديد اتجاه القبلة , يورو , فيش كهرباء , مظلة
جزمة رياضة , رخصة دولية , مضاد حيوي , وصفة طبية )
طبعا لان المضادات الحيوية والادوية مو مثل عندنا
الصيدلي يعطينا اللي نطلب لازم بوصفه طبية او لا.
.. بسم الله نبدأ الرحلة مصورة ..
للمعلومية: صورت اكثر من 2800 صورة واخترت منها الافضل لكم
ومثل ماقلت من قبل اللي مايحب التفاصيل اتمنى تعجبه الرحلة مصوره
بعد ماخلصنا الاجراءات في مطار اتاتورك باسطنبول طلبنا الويل شير لامي وابوي
على فكرة مسموح لنا ب 20 كيلو لكل شخص من اسطنبول لفينا ولكن من ميونخ
الى اسطنبول - عمان 30 كيلو للشخص وكل كيلو زيادة ب 13 يورو يهم اللي يحبوا يتسوقوا
بعدين رحنا للمسجد صلينا الظهر والعصر جمع وقصر
بعدين رحنا ننتظر الرحلة عند البوابة

واول مافتحوا البوابة طلعوا اللي معاهم ويل شير او اطفال وبعد ماجلسنا بدأ صعود بقية الركاب.
بعدها اعطونا منيو عشان نختار الطبق الرئيسي قبل الاقلاع .

اقلعت الطيارة وطبيعي مايقولون دعاء السفر بس الحمدلله مانسينا نقوله
وهذي صور لمدينة اسطنبول

وهذا البحر الاسود

بعدها بشوي جا وقت الغدا وكانت هذي وجبتي بالعافية على قلبي
وطول وقت الرحلة الغيوم كانت مرافقتنا
هذي صورة لنهر الدانوب اما في بلغاريا او رومانيا مو متأكده

وهذي صورة بحيرة اعتقد انها بين هنغاريا والنمسا

وهذي النمسا وقت الهبوط

واخيرا هبطت الطيارة حمدلله على سلامتنا
كنا حريصين اول مانزلت الطيارة اننا ندعي هذا الدعاء :
(اللهم اني اسالك خير هذا البلد وخير مافيها واعوذ بك من شر هذا البلد وشر مافيها )
ومن هاللحظة احسبوا فرق التوقيت عن بلدكم وكان فرق التوقيت بينها والسعودية -
.. نرجع للرحلة ..
غلطتنا نسينا اول مانركب الطيارة اننا نطلب ويل شير حتى يتوفر عند باب الطيارة اول ماننزل

عشان كذا نزلنا وركبنا الباص بس اول ماتدخل صالة المطار تلاقي كراسي متحركة متوفرة بكثرة
وصلنا عند الجوازات تفرقنا عشان نخلص بسرعه اخواتي دخلوا في مسار فيه موظفة وانا
حظي مع موظف اول ماجا دوري وقف الموظف يعتذر وقال لحظة انادي لك الموظفة بس كان
عندها زحمة ابتسم ومو عارف كيف يقول اكشفي وجهي بعدين
ابتسم وقال اهلا وسهلا بكم في النمسا نتمنى لك اقامة سعيدة .
خلصنا من الجوازات في 3 دقاق ويمكن اقل ورحنا ناخذ الشنط طبعا العربات لازم تدخل فيها
يورو عشان تاخذها مشكلتنا مامعانا يورو ( قروش ) رحنا لبنك المطار بنصرف انا واختي
بس طلعوا نصابين يصرفوا اليورو ب 11 ريال ونص تقريبا .
المهم اختي بهالوقت كانت راحت بتصرف من الماكينة اليورو الا شافها موظف هندي مسلم يشتغل
بنقل العفش اعطاها عربتين قال لا عربة ماتكفي شكله متعود على العرب
ومارضي ياخذ شيء قال انتم من مكة وراح وتركها وانبسط يوم اختي
اعطته علبتين تمر كانت ويانا هو وصديقه .
طلعنا من الصالة الا موظف الشركة مصري كان في انتظارنا

ركبنا السيارة واول ماوصلنا اعطانا مغلف من الشركة فيه فاوتشرات الرحلات وكتيبيات عن النمسا

وهذي صورة لاشعة الشمس اعجبتني بالطريق بس طبعا الكام ماتساعد

وهذي صورة لنهر الدانوب داخل فيينا وقريب ن فندقنا اللي بنسكن فيه

.. يتبع ..


رحلتي الى النمسا
التعليقات (9)
noor-elshams
noor-elshams
وصلنا الفندق كانت المنطقة هادية جدا الساعه 7 ونص وكل شيء مقفل
ولكن الشارع فيه محلات تجارية كثيرة ومركز تجاري ومقاهي وسوبرماركت قريب
اسمه Embassy
وهذا موقع الفندق : http://www.hotelembassy.net/
اول مادخلنا الفندق اتصل فينا المسؤول عن برنامجنا من الشركة في اسبانيا يتطمن هل كل شيء تمام
واعطانا رقمه حتى نتواصل معاه في اي وقت وخلال 5 دقايق واقل خلصنا بس صارت
شمكلة صغيرة معانا و الفندق عوضنا بدل الغرفتين جناحين ..
هذا لوبي الفندق
وبهذا الكتيب اعطونا بطاقات الغرف وكل كتيب فيه معلومات عن فيينا
وهذي صور جناح امي وابوي
البلكون وصور للشارع منه بالليل والنهار
وهذا جناحنا لاننا كنا طالبين غرفة ثلاثية اعطونا جناح اكبر والكنبة تصير سرير جهزوها لنا اول مادخلنا
البلكون
الحمامات عندهم مأساة كل عربي ومسلم وتعرفون السبب
والديكور الجديد مشكلة بحد ذاته
الثلاجة مااذكر انهم شيكوا عليها بس عند الخروج يسألون استخدمتوا شيء ؟ نقول لا وينهون كل شي
الموية عندهم طبيعية يعني لو تشرب من الصنبور عادي واصلا ابرد من اللي في البراد
بس اهم شي اشتروا مثل هالموية اللي لونها اخضر لان الالوان الباقية كلها غازية
الانترنت عن طريق الكيبل ومجاني .. والتلفزيون فيه قناة الجزيرة
احترنا في اتجاه القبلة كيف بنصلي ونسينا البوصلة اجتهدت انا بالاتجاه حسب غروب الشمس
ويوم جت موظفة الفندق سالتها عشان اتاكد عن جهة الشمال والجنوب واعطتني اتجاه ثاني
قالت كثير يجون من عندكم يسألون وكذا اتجاه بلدكم. واعدنا صلاتنا مرة ثانية .
يوم جا الليل نزلوا اخواتي يستكشفون المنطقة وفي طريقهم لقوا مطعم يشتغلون فيه
مصريين مسلمين
وصححوا اتجاه القبلة وطلع توقعي انا صح . المهم ضايفهم شاي وسوى متوصي فيهم
ويوم جا وقت الحساب باعهم الموية ب 2 يورور اشتروها طبعا قلنا يمكن السعر
كذا بس بعدين اكتشفنا ان الموية سعرها 49 سنت .. وجابوا العشا تعشينا والحمدلله ونمنا
وبكذا انتهى يومنا الاول في فيينا
.
صحينا الصباح ونزلنا نفطر .. اخترنا هذا الكورنر وجلسنا فيه
وهذي صور متفرقة من البوفيه ماصورته الا اخر يوم وحنا مسافرين وماكان جاهز كله
خلصنا فطور ووصل مندوب الشركة عشان عندنا رحلة نصف يوم في فينا
وجاب لنا 4 شرايح جوال طلبناها منه ونصحنا ب شركة T-Mobile
بس انتبهوا تستخدمونها لانها اسوء شركة .
غالية كلمنا السعودية اقل من دقيقة خلصت ال 5 يورو حتى المكالمات الداخلية غالية ..
ونصيحة خذوا من شركة Vectone ب 15 يورو
رائعة قال لنا عليها عراقي في زيلامسي وفعلا الاسعار فيها رخيصة جدا
والويك اند عندك 100 دقيقة اتصال مجاني وبين مستخدمي الشبكة الاتصال مجاني
تقريبا الاتصال للسعودية الدقيقة ب 12 سنت وتقل اذا تتصلي على اي دولة ضمن
دول الاتحاد الاوربي فكنا نكلم اختي في تركيا بسعر لايذكر .
.. المهم تحركنا وبدينا رحلتنا في فيينا عاصمة الفن و الموسيقى ..
فيناتحيطها الجبال من جميع الجهات ويعتبر الجو حار صيفا بارد رطب شتاء .
لكن حرهم مو مثل حرنا اعلى درجة حرارة 30 ويعتبرونها حر شديد
يمر نهر الدانوب في فيينا .. وله تفرعات صغيرة يسمونها قناة الدانوب
فيينا تتكون من 23 حي , الحي الاول هو الاقدم والافضل وكان لايسكنه في
القرن السابع عشرالا الطبقة الراقية والخدم يسكنون في الحي الثالث او الرابع
وهذي صورة لاحد شوارع فيينا بين الحي الأول على اليمين والحي الثالث على اليسار
وهناك منافسة بين الاحياء وكل حي له رئاسة خاصة وكل سنة يختاروا افضل حي
عن نفسي حبيت التنظيم والترتيب بشوارع فيينا اكثر من سالزبورغ
.. البرتينا Albertina ..
من أهم و أكبر المتاحف في العالم لاحتوائه على مجموعات كبيرة
من روائع فنية لفنانين عالميين عمره تقريبا 269 سنة
هالمكان طفشني نسيت اسمه كان صعب مدري طويل بس المهم
ان هذي الساحة على اسم قائد روسي مات في الحرب وعلى الاعمده
مكتوب اسماء الجنود اللي ماتوا في الحرب ومن هالمكان انطلق نابليون بونابرت
بعدها رحنا هالمكان بعد نسيت ايش يكون بس فيه عدة اماكن مهمه واسمه مكتوب بالصورة
هذا الشي بالوسط موجود اكيد تذكرا لاحد
وممكن تاخذون لفة بالمنطقة بالعربة بس غاليه على قلة فايدة يعني ب 50 يورو ماتستاهل
المبنى اللي خلف التمثال هي المكتبة العامة
هذا مبنى البرلمان الاوربي
مبنى الكونجرس واللقاءات الرسمية
مبنى الحكومة النمساوية
وهذا مبنى بلدية فيينا البعيد كانه كنيسة
خلصنا جولتنا بهالمكان وبعدها رحنا ل قصر الشنبرون
فينا تكتب بالانجليزية : Vienna و الالمانية Wien وهي اللغة الرسمية .
هذا الموقع الرسمي و الدليل السياحي لها بعدة لغات
http://www.wien.info/ar
نصيحة يمكن تزعل البعض ولكن في كل مرة نتصادف مع عربي مقيم في النمسا لابد
مانلاحظ انه يستغل انك عربي مثله وينصب عليك بالسعر فلازم تنتبهوا من الاسعار
قبل الاتفاق معاهم لانهم يتعاملوا معاك باسلوب حلو وياخذو اضعاف السعر وماكتبت
هالكلام الا من اكثر موقف مر علينا ..

noor-elshams
noor-elshams
في طريقنا ل قصر الشنبرون وقبل نوصل مرينا عند نهر فيينا ومياهه مو كثيرة مثل ماتشوفون
وصلنا قصر الشنبرون نزلنا وقال لنا المرشد بيتركنا ومتى ماخلصنا ندق عليه ياخذنا
وقال لنا الحديقة تلاقونها خلف هالقصر واذا تحبوا تدخلوا لقصر من جهة اليسار قطع التذاكر
وهذي بعد مادخلنا صورت مدخل القصر
احنا شفنا الزحمة قلنا مو لازم نشوف القصر نكتفي بالحديقة .
القطار ما امدانا نلحق وقته وقلنا خليه بالاخير لانه ياخذك بجولة للحديقة كاملة
والعربة الاخيرة مخصصة لذوي الاحتياجات الخاصة
ونفس الشيء العربات تاخذك بلفة حول الحديقة
يوم وصلنا جهة الحديقة طلع الدخول لها مجاني بس امي وابوي مارضيوا يمشوا معانا
دخلنا وماطولنا بس قلنا نشوف الحديقة ونصورها لهم ..
ماطولنا بس شوي ورجعنا حتى مانطول عليهم .
حديقة الملكة اليزابيث اللي هي حديقة القصر معروفة انها اكبر حدايق فيينا واجملهم
بناها الامبراطور بعد مارجع من فرنسا وكان يبغاها تكون مشابهة لحدايق قصر فرساي
هذي مواعيد زيارة الحديقة
هذي اول ماتدخل يقابلك هالمنظر
وهذيا مقابل له
وهذي صورة للقصر من الجنب مع الصورتين اللي قبل
الحاجز الاخضروفيه وردات حمراء الي تشوفونه عبارة عن ممرات
هذي من داخل الممرات وعلى انه كان مشمس بس الجو حلو
وهذي الساحة اللي قدام القصر على الطبيعة احلى بكثير من الصور
يتبع
واللي فوق الساحة اللي كانوا يلعبون فيها ايام الامبراطورية حسب ماقالوا لنا
وهذي صورة بانورامية جمعتها لكم من بلكون القصر
اضغطوا على الصورة لمشاهدتها
كل ممر من اللي شفتوه بالصور اللي فوق ببدايته فيه مجسمات طبعا مختلفة
بعضها حلو وبعضها اباحي

noor-elshams
noor-elshams
في واحد من هالممرات فيه حديقة داخليه اعجبتنا
وفيها كثير سناجب جننوهم السياح وهذا لقيته في حاله فصورته
هنا لوحات ارشادية للمنطقة اللي احنا فيها
هذي حديقة الحيوانات وتعتبر اكبر واقدم حديقة حيوانات في العالم
ما اسعفنا الوقت ندخلها عشان امي و ابوي ينتظرونا
ولمشتهدة كامل الحديقة تحتاج يوم كامل حسب مايقولون
وتشتهر بوجود دب الباندا فيها
وهذي نافورة القصر
من نفس المكان صورت القصر
وهذي صور للقصر والحديقة من خلف النافورة
دخلنا في ممر ووصلنا لهالمكان نافورة النجمة مثل مايسمونها
ومثل ماقلت كل ممر فيه حديقة تختلف عن اللي قبلها
اخر شيء رجعنا لامي وابوي وللاسف مكانهم يسد النفس مافيه شي ينشاف
وقبل ما اطلع من الحديقة صورت هالصورة للقصر وحبيتها
وبعدها طلعنا من الحديقة واكتشفنا اننا لو رحنا مع الجهة الثانية العربات والقطار كله متوفر
ف اللي يزور القصر مرة ثانية الافضل انه يروح مع جهة اليسار لان حتى لو ماحبيت تمشي
فيه جلسات وكوفيشوبز للي يحب يجلس .
طلعنا نكمل الرحلة في شوارع فيينا وهنا مقر منظمة الاوبك
وهذي منارة فيينا منها كانوا يراقبوا المدينة منها
ورحنا لشارع ماريا هفلر وكان بياخذنا لحديقة قصر البلفادير بس لان امي وابوي ماراح يمشوا
قررنا ماننزل وقلنا كفاية شفنا حديقة وحدة وللمعلومية فيينا فيها اكثر من 80 حديقة
اخر شيء نزلنا في شارع المشاه لكن مو من جهة ساحة ستيفنز ومن الحظ الشارع
اللي نزلنا منه كله حفريات بس مرينا على كم محل اعجبونا وقلنا نرجع نشتري
بس ماصار لنا نصيب
وبطريقنا شفنا هالمهبول واقف مجبس روحه بالشارع وفيه مثله كثير بس هذا اللي صورته
لقينا مطعم سي فود اخذنا منه وجبات ورجعنا الفندق تغدينا
اقترح علينا المرشد رحلة الى المزارع حول فيينا وقال انه هالمزارع ماراح
تلاقونها تقريبا الا هنا خصوصا مزارع الفراولة تدخل وتتمشى في المزرعة
وتاكل من الفواكه ببلاش واذا حبيت تشتري شيء وانت طالع منها بس قال
انها رحلة ممتعة لكن لان غالبيتها مشي مارحناها
بعد مارجعنا الفندق وتغدينا وبعد العصر نزلت انا واختي الشارع نشوف المحلات قبل
تجي الساعه 7 وتقفل المحلات ولقينا مركز دخلناه وشفنا محل C&A
بالبداية قلت لاختي شكله ماله داعي مو لازم ندخله بس دخلناه واعجبنا وشرينا منه
شي وشويات وبعض الهدايا وقفلت المحلات ورجعنا الفندق وقفل علينا السوبرماركت ولا شرينا منه
رجعنا الفندق واختي انهبلت علينا تحس فيها صداع وانفلونزا قالت بس فيني انفلونزا خنازير
وتحملت على نفسها بعدين هلوست وقلنا لموظفة الريسبشن فيه مستوصف قريب او صيدلية قالت
ايه 5 دقايق مشي ورحنا على وصفها ومرينا في شوارع هادية مانسمع فيها الا صوتنا
ووصلنا المنطقة اللي وصفتها ولا لقينا الصيدلية الا مقفلة وقالوا لنا روحوا الثانية
رجعنا للفندق بطريقنا وقفنا عند المطعم المصري قال مستحيل يعطوكم دواء بالذات
مضاد حيوي بدون وصفة طبية روحوا للمستشفى 5 دقايق مشي من هنا
رحنا ومشينا لفة وش طولها ولا لقينا شي ومرينا محطة بالاخير واشترينا
موية وعصيرات ورجعنا الفندق وشفت هالسيارة بالطريق صورتها
ياحليلها شكلها كانها لعبة مو سيارة بس لشخصين
وقلنا خلي بكرة لبكرة نفكر وين نروح .. وبكذا انقضى يومنا ونمنا
.. يتبع ..

noor-elshams
noor-elshams
الصباح قلنا بلاش نطلع نخليها العصر وجلسنا في الفندق واختي لازالت مهلوسة اخر شي لقينا وصفة
بالشنطة مكتوب فيها فولتارين زورتها انا وكتبنا معاه مضاد حيوي وبالقوة رضيت بالصيدلية تعطينا اياه .
والحمدلله اختي ماكان فيها شيء بس الهلوسة لابد منها .
نزلوا اخواتي السوق لنفس المحل اللي رحناه البارح صراحة المحل حبيته واعجبني
هو محل موجود في اكثر من مدينة اوربية والحلو انك اذا اشتيريتي من محل مو عندنا او مو منتشر
تضمني انك تلبسين شيء مو عند غيرك مو مثل هنا الكل يلبس مثلك من نفس الماركات
والمحلات والصناعة اوربية وغالبية هالمحلات مخصصة للسوق الاوربي .
انا كنت جالسة مع امي وكنت اسلي حالي اجلس على النت شوي
او اطلع اجلس في البلكون اشوف الرايح والجاي
واشوف عمارة العجايب اللي قدامنا
يوم رجعوا اخواتي قررنا ناخذ رحلة في الدانوب ونتغدى بالمرة هناك ونروح لبرج الدانوب
تشوفونه بعيد لوحده بالصورة اللي خذيتها من بلكون الفندق
وقلنا بعدها نروح ساحة ستيفنز لكن من الحظ الحلو تاخر الوقت مثل ماتشوفوا بالصورة
وماصار قدامنا الا ساعه وتقفل الدنيا كلها
طلبنا تاكسي من الفندق ل 5 اشخاص وقررنا نروح برج الدانوب
للمعلومية التاكسي: ياخذ عليك 2 يورو ل الطلب واي شخص زيادة عن 4 اشخاص 1.5 يورو وفي هالمشوار اخذ منا التاكسي 13 يورو
وصلنا منطقة الابراج ( ابراج فينا ) ومنها الى برج الدانوب
وكان الوقت خلاص مغرب للاسف الحدايق والجلسات
حلوة في حدايق البرج بس باللظلام ماينشاف شيء المهم جلسوا امي وابوي بكافي شوب
واحنا دخلنا نحجز وهذا سعر التذكرة للشخص وتقدر تاخذ كتيب فيه معلومات عن البرج مجاني
وهذي الاسعار عامة
واحنا داخلين للمصعد يصورك مصور بغض النظر تبغى او لا ويوم تنزل تشوف صورتك لو بغيتها اشتريها
وقفنا ننتظر المصعد ويبين قدامك مكان المصعد ومتى يوصل
وطبعا بالمصعد موظف بس اللي يخاف لايفكر
يطالع فوق وهو بالمصعد عشان مايشوف الاسلاك واخواتها
طلعنا لارتفاع 165 متر والافضل انك ماتوقف في ارتفاع ال 150 لانه زجاجي ماتشوف شي منه
الكام للاسف ماتساعد بالتصوير في هالوقت بس هذي بعض الصور ان شاءالله تعجبكم بس للامانه
المكان احلى بكثير من الصور واكيد بالنهار بيكون احلى وامتع
وهذي صورة بانورامية جمعتها لكم وتبين فيها ابراج فينا
هذي منحدرات مخصصة لذوي الاحتياجات الخاصة وهالشيء المميز عندهم في كل مكان مو مثل عندنا
اختي قالت شوفي العالم كلها مكتبة يعني مو بس عندنا اللي يكتبون ويوم اصور بعض الكلام طلع اللي تشوفوه ههه
نزلنا بالدرج الى ارتفاع 150 متر لان فيه المطعم الدوار .. اخترنا هالطاولة
وطلبنا ايسكريم بالعافية على قلبنا نسيت بكم سعره بس اذكره كان رخيص يورو او يورو ونص شيء كذا
وطبعا لابد ما نسأل اذا فيه شيء محرمات حدد لنا كم نوع فيه والبقية حلال
الجلسة كانت حلوة بس ماحبينا نتاخر حاسبنا وطلعنا
ووقفنا ننتظر المصعد يمكن ثلث ساعه وبهالوقت شفت هالمكينة تدخل كوينز فيها
ويطلع لك مطبوع عليه البرج كتذكار
نزلنا وطلبت تاكسي من كاونتر التذاكر ورحنا نجلس مع امي وابوي ننتظره يوصل
ومن سوء حظنا انه كان مايتكلم انجليزي ماغير الماني وشوي قال انتظروا واتصل
بالجوال واعطاني اياه قال كلموا الشركة توني اقول هلو الا يطلع لي واحد عربي يتكلم
وقام يرحب ويهلي وسأل وين بنروح قلت له وين يقترح او اذا مافيه نروح ساحة ستيفنز قال اوكي انا
باقول له الحين واذا احتجتوا اي شيء كلموني انا موظف الشركة واعطانا رقمه
وصلنا للساحة واخذ مننا التاكسي تقريبا 10 يورو
نزلنا ساحة ستيفنز بس ماصورت كثير زحمة و ظلام وهالصور اللي طلعت معي
للمعلومية كل لوحات الشوارع في فينا قبل اسم الشارع يوجد رقم
هالرقم هو رقم الحي وبجنبه اسم الشارع
جلسنا امي وابوي ورحنا نشوف مطعم وصفه لنا المصري قال حلال وعربي ومن هالكلام
لقينا هالمطعم اكله لاباس به طلبنا ساندويشات كباب ومقبلات واخذناه قلنا ناكله بالفندق
ومالقينا تاكسي كبير ل 5 اشخاص بسهولة
رجعنا اتصلنا على الشركة اللي فيها الموظف العربي على اساس يرسل لنا موظف
شوي الا هو بنفسه جا وطبعا احنا تعودنا مجرد مانركب يشغلون العداد ويمشون يوم وصلنا الفندق
الا يقول 15 يورو رغم ان المشوار بسيط جدا ماتعدى 3 دقايق قلنا له ليش كم العداد ؟؟
قال مفيش عداد هيا الاسعار كده والسيارة دي كبيرة والتسعيرة من بعد الساعة 7 تختلف
قلنا له اولا احنا كل مشاويرنا كانت بعد الساعة 7 ومن الفندق للدانوب مشوار وش طوله اقل من هالسعر
بعدين رجعنا من الدانوب مشوار بعد وش طوله اقل من هالسعر قال يعني ايه انا باكذب عليكم قلنا ايه
قال التاكسي بالطلب وانتم 5 السعر بيختلف قلنا نعرف ان الطلب ب 2 والشخص الزيادة ب 2 قال وانا ايه
عرفني انكم بتعرفوا كل الخليج اللي يركبوا معايا مابيتكلموش قلنا احنا مالك عندنا الا 10 وحرام فيك بعد
ومنكم تعلمنا اننا نتعامل مع نمساوي مسيحي افضل من اننا نتعامل مع نصابين مثلكم ومشينا وتركناه
تعشينا وجهزنا الشنط لاننا بنسافر الى زيلامسي الفجر بالقطار ولازم الساعه 6 نكون جاهزين
.. يتبع ..

noor-elshams
noor-elshams
الفجر كلنا صحينا صلينا ونزلنا وكان موظف الشركة في انتظارنا
ورحنا لمحطة القطار مشي معانا الى مادخلنا القطار
واخذنا مقاعدنا وكان زمن الرحلة 5 ساعات بدون تغير القطار
وهالشيء اللي رغبنا فيها رغم انه وقتها شوي بدري
وهذي التذاكر سعرها مشمول ضمن برنامج الرحلة
وهذا جدول رحلات القطار من فيينا الى زيلامسي يتوقف في 16 محطة وزيلامسي ال 17
بس في كل محطة يوقف دقيقتين او 3 الا في سالزبورغ وقف تقريبا 20 دقيقة
وهذا منيو الوجبات على القطار طبعا تختار وتشتري مو مجاني
وهذا اهم شي كهرباء موجود فوق كل مقعد
و سمينا بالله و دعينا دعاء السفر وابتدأ القطار مشواره الساعة 6.44
بعد ماركبنا القطار ب 5 دقايق تقريبا تحرك فينا وابتدأ المشوار
هالحفريات فكرتني باتربتنا اللي ماشتقت لها ابد ولا باشتاق لها
وكل شوي كنا نوقف في محطة هذي عند وحدة من المحطات
مجموعة الصور اللي بتجي كلها في الطريق وغالبية الصور لسهول وقرى نمر فيها
بحيرة مرينا عليها بطريقنا
ومن بدينا نقرب من سالزبورغ صارت المنطقة فيها انهار و جبال قممها صخرية
و بعضها مغطية بالثلوج وهالجبال هي امتداد لسلسة جبال الألب
وهنا قبل نوصل لزيلامسي صورت قبل اشيل كاميرتي ونجهز اغراضنا
لان القطار يوقف بس دقيقتين ولازم نكون مجهزين كل شيء عند الباب للنزول
وصلنا حمدلله على سلامتنا الساعه 12
وهذي بحيرة زيلامسي خلف محطة القطار
يمين الفارة على الصورة وحفظ باسم
حجم الملف : 2.3 م.ب

noor-elshams
noor-elshams
زيلامسي او كما يطلق عليها اهلها ( تسيلامسيه ) من اكثر الواحات الطبيعية التي اجتذبت السياح
حيث الطبيعة و الجمال و الترفيه تبعد 4 ساعات ونصف عن العاصمة فيينا و ساعة ونصف عن سالزبورغ
من الانشطة الترفيهية في زيلامسي:
الألعاب البحرية بكافة انواعها , تسلق الجبال والتزلج على الجليد
الدراجات , و السكوترات المتواجدة في جميع المحلات للايجار
وغيرها الكثير مما يناسب الاسرة بكاملها
اول ما وصلنا محطة قطار زيلامسي حصلنا موظف الشركة في استقبالنا لكن هالمرة
الموظف كان نمساوي ولكنه يتكلم انجليزي .. اخذ منا الشنط ومافيه 4 دقايق او اقل
وصلنا فندقنا ليفينق ماكس
وهذا موقع الفندق :
http://www.livingmax.at/ehtml/front2.html
اول ماوصلنا الفندق سوينا الشك ان بأقل من 5 دقايق كنا بغرفنا وكل اللي ياخذونه منا
رقم الحجز وجواز السفر يصورونه ودامك واصل بعد الساعه 12 او 2 حسب نظام الفندق
تدخل غرفتك مباشرة وهذي بعض الصور من اللوبي حبيت هالكورنر
ويعطونك بطاقة خصومات حسب مدة اقامتك لكثير من الاماكن السياحية بالمنطقة
.. معلومة ..
اذا سكنت في غرفة وحبيت تبدل غرفتك تدفع 10 يورو بدل تنظيف الغرفة وتنقل بنفسك للغرفة
الجديدة وهذا اللي صار معانا بعد ماغيرنا غرفة امي وابوي بعد يومين .
الفندق ماكان مثل الصور اللي شفناه وغرفتنا كانت مطلة على الجبل وما لقينا غرف مطلة
على البحيرة في الفترة اللي كنا فيها لان الفندق فل صحيح مو مثل ماتوقعناه لكن خدماتهم ممتازة
طلعنا للغرف وهذا الكوردور
وهذي صور غرفتنا .. غرفة امي وابوي اصغر منها بس ماصورتها
الحلو عندهم انك حاجز غرفة ثلاثية تدخل تلقى كل شيء جاهز عكس الفنادق اللي عندنا
وهذي صور البلكون
النت عندهم مجاني والتلفزيون مافيه قنوات عربية بس حلو فيه قناة زيلامسي تجيب لك
تصوير مباشر للمنطقة كيف الجو ليل بنهار
.. يتبع ..

noor-elshams
noor-elshams
المهم اننا من تعب الرحلة نمنا وصحينا العصر تقريبا ونزلوا اخواتي يشوفون المنطقة
ورجعوا متندمين اننا كنسلنا حجز فندق قراند لان المنطقة لوحدها تغنيك عن اي عيوب ثانية
للاسف احنا الغينا حجزنا لاننا قرينا في الانترنت انه بدون تكيف وبدون مصاعد و النظافة
مو بزيادة وان معاملة موظفينه سيئة جداا وكل مافي الفندق موقعه فقط !!
وكل هالكلام طلع غلط للاسف يوم رحنا الفندق لقينا ان معاملة موظفينه فوق الممتازة
والفنادق غالبيتها في زيلامسي بدون تكيف ولكن فيه مصعد ويكفي موقعه لانه جاي على
شبه جزيرة ويعتبر اقدم فندق بالمنطقة وغرفه مطلة على البحيرة ماعادا كم غرفة خلفية
المهم نرجع للصور
الجو يوم وصلنا كان رطوبة وحار شوي لكن هالكلام تغير بعد العصر وبدأت الغيوم تغطي السما
وماشاءالله في زيلامسي تشوف الخليجين اكثر من النمساويين والغالبية عوائل والمحافظين كثير
وهذي البحيرة واول مانزلنا كان في قوارب بالبحيرة
بس فجاة بدا الجو يتغير وصاروا يرجعوا الناس لانه باين بينزل مطر
رحنا جلسنا في تراس الفندق
وكان الجرسون اللي يخدمنا بوسني مسلم وتقريبا كان
غالبية المنيو بدون كحوليات او دهون خنزير وبعد الاسعار مناسبه مو غاليه رغم انه فندق 5نجوم
وطلبنا 2 شاي و1 هوت شوكليت و 2 ايسكريم تقريبا طلع الحساب ب 12 يورو او 15 مع الخدمة
هذا هوت شوكلتي علي بالعافية ولازم معاه حبة شوكليت
فجاة البحيرة صارت كلها امواج وبدا المطر ينزل بغزارة
والمكان في دقايق صار خالي والكل دخل الفندق وصار الجو بارد
بس مع كذا جلست تحت المظلة اصور واستمتع بالمطر
بس شوي تجمدنا من المطر والهوا ودخلنا الفندق ودخلنا
بوفيه الفندق قلنا نتعشى لكن ماكان فيه اكلات تعجبنا
وهذا ملف فيديو للي يحب يشوفه
يمين الفارة على الصورة وحفظ باسم
حجم الملف : 5.2 م.ب
دخلنا لوبي الفندق وهناك شفت تعامل موظفين الريسبشن
قمة في الذوق بس ماكان فيه امكانية حجز الفندق فل
طلعنا انا واخواتي لمطعم على بابا مقابل الفندق
بس الجو كان مطر والمطعم زحمة مافيه مجال ناكل في المطعم ف
طلبنا عشانا وطلب لنا تاكسي رجعنا اخذنا امي وابوي ورجعنا الفندق تعشينا وهذا العشاء
وهذا المنيو حق المطعم للي يحب يعرف الاسعار بس عموما
كل الاكل العربي في اي مكان اسعاره غاليه نوعا ما
اليورو تقريبا ب 5 ريال سعودي وربع او نصف حسب الصرف
ماطولنا في السهر وقررنا باذن الله من بكرة نكتشف المنطقة وبكذا انتهى يومنا الأول
.. يتبع ..

noor-elshams
noor-elshams
في الصباح نزلنا نفطر وهذي صورة المطعم بس صورته بالليل واحنا راجعين مظلم

وهذي صور من البوفيه ومن جيت أسأل الموظفة عن الأكل
هي جاتني وقالت بس بعض اللحوم خنزير وفيه منها دجاج وبقر
بس خير شر الحمدلله احنا ماناكلها

عصير برتقال فرش اعصره بنفسك لنفسك

هذا الكابتشينو الي صار فطوري كل يوم

وهذا فطور اول يوم اجرب وش عندهم

بعد ماخلصنا فطور رحنا نسأل في الريسبشن اذا فيه كراسي متحركة قالوا مافيه
بس تقدروا تستاجروا من اي مستوصف بس اليوم احد ما ادري اذا فيه امكانية
او لا وحنا نسأل كان فيه شاب كويتي واهله وقال لو معانا سيارة كان اخذناكم
لمحل في وسط زيلامسي تاخذين منه العربية بدون اجره بس تترك اثبات او تأمين
ومتى مارجعتي العربية تسترجعي التأمين شكرناهم وقلنا بس ننزل ان شاءالله بنشوفه
.. يتبع ..

noor-elshams
noor-elshams
طلعنا امي وابوي الغرفة ونزلنا نتمشى الجو كان حلو رغم انه مشمس وهذي بعض الصور للبحيرة
يمكن دقيقة او دقيقة ونص مشي من الفندق للبحيرة المسافة مو بعيدة مرة قريبة
وهذا ملف فيديو للي يحب يشوفه
يمين الفارة على الصورة وحفظ باسم
حجم الملف : 1.5 م.ب
بعدين صرت اتمشى حول البحيرة وصولا لفندق قراند وفي الطريق فيه حدايق عامة و الخاصة وهذي صور منهم
ولانه ويك اند في كثير نمساويين بس اللي لفت انتباهي عند النمساويين انهم دايم عوايل وفي
العيلة تلاقي طفلين او 3 وممكن 4 كانهم عرب عكس في تركيا طفل واحد ان كثروا اثنين
بعدين مشينا شوي في شوارع زيلامسي وهذي بعض الصور
وهذا النهر اللي يصب في البحيرة
هذي الجادة على يمينك كلها مطاعم وكوفي شوبز وفي الاخير توصل لفندق قراند ومطعم علي بابا العربي
وهذي الساحة في الوسط نفس الشي فيها مطاعم متفرقة
وعلى اليسار فيه سوبرماركت ومن خلفه تدخل على شارع ياخذك للسوبرماركت التركي
اللي يريحك انك تشتري وانت مطمئن ان اللي تشتريه حلال بس
عيبه ان الاسعار عنده اغلى من اي محل ثاني
مرينا على محل تاجير سيارات ولكن مافيه الا محلين مفتوحين
الاول مالقينا عنده سيارة ل 5 اشخاص والثاني تارك رقمه على المحل
كلمنا الموظف وقال بعد ساعتين كلموني او تعالوا المكتب
فكملنا تمشيتنا وبما امي وابوي قالوا ما بيركبون التلفريك قررنا انا واخواتي
نستغل الوقت الى مانستأجر السيارة وفيه اكثر من محطة تلفريك
شفنا اقرب وحدة مننا ورحنا لها
هذا الفندق بجنب محطة التلفريك نسيت اسمه بس يوم شفناه بالنت قلنا بعيد لكن للامانة موقعه حلو
ومنه تشوف الاثنين البحيرة والجبل وزيلامسي كلها صغيرة باقل من نص ساعه تلفها كلها مشي
واللي يميز كل بيوت وفنادق المنطقة الورود اللي تزينها
.. يتبع ..


خصم يصل إلى 25%