هلا ياغالي ,,
والف شكر لدعواتك الجميلة اللهم امين والله يجزاك خير ,,
بالنسبة للفنادق في نيويورك
فيه ناس تحب بعيد عن التايم سكوير علشان الهدوء وفيه ناس تحب الازعاج
على العموم هذا الرابط بيفيدك في افضل الفنادق في المنطقة على حسب موقعها في منهاتن ,,

اذا تبغا تشيك على الفنادق الي كتبتها انت انا من رأيي وهذا الي انا دوم اسويه واثق في تقييمهم
موقع Tripadvisor اذا كان تقييمه اربع نجوم وفوق اسكن فيه ولا تحاتي واقرا اهم شي النقد وشوف نقاط الضعف والايجاب فيه
بالنسبة للباصات كلها نفس الشي مافي فرق بينهم ,,
تقدر تحجز بكل بساطة اذا رحت للتايم سكوير تشوف موظفين الباصات يتجولوا في الشارع ولابسين جليه احمر والوان اخرى !!
تشتري من عندهم التذاكر وتختار لكم يوم وممكن تدفع ببطاقة الائتمان بعد وانت ف يمكانك في الشارع معهم جهاز لاسلكي بهذا !!
اتمنى لك التوفيق

حبيبي امباكت والله انه من قلبي الدعاء لك لأنك تستاهل كل خير
ولاتفكر بس الأعضاء بيدعولك ناس أنا اعرفهم شخصياً مو منتسبين للموقع يدعون لك لأنهم يقرون كتاباتك
الحين جالس اشوف trip arvisor ,وأسوي مقارنه بين الأوتيلات
واكرر شكري لك يالغالي

انا جربت The Paramount بصراحة ممتاز خصوصا بعد ما جددوا الغرف عندهم غرفة بالزاوية مساحتها كبيرة بالنسبة لغرف فنادق نيويورك
و هو طبعا بالتايم سكوير و بنص التايم سكوير كل شي قريب منه تطلع منه تروح يسار انت بالتايم سكوير تروح يمين تطلع على شارع كل شي فيه سوبرماركت ، مطاعم جاينيز ، بيتزا ، مكتبة ، محطة باصات السياحة
واي سؤال عن الفندق انا حاضره