أمستردام المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
مطار الظهران
19-07-2022 - 11:46 pm
السلام عليكم
ناوي نهاية اغسطس اروح هولندا اسبوع وبعدين على باريس بأذن الله ...
السؤال هو :
اول شيء الفيزه راح اطلعها من القنصلية الايطاليه .. يعني هل فيه مشكله لدخول هولندا والا لازم اروح ايطالي قبل . ( مافيه مانع )
وين اسكن في امستردام ؟ ابي فندق ممتاز وقريب من وسط المدينه مو مشكله السعر .. لاني سمعت ان الفنادق في امستردام لك عليها ...؟
بعد الاسبوع في امستردام هل اروح لباريس بالطياره والا بالقطار ..يعني الافضل ..
وشكر امقدما


التعليقات (9)
Hesham
Hesham
وعليكم السلام
ياهلا فيك اخي الظهران
عزيزي مافيه مشكلة من ناحية الفيزة روح وتوكل على الله ..
بالنسبة للفنادق أفخم فندق في وسط البلد والقريب جداً من الدام سكوير وكذلك محطة القطار وخلافه هو :

أسعاره غالية جداً من 400أورو وطالع ...
أنصح بالسكن خارج وسط البلد والفنادق هي :

أو هذا الفندق

أو هذا القريب من السابق

أما بالنسبة لأنتقال من امستردام إلى باريس الأمتع القطار أو السيارة والأسرع الطائرة ..
واي استفسار أحنا بالخدمه
بالتوفيق اخوي برحلتك

مطار الظهران
مطار الظهران
هلا بك اخوي هشام وتسلم على الرد لكن ليه السكن خارج وسط البلد احسن ؟

Hesham
Hesham
اذا معك عوائل فالنصيحه ساريه ومطلوبه واذا مامعك عوائل فالنصيحه مرجوه ...
السبب عزيزي هذا الموقع فيه كل من هب ودب ... والهب والدب خبرك الله بالخير وخاصه بالليل ...
اسكن برا الوسط وموب بعيد ... والفنادق الل يعطيتك حلوه وقريبه ...

مطار الظهران
مطار الظهران
الاخ هشام : شكر على تفضلك بالرد
حنا شباب ..يعني ما فيه مشكله نسطن وسط المعمعه ..,,
ياليت اخوي هشام اعرف اذا عندك موقع القطار يورستار اكون من الشاكرين

Hesham
Hesham
العذر حبيبي على التأخير
اخيو وبما انكم شباب فلا تآخذون فنادق خمس نجوم لأنها غاليه وتفيكم فنادق أربعة نجوم ... وعلى سبيل مثال أحد فنادق http://www.accor.com/gb/index.asp
بالنسبة للقطار تفضل اخوي " http://www.raileurope.com "
بالتوفيق حبيبي

talaga
talaga
اقول كلمه وحده بس
أأأأأأأأأأأأأأأأأأأأأأأأأأأأأأه يا هولندا لازلتي معشوقتي وأملي اللقاء بكي و لو لمره

توتة الحلوة
توتة الحلوة
بالنسبة للفندق انا قعدت مرتين في فندق فيكتوريا وموقعه جريب من محطة القطار الرئيسية , وموقعها وايد زين لأنها جريبة من السوق وكل شي حواليك وفي آخر الشارع اللي فيه الفندق تلقى ساحة معروفة هناك (ما اعرف اسمها ) ساحة حمام يتجمع فيها الناس والسواح وفي ناس تسوي عروض شخصية بملابس غريبة .. ويطل على الساحة متحف الشمع المعروف والفرع الثاني من (مدام توسوت) الشهير في لندن .
وفي نفس الشارع تلقى محلات الصرف ومكاتب السياحة متوفرة وتقدر تاخذ منهم جدول الرحلات وتنظم وقتك على هالأساس .. بس لازم اول ما توصل تروح لهم لأن في رحلات تكون بأيام محددة وتروح عليك ..
بالنسبة للأماكن السياحية اللي اعرفها ورحت لها ولو انت مع عائلة تكون احلى وامتع:
1- رحلة الطواحين ومصنع الجبن والأحذية الخشبية .... رحلة جميلة وتذكرك بأيام قبل .
2- رحلة واحدة لها وجهتين اما تنزل البحر أو تكمل مع المجموعة الى الحديقة الجميلة ذات المجسمات الصغيرة لدولة هولندا واسمها (Madoradum) وهي حديقة فعلا جميلة ترى فيها مجسمات لمباني وملاهي مصغرة ومطار ومنتجعوطبعا مع الأصوات يعني تحس انك تمشي في مدينة مصغرة .. يعني كل شي فيها مصغر وطبعا على ما توصل للحديقة هذي بتمر على مصنع الخزف والسيراميك الهولندي المعروف .
3- رحلة ولكن خارج امستردام الى Sea World يعني مثل مدينة مائية او عالم البحار يكون فيها عروض للدلافين مع الوسيقى . ومشاهدة الأسماك .... ولكن لا اتذكر الإسم بالضبط ممكن تسأل عن الإسم بالضبط من المكتب السياحي.
4- حديقة الحيوانات Amesterdam Zoo حديقة حلوة وخصوصا للأطفال تونسهم.
5- رحلة بالقارب الصغير عبر القنوات المنتشرة في مدينة امستردام .

مطار الظهران
مطار الظهران
الاخ هشام ... الله يعطيك العافيه وبصراحه بطيبتك هذاي تحرجنا ....
الله يوفقك.

مطار الظهران
مطار الظهران
talaga
مسافر فعال
الله يحيك اخوي معنا ...


خصم يصل إلى 25%