لندن المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
baderol
29-01-2022 - 09:56 am
السلام عليكم
اخواني انا حجزت فندق على الانترنت حق شهرابريل لندن
مستغرب من شي ...انا حطيت الفلوس بالفيزا (فيزا انترنت)
وسويت العمليه وحطيت معلومات الفازه المهم الموقع اول ماحطيت
كومبليت اوردر ...وشوي وحطلي الكونفيرد وحطلي معلومات الفاتوره وشلون لو بكنسل او شي بسويه
وعطاني رقم الكونفرميشن
لكن الغريب انه الفلوس للحين ماصار عليها اي بلوك ودقيت على البنك امس واليوم يقولي الفلوس
ماصار عليها اي حجز رغم اني مخلص العمليه من امس
موفاهم شلون كل شي اوكي وماخذوا فلوسهم ؟؟؟
ولا حتى بلوك
انا لاحظت شي لما حطيت كومبليت اوردر بسرعه عطاني الكونفيرد مادار ولاطول ولاشي
موقع هو موقع راديسون ساس


التعليقات (5)
القطري
القطري
وعليكم السلام ورحمة الله وبركاته
هلا وغلا الغالي
في العاده ياخذون معلومات الفيزا للضمان بس من غير حجز شي من الفيزا
ولكن لاتنسى شروط الألغاء ومتى اخر موعد تقدر اتغير الحجز ..
واي خدمه احنا في الخدمه

baderol
baderol
اهلين اخوي القطري طيب بسالك متى ياخذون المبلغ؟ لما اروح؟
ولو احد حجز والفيزا مافيها شي معقوله مايجيكون ؟؟

masg
masg
هلا عزيزي
المبلغ عادة ياخذونه في نهاية إقامتك بالفندق وأول ما توصل يمكن يحجزون مبلغ بسيط تأمين
هذا الشي الي متعودين عليه خصوص لو كنت حاجز بموقع booking.com
طبعا هالكلام في حالة ما كنت حاجز حجز مسبق الدفع لأن فيه بعض الغرف أو الفنادق
يكون حجزها مسبق وبالتالي ينخصم المبلغ فورا
تحياتي لك

baderol
baderol
اللي اعرفه المبلغ ياخذونه بنهايه السفر ه اذا بدفع كاش مو حاجز من الانترنت
للحين المبلغ موجود ومافي حجز عليه ولاشي موفاهم يعني لو حطيت بطاقه وهميه
هم بيعطوني رفم الكونفيرم ويصير الحجز؟
انا مومفكر الا بشغله وحده اخاف اروح الفندق هناك ويقولولي يالله ادفع اقولهم الفلوس
موجودين بفيزا انترنت مو فيزا عاديه يقولولي لا لازم فيزا عاديه او كاش واتوهق حزتها

القطري
القطري
هلا وغلا الغالي
حتى لوا كنت حاجز عن طريق النت تقدر تدفع اخر يوم مع التشيك اوت ..
والمبلغ موجود في حسابك لين قبل السفر بكم يوم بتلاقي ان المبلغ في الفيزا صار فيه حركه ..
وطبعاً ماراح يسحبون شي من الفيزا حتى اتجي شروط الألغاء وبعدها تبدا تتفعل هالشروط ..
مثال: لوا كنسلت السفر قبل وصولك بيومين بيخصمون نص المبلغ وإذا كنسلت في اخر يوم يسحبون كل المبلغ من الفيزا وهكذا ..
وإذا حطيت بطاقه وهميه فأنت الخسران لوا اتلغى الحجز ..
اتمنى اوضحت الصوره


خصم يصل إلى 25%