- سلام عليكم ورحمة الله وبركاته
- .. لكل شاب أقوله كدير لاباس .. ولكل شابة اقولها كديرة لاباس ..
- يالله ندخل في الموضوع ...
- لكل متوجه الى المغرب .. أو فكر يزور المغرب ..
- عزيزي المسافر .. بنسبة للسكن بشكل عام ..
- بنسبة للي يسالون عن السواقين .. والطاكسي ..
- السفر متعة السفر مغامرة .. نتمشى نسال ناخذ كم من المعلومات ..
- نقطة اخيرة قبل ما اخذكم في سياره للنصائح العامة ..
- النصائح كثيرة جدا جدا ولا اجد الباقي مهم .
سلام عليكم ورحمة الله وبركاته
.. لكل شاب أقوله كدير لاباس .. ولكل شابة اقولها كديرة لاباس ..
طبعا يا شباب ويا بنات المنتدى سواء من مقيميين في المغرب او زوار .. من واقع تجربتي في المغرب ومن واقع الحياة الي مريت فيها في المغرب .. طبعا .. حبيت أفيد الأعضاء .. ببعض نصايح .. ولعل الموضوع يكون شامل ..
وبالأخير اذا الموضوع حاز على رضاكم .. ( ثبتوا الموضوع ) لتعم الفائدة .. ولعلى الموضوع يختصر .. كثرة الأستفسارات ..
كل واحد يركب .. ويربط حزامة ( رحلة سفاري ) .. ندخل في الموضوع ولا شرايكم ..
يالله ندخل في الموضوع ...
لكل متوجه الى المغرب .. أو فكر يزور المغرب ..
راح يروح ويشتري تذكرة .. بتقولوان ندري .. طيب .. بيسأل عن فنادق .. بتقولوان مافي شي جديد عندك .. طيب .. بيجيه عفريت ( بيقعد يوسوس ) ويدخل يبحث عن المغرب هل هي بلد امان ولا لا .. شيطبيعي يسأل .. باين عليك واحد فاضي .. طيب .. خليكم معاي شوي .. طيب احنا مسافرين عشان نغير جوا ونرتاح ونعيش تجربة جديدة .. شي طيعي .. انا بطلع من موضوعك .. انت واحد فاضي .. وتضيع الوقت وراي سفر .. لا لا خلك معاي شوي ..
طبعا في بداية الموضوع لكل منطقة في المغرب مميزات خاصة ونكه مميز وكل منطقة تتميز عن المنطقة ثانية .. انا واقع تجربتي الشخصية انا ذهبت الى مناطق ..المغرب السياحية وايضا ذهبت الى مناطق المغرب الشعية .. وكذلك الريفية .. سويت لنفسي جو مغامرة حلوو وجميل .. واخذت ذكريات خاصه فيني .. تحمسني لرحلة ثانية وثالثة..
طبعا يا شباب ويا بنات المنتدى .. انا الاحظ االكل يستفسر عن شقق وعن فنادق وكان المنطقة لي هو بيروح لها في 3 فنادق وشقتين .. ياشباب المنطقة سواء كانت كازا ولا اقادير ولا طنجة ولا مراكش ولا الرباط ولا فس ولا مكناس ولا اي منطقة .. تتميز ب كثرة الفنادق والشقق ..
عزيزي المسافر ..
طول بالك معاي السفر عبارة عن مغامرة ممزوجة ب روح المغامرة وروح التغيير وروح كسب الاشياء الجديدة نظيفها في هيكلة حياتنا العامة ..
عزيزي المسافر .. بنسبة للسكن بشكل عام ..
في بداية الطريق حدد نوعك هذا شكله مضيع حدد نوعك .. خلك وياي يعني حدد هل انت تحب السهر ولا تحب السياحة .. اذا انت تحب السهر خلاص عرفت اول وجهة راح ابحث عن شقة وانسى فكرت الفندق .. بتقولي بسهر وابي فندق كيفي طيب كيفك لاكن عزيزي المسافر بتسهر في الخارج لين وقت متاخر اذا حكمت على نفسك بنوم النهار وسهر ليل .. بالاضافة الى لا تستخدم الفندق الا للنوم فقط .. حددنا الحين نوع السكن لي نبيه .. زين كمل ..
عزيزي المسافر بعد اختيار نوع السكن .. نذهب لطرق الحصول على السكن .. انا من وجهة نظري .. انوا لو اخذة عنوان سكن من المنتدى او من صديق ماراح تستفيد لا المكان لي انت فيه حكمت على نفسك بالهلاك .. تسالني ليش اول شي .. السعر راح يكون غالي نظرا لان المكان مشهور .. وبالاصل مكان عادي .. بعد النزول الى المطار محمد الخامس .. نذهب الى مكتب حجز السيارات مع سائق .. ونطلب من عنده ياخذنا الى المنطقة الفلانية .. ونقول للسائق في طرق نريد سكن شقة او فندق وحدد معاه سعر .. من واقع تجربة .. وانا ذاهب الى افران كنت متخوف من السكن .. ف قاعد اسولف وادردش مع السواق وقلت له عن السكن وكذا قالي بالحرف الواحد لكل منطقة ( يوجد بها بوليسي تقف عنده وتطلب منه .. شقق .. البوليسي ! ! تعجب فوق روسكم اي نعم البوليسي راح يعطيك رقم تلفون لواحد راح يجي لعندك ويركب معاك فسياره وحدد نوعك افهم يا شاطر .. وحدد معاه سعر .. والله راح يطلعلك شقق .. حلو وراحة وامان .. لا نكبر المسألة والفنادق .. سهله جدا جدا بس تنزل مطار محمد الخامس في مكتبة تبيع كتب صغرة للكتب انواع مثال كتاب المطاعم في كازا ولا الفنادق في كازا .. وراح تلقي نظرة .. وبعدين يا شباب بسنا من التقليد .. محمد راح فندق هلتون قال عنه حلو انا اروح فندق هلتون محمد مزجه غير وجوه غير انا ما ارتب مزاجي على كيف محمد .. لكل شخص طبيعه خاصه فيه لو كل شخص يمشي على مزاج محمد كان يوسف ما طلق ساره ..
نصائح السكن ..
1- لا تصدق ما لا تراه يعني قالولك الفندق مو شي لا روح وشوف بعينك .
2- يفضل زيارة اكثرمن فندق من اجل اخذ معلومات .. تفيدك في سفراتك القادمة ..
3- شوف مزاج تحب البحر اخذ فندق على البحر تحب سوق اخذ فندق قريب من سوق تحب السوق تسكن بالبحر .. كذا حسبت على نفسك سعر طاكسي وسعر فندق ..
4- بنسبة للشقق يوجد في كل منطقة ناس مختصة بتسيل الشقق وماراح ياخذ فلوس ويسكنك غصب راح يمشيك على الشقق واختار لي يعجبك ..
5- السفر مغامة قبل ان يكون متعة يا مسافر عيش جو المغامرة لو يوم اسال وروح وتمشى واحسب لنفسك اذا زرت المغرب لك زيارة ثانية وثالثه .. يعني انا لقيت شقة حلوة وعجبتني خلاص اسكن والمره الجاية بزور المغرب هل راح اظمن تكون شقة فاضية طبعا لا .. اذا يستحب تتمشى وتاخذلك معلومات وارقام هواتف شقق . .
بنسبة للي يسالون عن السواقين .. والطاكسي ..
عزيزي المسافر .. كل منطقة بالمغرب يوجد بها مكتب .. لتأجير السيارات بسائق ومن غير سائق .. يعني الله يسهل عليكم .. نزلت مطار محمد الخامس وتبي تروح كازا لازم اسوي فيها شيخ والطاكسي كلمة من بلادي ينطرني عند باب المطار .. يابعد عمري .. اخذلك قطار اولا له متعة ياخي تحس بلذة السفر . ومن ثم بس تنزل من القطار في كازا مثلا بس تطلع من الباب فيه مو اقل من 50 طاكسي برا .. ينطرون .. اخذلك واحد قوله لو سمحت اليومية بكم .. يعطيك سعره ما عجبك دور غيره يا كثرهم والله .. والله انسان خايف .. مو مشكلة اخذ الطاكسي خله يوصلك لين عند الشقة او الفندق لي انت تبيه .. واذا انت بالفندق اطلب منهم ارقام .. سواقين او يستحب .. تروح لمكتب تاجير سيارات وراح تكون بامن 100% .. ليش اعيش نفسي في جو توتر على حساب تاكسي ولا على حساب سكن .. شي سهل جدا جدا وين لذة السفر اذا انا راح اسافر على شي معلوم .. اقعد في بلادك اذا انت في الجنوب روح شمال والعكس ..
السفر متعة السفر مغامرة .. نتمشى نسال ناخذ كم من المعلومات ..
نقطة اخيرة قبل ما اخذكم في سياره للنصائح العامة ..
عزيزي المسافر انت اخترت وجهتك للمغرب طيب اخترت مثلا اقادير ومراكش .. خلاص احسب اموري على مراكش واقادير وابحث عن مراكش واقادير .. انا استغرب من لي يكتب محتار بين منطقة ومنطقة عزيزي لو تبي تحسبها على منطقة ومنطقة ماراح تمل ولا راح تتحسف لان كل منطقة مميزة بحد ذاتها لا اعيش نفسي في حيرة خلاص اخترت مراكش اذهب في تقارير مراكش اجمع معلومات مراكش كاملة .. ما اشوف تقرير عن كازا وادخل حب استطلاع .. راح تجذبك كازا شوي موضوع عن اقادير اروح اطالع وبعدها ياربي وين اروح اهني ولا اهني ..
طبعا المسافرين الافاضل .. نصائح عامة ..
قبل ما تسافر اخذ معاك ..
1- كاميرا .. ظروري عشان تفيدنا بتقرير وبعد للذكرة ..
2- روح لسفارة المغرب في بلدك واطلب منهم خريطة لاي منطقة في المغرب راح تحصل عليها ..
3-اذهب الى المواقع التي يوجد بها تقارير مميزة عن المنطقة الي انت رايح لها .
4- تاكد من جواز السفر .
5- تاكد من ان يوجد عندك بطاقة بنكية صالة في المغرب .
6- لا تنسى بان تاخذ هواتف سفارة بلدك في المغرب . سبحان الله احتياط .
7- لا تنسى تاخذ معاك نوتة او دفتر صغير تكتب فيه اسماء الاماكن التي رايتها لتسهل على الاخرين واذا انت مسافر مره ثانية . تختصر لك مسافات طويلة .
8- لاتنسى تسجل اسماء المطاعم وانواع الاكلات الي اكلتها ب --- يفكر بالاكل هو ويكتب .
9- يستحب ان تكون علاقة في المغرب تعال جيب مخك في الموضوع .. علاقة يعني صداقة مع سواق طاكسي ولا خدام في الهوتيل يعني انجليزي في فندق .. من اجل اختصار مسافات ومسافات .
النصائح كثيرة جدا جدا ولا اجد الباقي مهم .
وبنسبة للي يقولوان مواضيع سحر ومادري شنو تعالوا بقولكم موقف صار معاي ...
قاعد اتمشى بالكورنيش ولا ذاك لي يطالعني من بعيد ويخزني ( يعني ينظر إلي بنظرة كريها ) شوي رجال صامل انا مسوي فيها ياغريب كن اديب .. شوي جاني يقولي بالمغربي طبعا كلام المهم معنى الكلام انا ساحر اسحرك ولا تعطيني فلوس طبعا الي قلبه بيده بيعطيه ترا هل ايام في استغلال للحركة هذي .. يعني لو واجهتك لا تعطيه قوله الحديث رسول صلى الله عليه وسلم ( لو اجتمعوا الامة على ان ينفعوك بشيء لن ينفعوك الا بما كتبه الله ولو اجتمعوا على ان يظروك بشيء لن يظروك الا بما كتبه الله ) ,
وبالاخير شباب ترا كل شي مكتوب وكل شي بحكم الله يمكن انا تميزت عنكم بان ربي نجاني ولا سهل علي ولا بعدني عن امور كثيرة .. واحد غيري يشوف .. كلامي يقول هذا وين رايح لا شباب كل واحد وهذا حظه او بمعنى ثاني هذا المكتوب له ونصيحة شباب لوجه الله لا تنقلون كلام ماشفتواه شي ماشفته لا تنقله انا قدامكم اول ما قررت اروح للمغرب قسما بالله طلعت سوالف تقول بروح وما راح ارجع انا مو بس رحت للمغرب رحت للاماكن الشعبية ورحت عند ( بدو المغرب ) .. ولا مرني طيف خوف .. وكل واحد يفتح الباب وينزل وصلنا .. وبالاخير يا شباب صفوا نفوسكم وطولوا بالكم .. ولي وده يزور المغرب ومو قادر .. لو مكتوبه لك بتروح .. وللي راح وندم .. اقوله راجع نفسك يمكن الغلط منك .. وبالاخير للمبذرين لي هم يشوفون حالهم يعني انا مسافر معي 20 الف درهم ولا 40 الف درهم اشوف حالي ولاارفع خشمي ترا بالاخير كلنا بالتراب .. وكلنا اخوان وغرب مسلمين سواء كنا خليجيين ولا مغاربة ولا عرب .. وبعد لاحد يقول شعب ما يحب شعب ولا شعب يعامل المواطن الفلاني بصورة مو حلوة يالغالي اذا جا واحد قبلك وشوه صورة البلاد وسمعت كلام يقهرك ترا الابتسامة اقوى رد لكل من يشتمك وبنفسك من داخل وكل امرك للعزيز المقتدر .. وبعدين لو تفكرون صح .. ترا الشعوب تعاني والناس تعاني وكلن على مواله يغني .. مسوي فيها داعية .. .. على العموم ياناس ياعرب يامسلمين .. ترا كسب الرجاجيل شرواكم .. شي جميل .. واذا نزلت اهناك .. اكسب ناس .. لعلى وعسى الله يرزقك فيوم وتفتح محل ولا تشتغل في مكان ترا الاقربون اولى بالمعروف .. انا عندي قصص شفتها كثيرة وقاعد مع ناس من اهل المغرب وسمع قصصهم .. والحياة ترا شي يبكي .. وبعض من الناس يصرفون فلوسهم على ما حرم الله .. ترا في ناس تزورها قسما بالله تشوف لي ماعمرك شفته .. ولا يبون منك شي .. وللي يفكر بان بفلوسه .. راح يشتري ناس .. خذها نصيحة .. الفقير لا عطيته درهم ومشيت خذاه ونساك اما الفقير لي اكلت معاه في صحن واحد .. عمره ما راح ينساك .. يالله شباب .. مع سلامة ولي عنده سؤال انا حاظر ..
قمة ف الروعة اخي مهما قلت ما اوفيك حقك