حزيــن قطــر
15-10-2022 - 02:01 am
السلام عليكم
يااخوان عندي كم استفسار بخصوص السكن وتحويل الفلوس
بما ان السفر للعلاج
ابي سكن قريب من المستشفى الملكي وبعد مابحثت وسألت طلع اقرب فندق قريب من المستشفى هو A-ONE فندق 4 نجوم وسعره حلو جدا صراحه بس مادري شلون الجودة والنظافة
وبعد فندق دار زايد الفندق جديد تقريبا وهو عبارة عن نظام شقق فندقية وصاحبه واحد اماراتي لكن مااعرف مسافه قربه من المستشفى ؟
وهذا موقعهم
دار زايد للشقق الفندقية - بانكوك http://darzayedbkk.com/th/index.html
وين اسكن بالضبط مع العلم ان احد الاخوة قالي ان المنطقة القريبة من المستشفى ميته ومافيها لا مطاعم ولاشيء واذا في فندق معين ترشحون لي جزاكم الله خير
وثانيا الفوس متوهق معاها شلون احولها هل احولها دولار؟ وحتى لو حولت مب معقولة باخذ اكثر من 4000 دولار احسها مسؤولية خ
هل تنصحوني احط فلوسي في الفيزا علما ان بنكي الي انا فيه عنده خدمة الفلوس بضمان الفيزا يعني احط فلوسي في بطاقة فيزا واقدر استخدمها هناك ؟ شنو رايكم ؟
الجو هناك كيف حر برد رطوبة ؟
وهل احتاج فيزا للدخول ام لا ؟
واخيرا اللغة شلون هناك اخوكم مايعرف للانجليزي الا اشياء بسيطة
السموحة عالازعاج ويليت الافادة
لا تهتم من ناحية اللغة الشعب التايلاندي بسيط ويفهم بسرعة وراح تندهش من الابتسامة والروح العالية
الي ماراح تشوفها في اي بلد فعلا بلد الابتسامة وفيها اهتمام كبير في السياح
بالنسبة للسكن اذا تحب سكن قريب من المستشفى اسكن في نفس السكن الي اخترته دار زايد الكلام الي ذكرته
جيد بما انه جديد وراعية اماراتي اعتقد راح يكون سكن مناسب وميزته قربه من المستشفى
بالنسبة للفلوس انصحك تحولها دولار وتصرف من الحي العربي نانا
واحجز السكن عن طريق الفيزا
والفيزا تقدر تستخدمها في تايلاند