لبنان المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
shather
18-12-2022 - 03:16 am
**بسم الله الرحمن الرحيم**
السلام عليكم ورحمة الله وبركاتهأول شي أحب أقولكم أن لولا امتناني لهذا المنتدى الأكثر من رائع جان ما فكرت أكتب موضوع ، وثاني شي لأني شفت إن هالبوابة تكاد تكون فقيرة بموضوعاتها ولا هانوا الموجودين فحبيت أثريها بموضوعي ( عاد موت موضوعج)
لأني وبكل صراحة ما أعرف أصفف الكلام وأرتبه لأني أحس إن هذي موهبه ومو كل من عنده إياها ، فكل اللي بعرضه لكم تقرير أقل من بسيط إن شاء الله يعجبكم وأهم شي تستفيدون منه من خلال زيارتي للبنان .
هذا بالإضافة إلى إني بعد عرض تقريري راح أحط لكم بعض المعلومات المهمة اللي جمعتها عن لبنان
وسامحوني مقدما إذا كان في ركاكة في الأسلوب او لخبطة في تنزيل الصور (ما صارت إبدي بالمفيد)في البداية التخطيط للرحلة:كان التخطيط للسفر مبكرا جدا.. أي قبل 4 شهور تم حجز تذاكر الطيران وقبل شهرين من الرحلة تم حجز الفندق وذلك لضمان توفر الحجوزات هذا بالإضافة توفير المال حيث سأعرض لاحقا الأسعار التي تم الحجز بها وإلى أين وصلت وقت السفر .
وللعلم هذه ليست رحلتي الأولى إلى لبنان حيث أننا دائما نصيف بلبنان لكن ولا مرة رحنا للثلج واليهال خاطرهم يشوفون الثلجوأنا معاهم بعد


رحلتي الى لبنان
التعليقات (9)
SaidSaeed
SaidSaeed
واحنا بعد خاطرنا نشفو ف التقرير
الحمد لله على السلامة
وعجل بالتقرير

سندبادة
سندبادة
الحمدلله على سلامتج وناطرين تقريرج لاتطولين علينا وانا بعد توني راده من لبنان كنت هناك بتاريخ 32 ورديت 92 كانت الرحله خيال وممتعه وطبعا كل الشكر لأعضاء هالمنتدى العظيم وانشالله بسوي تقرير كامل عن رحلتي بس انا بعد ماعرف انزل الصور بالمنتدى للأسف : (

ahmed_elshaer
ahmed_elshaer
إلحقنا بتقريرك فأنا مسافر بعد يومين

banderino
banderino
الحمدلله على السلامة اولا ومنتظرين التقرير وسجلني من المتابعين

إحساس هاديء
إحساس هاديء
الحمدلله ع السلامه
بإنتظار التقرير

shather
shather
شكرا لكل من رد على الموضوع
وانا والله من أمس أحاول انزل الصور بس السايت مادري شفيه مو راضي
ما ادري هل في مشكلة بالتحميل والا المشكلة عندي؟!

عماد بن جعفر
عماد بن جعفر
حمد لله على سلامتكم
والله الله بالصور الرائعة
ننتظرك بشغف

shather
shather
  1. كان ياما كان في قديم الزمان كان في عايلة كويتية ..(اتغشمر):19dnf:


بسم الله الرحمن الرحيم
عدت إليكم من جديد
  • * ملاحظة: راح تلاحظون في الموضوع اني انا اللي سويت الحجوزات والاتصالات وذلك لأني كنت مسويه السفرة مفاجئة حق زوجي وعيالي وما قلت لهم إلا قبل الرحلة بأيام قليلة

أعضاء الرحلة :
أنا وزوجي وبناتي ثنتين الله يخليلي إياهم الكبيرة 6 سنين والصغيرة كملت 4 سنين واحنا بلبنان
توقيت الرحلة والطيران :
كانت الرحلة بتاريخ 3/2/2010 إلى 12/2/2010 على متن طيران الجزيرة الله يعزه
كويت بيروت كويتحجزت التذاكر بسعر 40 د.ك للشخص حتى اليهال نفس السعر يعني كلنا 160 د.ك (سعر ممتاز )
مع العلم ان تذكرة الطيران كانت قبل تاريخ السفر بأسبوعين 122 د.ك للشخص ( لاحظوا الفرق )
يعني انا وفرت 328 د.ك
الإقامة :
حجزت في فندق سفير الروشة لكثر ما سمعت عنه مدح في المنتدى وكان السعر شامل الضريبة والإفطار 49 د.ك لليلة بمبلغ إجمالي 441 د.ك
وقبل تاريخ السفر بأسبوعين كان سعره الإجمالي 600 د.ك يعني وفرت 159 د.ك .
لو جمعنا فرقية التذاكر والفندق بتطلع 487 د.ك أكيد بتنفعني هناك
الحين نبلش القصة

كان ياما كان في قديم الزمان كان في عايلة كويتية ..(اتغشمر):19dnf:

توجهنا إلى مطار الكويت الدولي الساعة 7 الصبح طبعا أنا قعدت اليهال من الساعة 5 غصب عشان يمديهم يتسبحون ويلبسون ويتريقون لأن رحلتنا كانت الساعة 8.35 (وايد مبجر )
وكنت بنفس الوقت أحاتي الفندق لأن كنا راح نوصل الساعة 10.20 وعلى ما نخلص الإجراءات قول على الساعة 11.30 نوصل الفندق ، والجيك إن مال الفندق الساعة 2 الظهر فكنت أحاتي هالشي مع إني كنت مبلغه السفريات من قبل ان احنا راح نوصل مبجر عشان يسوون لنا إيرلي جيك إن .
طارت الطيارة الساعة 9.05 تأخرت نص ساعة بس وصلت في موعدها
كانت الرحلة فيها بعض المطبات الهوائية الخفيفة لأن يوم سفرتنا كان الجو غائم وفيه عواصف رعدية ونزول ثلوج 700 متر ، وصراحة احنا كنا خايفين يصير فينا نفس اللي صار بالطيارة الأثيوبية الله يكافينا الشر
حصل لنا شيء داخل الطيارة :
انا طبعا مثل ما قلت لكم قاعدة من الصبح فراسي صدع قلت خل انسدح على 3 كراسي وأنام بما انا الطيارة تقريبا فاضية واحنا قاعدين بآخر الطيارة ، نمت يمكن نص ساعة و ما أسمع إلا ....؟!

shather
shather
يا ريت أحد يقولي الصور ليش مو راضية تحمل ؟!
لما أختار الصورة وأحط رفع تقديم تتم فترة تلود بعدين تطلعلي صفحة فاضية أو تفتح نفس الصفحة اللي أول شيء أختار منها الصورة!


خصم يصل إلى 25%