بسم الله الرحمن الرحيم
الاخوه الاعزاء خبراء مدينه الاضواء(باريس)
انا باذن الله تعالى حاجز الى باريس عن طريق الخطوط السعوديه بتاريخ
- 2010
ادري بتقولون بدري لكن انا احب ارتب اموري من بدري مره
المسافرون انا وزوجتي العزيزه واطفالي الثلاثه 6-5-3سنوات
سعر التذاكر 12500ريال
المده اللي بنقضيها ان شاء الله 10 ايام
قسمتها
3-ليالي فندق ماريوت شانز لزيه
3-ليالي فندق ديزني لاند
3-ليالي؟؟؟؟؟؟؟؟؟؟؟؟؟
نجي للاسأله
1- سعر التذاكر معقول او انكم ترشحون لي خطوط جويه احلى
2-انا عن طريق موقع ديزني جيت احجز عن طريقهم ولقيت الحجز ثلاث ليالي مع الافطار والتذاكر للالعاب ب2500يورو وقلت اتروا شوي لين اشاوركم عن السعر هل هو معقول او اني لو آخذ الغرفه واقطع التذاكر من الشباك احسن ؟؟؟؟
وبالنسبه للتذاكر اللي يقصدونها في موقعهم هل هي شامله الالعاب والاستديو او الالعاب فقط
3- آخر سؤال والاهم الفندق الاخير احترت فيه
ممكن ترشحون لي فندق رايق ونظيف وفخم وفي موقع قريب من احد الاماكن السياحيه المعروفه غير الشانز لاني ابي آخذ الثلاث ليالي في الماريوت واتمشى على الشانز والمناطق المجاوره لها وبعدين في آخر ثلاث ليالي احاول استكشف مناطق جديده
وألف ألفألف شكرلكم
ادري طولت عليكم لكني قلتلكم
(((اسأله كثيره)))
ولكم مني اجمل تحيه وتقدير
اخوكم ابو عبد الله
ملاحظه صغيره
بغيت الله يعافيكم بالنسبه للفندق يكون بسعر 150 الى 200 يورو
ويقبلون فيه سكن الاطفال في غرفه
انا سافرت الى باريس الصيف قبل الماضي وايضا كان معي اطفالي وقسمت اقامتي تقريبا بنفس الطريقه
بالنسبه للتذاكر أفضل ان تكون من الفندق تجنبا للوقوف في طابور التذاكر (يكفي طوابير الألعاب) وهي شامله للألعاب والاستديو
اما بالنسبه للفندق الأخير ارشح لك فندق نوفوتيل بالقرب من برج ايفل فهو فندق كبير له اطلاله رائعه على نهر السين وغرفه مساحتها جيده ويوجد سوبر ماركت على بعد خطوات منه
تمنياتي برحله سعيده