الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
the ro0ok
13-10-2022 - 11:54 am
السلام عليكم ورحمة الله وبركاته انا اليوم جايكم ضيف من بوابة الامارات وحبيت اقولكم من بين هل مدن ابيكم ترتبون لي من هي الاكثر تطور في الابراج والمنشئات : بوظبي : الدوحه : دبي : منامه : : كويت سيتي : طبعا كلكم بتقولون كويت سيتي لانكم كويتيين ههه بس لا ابي رايكم وخصوا الي زايرين هل مدن من سنة 2008 _ 2010 وانتو ترتبوني حطو بين كل بلده قوسين واكتب السه الي زرتها ويالله وهذا تصنيفي
1 - دبي ( 2008 زرتها وطبعا مب قريب عليها التطور)
2 - الدوحه ( 2010 كان شي خيال الصراحه )
3- بوظبي ( 2008 كانت عاديه وتطورها حلو بس ماتغيرت وايد بس مرتبه )
4 - كويت سيتي ( 2010 اشوفها تقوم شوي في التطور لاكن بطيء وعادي يعني ماتتقرن بدبي والدوحه )
5 - المنامه ( 2009 في محلك سر ههه لانها ماتغيرت في تطور لاكن عادي جدا )
وبدون زعل الصراحه
مننتضر الردود ....


التعليقات (9)
DJOMDD
DJOMDD
اخوى انت من بوابة قطر مو من بوابة الامارات هذى الاوله والثانية لاتستخدم بوابت الكويت لاثارة الفتن بين الاشقاء ثالثا اذا ما تقدر تسكت روح عندك قناة الجزيرة خذ راحتك
اخيرا ارجو من الاخوه المراقبين حذف هذا الموضوع

the ro0ok
the ro0ok
بل بل بل وش بلاك اخوي قمت علينا جي مجرد استفسار ولحضه اول شي انا سعودي وافتخر وحتى لو كنت قري كلنا خليجنا واحد عشان جي انا ماقلت بلدان قلت مدن وبعدين ليش فتن انا ماسويت لا فتن ولا شي واذا تقصد عن مشاركاتي الي في بوابة قطر اصلن انا خبير في قطر والامارات و لان كل سنه اهناك على شان كذا انا احب اشارك في بوابة قطر والامارات ويالله حبيبي اذا ماتبي ترد براحتك
ومشكور على ردك الي كله ذورق

مرسى الأحزان
مرسى الأحزان
أخوي معليش خلينا يالسعوديين بمحلنا لا تقول سعودي كلامك أبد مو سعودي وأحب أقولك ترى الرياض وجده بعد سنتين بالكثير حيكونوا مليانات أبراج روح وشوف بعينك المشاريع الي تحت الإنشاء وصور المشاريع ورغم هذا كله ماعندك علم وماذكرت هالمدينتين ضمن المدن بليز لا تقول سعودي

*ام البدر*
*ام البدر*
انا ما زرت المنامه عدل ولا عمرى رحت قطر وخبرى قديم بابو ظبى وكويتيه
بس دبى شى عجيب ما شاءالله

ابو ليلى 44
ابو ليلى 44
اخي العزيز صاحب الموضوع
بالنسبة لي انا طبعاً اتكلم عن نفسي انا زرت قطر وزرت دبي وزرت ابو ظبي جميعهم بعام 2009 وازور الكويت باستمرار بصراحه اكثر شي ارتاح فيه هي دولة الكويت لاتسألني ليه البلد هذا عجيب بكل ماتعنيه من كلمه لو تسأل اي سائح زار دولة الكويت بصراحه نفس كلامي وانا من الناس اللي مايهمني طول الابراج او التطور بعكس مايهمني احترام السائح والاستقبال الحلو من اي دوله كانت الكويت او غيرها لأن الكويت تسحرك بحب اهله وطيبتهم
اخي العزيز ولاتنسى أن جميع دول الخليج هي دولة اي واحد خليجي من غير اي تفرقه وهذي وجهة نظري ولك تحياتي وتقديري

مبارك ((بوفهد))
مبارك ((بوفهد))
السلام عليكم
مع احترامي لك الموضوع ماله داعي اصلا
ومبين من كتابتك انك اماراتي مو سعودي
وشكرا

the ro0ok
the ro0ok
مشكورين كلكم على ايجاباتكم الحلوه وماشاء الله عليكم يالكويتين ولعتوا فيني بس هذا من طيب اصلكم واخر شي الي ماتوقعته انكم ماترحبون فيني وفوق هاي اخوي الي ذكر كلنا خليجنا واحد على ما اضن انت قريت الي انا كتبته انا كاتب مدن مب بلدان وبعدين مافيها شي مجرد استفسار عادي ماقول غير الله يهديكم

the ro0ok
the ro0ok
مرسى الأحزان
اخوي انا ماكتبت جده والرياض لاني مايصير اكتب شي يكون في بلدي لاني انا صنفت المدن الي زرتها مب المدن الي عايش فيها
شغلوا مخكم ياناس شوي وقروا عدل قبل لاتعصبون
وبعدين انا من الرياض وينه احنا من جيرانا دبي والدوحه هم وين وصللوا واحنا وين واي ابراج الي عندنا تتكلم كلها المملكه والفيصليه اخوي دبي عندها 396 برج حاليا وقطر 211 برج حاليا وكويت كذالك عندها 44 برج حاليا احنا 7 ابراج شاهقه في الرياض وجده شتقوول انت ....
دبي قريبا اخر عدد راح توصله 555 >>> وهل رقم حطوه عشان يكون سبيشل
الدوحه قريبا راح يصير عندها 800 برج في حلول عام 2019
الكويت سيتي راح يصير عندها 250 برج في حلول عام 2015
السعوديه وينهي من ذالك والله انقهر لما اشوف بلادي واقفه وفي محلك سر

namareq
namareq
بالنسبة لي ما أعتبر كلما زاد عدد الأبراج يعني الدولة حضارية ومتقدمة
الشكل ما يهمني كثر التطور الصحي والتعليمي
والذي لا يرقى الى المستوى المؤمول في كل المدن الخليجية


خصم يصل إلى 25%