سنعود لك وان شاء الله نبيض وجهك

لاتخاف والشمالي الغربي موجود
أنا أوؤيد السكن بالاحفاد أو تمرة بالجبيهة

1. ثم ترجعون وتنامون ( وتعينون من الله خير )


2. واخر يوم الخميس مالكم الا انكم تتغدون باحد المطاعم اذا كان عندكم وقت

اخوي شيخ شيخه ..
بالبدايه اتمنى لكم رحله موفقه وسعيده باذن الله ..
بالنسبه لاختيارك شقق الاحفاد الفندقيه فا هو اختيار موفق باذن الله وما راح تندم بس لازم تكلمهم وتحجز لانه احتمال ماتجد حجز لذلك سارع بالحجز ..
ثانيا بما ان رحلتك مدتها 4 ايام بس لازم تستغلها ليل نهار عشان تستمتع طول الرحله واذا الطفل صغير جدا يعني تحت عمر سنه الله يعينكم لانه يحتاج مراعاة اكثر من غيره وبيقيدكم ..
عموما اذا وصلت الاثنين باذن الله على بال ما توصل للفندق وتريح ماعاد فيه وقت لطلعه طويله , يعني مالك الا انك تطلع تتعشى باحد المطاعم الكبيره وتسهر فيه سهره خفيفه وانا ارشح ( ريم البوادي ) لا يفوتك وهو انسب مكان عقب هالتعب وقريب من الفندق كذلك واكله خيال وجلساته روعه ..

ثم ترجعون وتنامون ( وتعينون من الله خير )

وتقومون يوم الثلاثاء وتفطرون وتطلعون مباشره للبحر الميت , والافضل انكم تكونون متفقين مع سواق يجيكم بالوقت اللي تحبون ويكون معكم طول هالايام الاربعه عشان لا تضيعون وقت واحسن و أامن من التكاسي واذا حبيت اعطيك رقم سواق ثقه باذن الله , كان معي طول الشهرين اللي فاتت ولا شفت منه الا كل احترام ..
المهم نرجع لموضوعنا تروح للبحر الميت لالالالالالالالالالالا يفوتك
ترى رائع جدا وانا كاتبه موضوع عنه بعنوان ( رحلتي للبحر الميت ) بامكانك تطلع عليه وتاخذ فكره عامه عنه ..
واذا رجعتوا على المغرب تقريبا منه تدخلون الفندق ترتاحون وتبدلون وتطلعون لمكه مول مثلا تتمشون فيه وتتعشون وترجعون ..
اليوم اللي بعده الاربعاء كذلك تقومون من الصباح وتفطرون في مطعم ابوجباره بشارع المدينه المنوره وهو كذلك قريب من الفندق وهو مطعم فول وفلافل وفته وحمص وغيره من هالاكلات ولذيذ جدا لا يفوتك , واذا شبعتوا وشربتوا كاس الشاي تحركون منه لعجلون مباشره لقلعة صلاح الدين ( لذلك اقول السواق افضل عشان ياخذكم من الفندق للمطعم وينتظركم لين تخلصون ثم تتجهون لعجلون واذا معكم اغراض وشنظة الطفل تخلونها بالسياره ماتظيق عليكم ) المهم تتمشون بالمنطقه وتشوفون القلعه وانتم نازلين منها اذا كانت الدنيا ماظلمت يمديكم على جرش كذلك لانه على نفس الطريق ( لذلك من الافضل بهاليوم تحاولون تقومون بدري عشان تلحقون عليهم كلهم ) وبعدين اذا خلصتوا من جرش بامكانكم تدخلون مطعم البيت اللبناني عند جرش مباشره ويصير غداء وعشاء بنفس الوقت
ثم ترجعون للفندق وترتاحون شوي ( بامكانك كذلك تطلع على مواضيعي عن رحلتي لعجلون ورحلتي لجرش عشان تاخذ فكره ) ثم تروحون لسيتي مول تتمشون فيه وتلعبون ولدكم فيه واذا جعتوا بامكانكم تاكلون فيه بالليل ثم ترجعون للفندق وتنامون بعد تعب هاليوم

واخر يوم الخميس مالكم الا انكم تتغدون باحد المطاعم اذا كان عندكم وقت

وتمشون للمطار واذا مافي وقت وطالت النومه ولا عاد يمديكم على الغداء , انصحك بالمخبز اللي قدام الفندق مباشره يسوي لك خبز بالجبن والزعتر خطير لا يفوتك انزل وخذ منه اللي تحبون سواء بالجبن او الزعتر او البيض وافطروا عليه برواقه واتكلوا على الله للمطار وترجعون بالسلامه باذن الله ..
وتمنياتي لكم برحله سعيده وميسره باذن الله ..
تحياتي لك وللاهل وانشاءلله قدرت افيدك ..
اختك : ام عبدالعزيز ..

ما اقدر اضيف شيئ بعد الاخت ريم
قضي الامر الذي فيه تستفتيان
وان شاء الله راح تبيض وجهك قدام المدام
لك تحياتي

=ريم=
يعطيك الف عاعفية والله يخليلك عليالك
ماقصرتي

الشمالي الغربي
تسلم وما قصرت

سؤال شقق الأحفاد أين تقع بالزبط وكم الأسعار تقريبا وفي مجال رقم الهاتف ؟

وضاح الشامي
تفضل
https://artravelers.com/p/re/316617

توصلوا بالسلامه يا رب
برنامج رائع من الاخت ريم
الجو هي الايام كتير حلو بالبحر الميت وجرش اربد ممكن تكون شوي بارده بس الجوو والطبيعه رهيبه فيها
واذا رحت البحر الميت قبل لا تدخلوا وتجلسوا روحوا الشلالات الي بالجبل واطلعوا اجلسوا فوق شوي المنظر حلو
وبالتوفيق