بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



miraim miraim
قهروني الخطوط السعودية
15-10-2014 - 10:15 am

السلام عليكم ورحمة الله وبركاته


حبيت اقولكم قصتي مع الحجز في الخطوط السعودية عن طريق الانترنت


حجزت الاسبوع اللي فات (يالثلاثاء او الاربعاء) , حجزت من الرياض لجدة يوم الثلاثاء 26 يناير , طبعا عن طريق الانترنت

اول مره احجز عن طريق النت , دايم اتصل ع الحجز المركزي

المهم حددت كل شي بس ما يطلع لي رقم الحجز , حاولت وحاولت يقول انتظر ولا يطلع شي

وبعدين حاولت من بكره والحمد لله طلع لي رقم الحجز من اول محاوله وفرحت

ومكتوب اخر يوم لقص التذاكر السبت 23 يناير الساعه 8:45 صباحا , وبعد ارسلو لي رسالة بنفس اللي مكتوب

وكان في طريقتين للدفع, الاولى عن طريق البطاقات الائتمانية ( وانا ما عندي) والثانيه عن طريق مكاتب الخطوط السعودية (اخترت هالطريقة)

المهم واسجل رقم الحجز عندي

ويوم الجمعه بالليل رحت اقص التذاكر مع اخوي



وهنا تبدأ احداث القصة




درنا 3 مكاتب للخطوط , وكلهم نعطيهم رقم الحجز ويشيكون ويقولون ما طلع لنا شي على الكمبيوتر

نقولهم بكره الصبح اخر يوم لقص التذاكر لازم نقصها الحين , يقولون ما طلع شي

ويقولون شلون حجزتو , قلنا بالنت , يقولون يمكن عشان كذا , قلنا شلون حجز النت ما له فايده , موقع وش كبره وخدماته خرطي , قالو روحو المطار احسن

طيب ونروح نطق مشوار للمطار اخر الدنيا

المهم ويقول موظف المطار انتم ليش مستعجلين باقي يومين على اخر موعد للحجز , قلنا شلون بكره الصبح اخر موعد , قال لا الاحد الصبح اخر موعد , قلت والله طلع بالموقع وجتني رسالة بعد انو السبت الصبح اخر موعد , قال لا الاحد اخر موعد

قلنا خلاص قص لنا تذاكر الحين, ويقول لسى ما جتنا بيانات الحجز << قلت لا ياشيخ

قال بكره تطلع البيانات و قصوا من اي مكتب للخطوط

المهم من بكره الصبح وقبل الساعة 8:45 صباحا رحنا لمكتب طيران وقال برضو ما طلع لنا شي ع الكمبيوتر << انا هنا بغت تجيني جلطة

المهم وتجيني رسالة ثانية انو اخر موعد لقص التذاكر الاحد 24 يناير الساعة 8:45 صباحا << عفسونا واخر شي غيرو التاريخ

قلت خليني ادخل موقعهم اتاكد وطلع صح مددو التاريخ الى بكره

قلنا خلاص نقص بالليل ما دام مددو الموعد وعلى ما البيانات تجيهم

وقلت ما دام حجز النت مو مضمون خليني احجز من الحجز المركزي , وادق عليهم , ويقولي كله فل بس رحله وحده انتظار , قلت ابي اوكي , قال ما في

قلت اجل خليني اتمسك بحجز النت لايطير الحجز علي

المهم ونروح بالليل لمكتب خطوط نبي نقص

وتطلع المفاجاه نفس السالفه ما في بيانات ما يطلع لهم شي اذا حط رقم الحجز

انا خلاص بغيت انفجر

المهم قلت وش نسوي قال روحو للمؤيد قلت المؤيد زيه زيكم كلكم مكتب خطوط قال لا المؤيد احسن

ونطق مشوار للمؤيد وبعد نفس السالفه قال ما يطلع عندي شي .. انا هنا خلاص كرهت السفرررررررررررة

بعدين فكرت قلت يالله اخر حل ما في الا المطار ..

واخوي هنا عصب قال والله ما اروح للمطار اخر الدنيا , لنا يومين مشاوير الصبح والليل واخر شي يقولون ما في خلاص مو لازم تسافرون





واخر شي كنسلنا السفرررررررررة اللي مفروض رحلتنا بكره الثلاثاء


وبس هذي القصه كلها





نصيحة لوجه الله
نصيحة لوجه الله
نصيحة لوجه الله



لا تحجزون بالخطوط السعودية من النت خير شر



ما ادري ليش حاطين موقع طول بعرض على النت واخر شي رقم الحجز مو معترف فيه

بس يوهقون الناس الله لا يوفقهم

آآآآخ يالــقهررررر



اقول يازين الحجز المركزي بس







المشاركات

شاي عاقد شاي عاقد
قهروني الخطوط السعودية


دايما الحجز المركزي افضل باي خطوط
الله ييسر لكم سفره اسهل من الاولى وامتع


نقطتين وتعجب !! نقطتين وتعجب !!
قهروني الخطوط السعودية


لامنافس ولاشيء وعشان كذا مرتاحين على الاخر

يالله معوضن برحله احسن منها


Engineer..sa Engineer..sa
قهروني الخطوط السعودية


وعسى أن تكرهوا شيئاً وهو خيراً لكم ...
.
.
بالنسبة لي أنا
دائماً أحجز عن طريق الموقع
وكل أموري تمام ولله الحمد
مع إنك لك عليه الموقع
عليه حركات ترفع الضغط أحياناً
@@


جنوبي جنوبي
قهروني الخطوط السعودية


غريبة ... انا احجز دايم من النت وعلى طول واريح بكثير بكثير ادخل برقم العضوية ( الفرسان ) وحتى رقم الحجز ا اكتبه يرسلون التفاصيل على الايميل...
هل انت مسجل يا اخي بالموقع ام لا ... عارف انهم صاروا يحجزون بدون تسجيل بس هنا اتوقع المشكلة


فتاة الخليج فتاة الخليج
قهروني الخطوط السعودية


طالما أنهم مو قد الخدمه لا يسونها

و كل تأخيره فيها خيرها


أبن السعودية أبن السعودية
قهروني الخطوط السعودية


الله يعينك أخي الفاضل ،،


miraim miraim
قهروني الخطوط السعودية


المشاركة الأصلية كتبت بواسطة شاي عاقد
دايما الحجز المركزي افضل باي خطوط
الله ييسر لكم سفره اسهل من الاولى وامتع
قلت الناس في القرن الواحد والعشرين تطورا ما يحجزون الا بالنت ما دريت انه خرطي
مشكور على دعوتك وان شاء الله ربي ييسر لنا باللي احسن منها يارب

شكرا اخي الكريم على مرورك اللطيف..
.
.


المشاركة الأصلية كتبت بواسطة نقطتين وتعجب !!
لامنافس ولاشيء وعشان كذا مرتاحين على الاخر

يالله معوضن برحله احسن منها
صادق والله
وان شاء الله ربي يعوضنا باللي احسن

شكرا اخي الكريم على تنويرك الموضوع..
.
.


المشاركة الأصلية كتبت بواسطة engineer..sa
وعسى أن تكرهوا شيئاً وهو خيراً لكم ...
.
.
بالنسبة لي أنا
دائماً أحجز عن طريق الموقع
وكل أموري تمام ولله الحمد
مع إنك لك عليه الموقع
عليه حركات ترفع الضغط أحياناً
@@
الحمد لله على كل حال

تحجز عن طريق الموقع!!
ايش تختار طريقة الدفع؟ بالكردت كارد ولا مكاتب الخطوط؟
طيب اذا ما تدفع بالكردت كارد ولما تروح مكاتب الخطوط وتعطيهم رقم الحجز يطلع عندهم شي ولا لا؟
معلش اخي كثرة الاسئلة بس ابي اشوف شلون يضبط الحجز معك, لاني على مدار يومين صبح وليل درت اكثر من 5 مكاتب خطوط وكلهم يقولون ما يطلع عندنا شي حتى المطار رحت له ونفس السالفه.

اشكرك اخي الكريم على تشريفك الموضوع..
.
.


المشاركة الأصلية كتبت بواسطة جنوبي
غريبة ... انا احجز دايم من النت وعلى طول واريح بكثير بكثير ادخل برقم العضوية ( الفرسان ) وحتى رقم الحجز ا اكتبه يرسلون التفاصيل على الايميل...
هل انت مسجل يا اخي بالموقع ام لا ... عارف انهم صاروا يحجزون بدون تسجيل بس هنا اتوقع المشكلة
تحجز من النت!!
انا مو مشتركة بعضوية الفرسان, تتوقع عشان كذا؟
وانا بعد ارسلولي رقم الحجز على الجوال والايميل وكتبوا اخر موعد لقص التذاكر
ومسجله بعد بالموقع
يوم حجزت كان في ثلاث طرق :الحجز لمشتركين بعضوية الفرسان , والحجز للمشتركين اعضاء في الموقع , والحجز بدون اشتراك عضوية
انا سجلت عضوة بالموقع (طبعا مو عضوية الفرسان) وبعدين حجزت, يعني حجزت بعد تسجيل كعضوة
يعني وين المشكلة الحين؟

شاكره لك اخي الكريم على مرورك اللطيف..
.
.


المشاركة الأصلية كتبت بواسطة فتاة الخليج
طالما أنهم مو قد الخدمه لا يسونها

و كل تأخيره فيها خيرها
صادقة, طلما حجز النت مو معترف فيه ليش يسون هالخدمة؟
وزي ما قلتي كل تاخيره فيها خيره
يارب يكتب لي الخيره من امري
والحمدلله على كل حال

شكرا اختي العزيزة على تنويرك موضوعي
.
.

المشاركة الأصلية كتبت بواسطة أبن السعودية
الله يعينك أخي الفاضل ،،
الله يعين الجميع

شكرا اخي على مرورك اللطيف..
.
.



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

قهروني الخطوط السعودية