المغرب بلد جميل للي يعرف له وكل مدينه لها خاصيه وجمال انا بعطيك نبذه عن المدن وانته قرر رحلتك بالنسبه لاغادير انا كنت من عشاق اغادير قبل 9 سنوات ولكن خلال هالسنوات رحت
المغرب اكثر من 50 مره لكن ماوصلت اغادير مب عشان شي لا بالعكس اغادير حلوه ولها عشاقها لكن انا لقيت راحتي ابمكان ثاني والناس تختلف بالاراء وكل يقلب علي راحته بالمكان اليعجبه كازا العاصمه الاقتصاديه الزحمه البتشوفها في كازا ماراح اتشوفها باي مدينه مغربيه ولكن حلوه اول خطوه دور لك سكن آمن ونظيف ممكن افيدك
*********************** وسعر الشقه باليوم من 800 الي 1200 انته وشطارتك وممكن اتنزله اقل هالايام لانه مب موسم ومافيه خليجيين نصحيتي اجر سياره مع سائق اكدر افيدك في
******************* سعر السياره بدون سائق 350 مع السائق غير متأكد ولكن زيد 250 بعد يعني 600 درهم مغربي بعد اتفاهم معاه يظل معاكم طول اليوم بالنسبه للاماكن التروحها والمعروفه عند الاغلبيه حي المعاريف فيه الماكدونلز وقهوة
فينيسيا والتيون سنتر وفي قهوه في الطابق الاخير اسمها مونت كريستو تبدا من الساعه 7 حتي 10 مساء طبعا معظم الفيها خلجيين مكان حلو اذا بغيت ايكون عندكم سائق مغربي لانه بيكون معاكم ويعرف يتصرف بهاالاماكن الاماكن الحلوه هناك فندق اطلنتيس وفي مكان جديد قبل سنه ونص فتحوه مااذكر اسمه بس بنفس المنطقه عالبحر واخيرا ال vip طبعا هالاماكن كله قريبه من بعض في منطقة عين دياب الاماكن الماذكرته طبعا ماتنفعكم لانه صراحه وسخه وكلها مشاكل وظرابه في نهار حلو تتمشا عالبحر في نفس المنطقه عند الغروب في مقاهي عالبحر لازم اتشربو الأتاي المغربي وتشوفو مسجد الحسن التاني بعد عالبحر اماكن التسوق سوق باب
مراكش جنب فندق حياة رجنسي سوق شعبي في كل الاشياء المغربيه التقلديه الحاب يشتري هدايا بس اعرف انه مجرد مايعرف انك خليجي بيضاعف الثمن بس فاصل معاه ويستحسن اتخلي حد مغربي يروح معاك اذا حاب تشتري هدايا لاهلك المطاعم يفظل اتجيبو خدامه وتشترو الاغراض انتو وتطبخ لكم الاكل المغربي الطاجين علي اصوله احسن من المطاعم وفي بعض المطاعم في شارع انفا الماكدو -شاورما علاء الدين احسن شاورما كليتها في
المغرب كامل بالنسبه للحوت طبعا السمك هم ايسمونه حوت مطعم اسماعيل له عدة افرع في كازا اسعار معقوله وفي مطعم ثاني بس كبير وراقي في المرسا داخل طريق البزارات بس اسعاره غاليه ولاتنسو اجربو الببوش او مايسمي بالغلاله اتحصلوه بنهاية البحر بعين دياب وهو عباره عن حلزون مع الاعشاب مثل الطعم البحري حلو وشوربته تشربها الحين في البرد اتخليك دافي ونصحيتي بما انكم اول مره خل كازا 3 ايام كافيه وخلو وجهتكم الثانيه
مراكش وانا معاكم باي سؤال او مساعده