ماهزني غيابك
21-09-2022 - 07:17 pm
السلام عليكم ورحمة الله وبركاته ..
اخواني اخواتي اسعد الله اوقاتكم بكل خير ومحبه..
اخواني عندي كم سؤال محيرني ..
في من اقاربي راحو للبنان ..وقالو عنها انها غاليه ولو معاك 50 الف رايال سعودي ماتكفيك خمس ايام ..
واللي قريته من كلامكم وعرفته ..انها مو غاليه بالحيل ..
وانا ان شاء الله بروح الصيف الجاي ,,.
وابي منكم انكم تسعفوني بكم اجابه ..الله لايهينكم ..
1- انا وصاحبي رايحيين للبنان واحنا صغار اعمارنا 19 سنه ..هل في غش في بعض المطاعم ### ..؟
2- احنا بنجلس عشر ايام ..ومعانا كل واحد عشر آلف ريال ..يعني هو 10 الاف وانا 10 الاف ..هل تكفي عشرين الف ريال عشر ايام بالبنان ل شخصين.. ؟
3- هل تنصحونا بسفرنا بالطياره ولا السياره ..مع اننا نبي نروح بالسياره ..؟
4- الحلى الاماكن الموجوده بالبنان للأجواء الحلوه والطبيعه الجميله والجلسات الليليه والوناسه وين بالضبط ..؟
5-نبغى شقه او فندك مو غالي للشخصين يعني بحدود 100 دولار باليوم ..وياريت تكون الشقه او الفندق نضيف وقريب من الاجواءالحلوه .؟
6- هل البانزيل غالي بالبنان ..لان سيارتي بالسعوديه فلها 40 ريال سعودي ..كم تتوقعون بالبنان تعبئتها..؟
7-هل المنافذ الاردنيه والسوريه والبنانيه ياخذون على دخلت السياره للحدود فلوس كثيره ..؟
اتمنىآ اني ماكثرت بأسألتي ..
واتمنى منكم الروح الرياضيه والاجابات الوافيه..
لاهنتم ..
تحياتي لكم ...
اخوكم/ماهزني غيابك ..
راح اجيب على اسئلتك اولا انت طالع في الصيف الجاي ومحضر من الان ماشاءالله عليك
1- بالنسبة للغش هذا موجود في كل العالم وموجود في لبنان خاصة اذا شافو الضيف لايعرف شي
اذكر موقف من اسبوعين حصل في البيتي كافيه بالروشة كانو شباب خليجين ماعرف يمكن من الكويت
المهم كانت بتصير مشكلة وقت الحساب وكنت قريب منهم وحسيت انو نفس اللي يحاسبهم ناصب عليهم في حوالي
5الف ليرة حوالي 10 دولار يعني المهم تلقفت ودخلت طلعو اخواننا الشباب مو عارفين التحويل من دولار الى ليرة
وهذا السبب اللي خلا الجرسون يضحك عليهم المهم قمت بالواجب طبعا واشتكيت على نفس المحاسب
وقالي في الاخير انو هو اللي كان ملخبط بالعد بعد ماكشفته وبتصير مثل هذي الامور كثير
2 عشرين الف لشخصين حوالي 5333 دولار ولاتنسى في الصيف الاسعار ولعانة يعني فندق بحدود 150 دولار
عشرة ايام 1500 دولار وسيارة مع سائق بحدود 75 دولار هذي 750 دولار واذا مصروف يومي 300 دولار يعني
0دولار المجوع صار 5250 يعني وفرتلكم 83 دولار اشتريلي هدايا من المطار خ امزح لاتصدق
بس حبيت انبهك حاجة بالنسبة ليومية الصرف هذا معدل يومي تقريبي والفندق سعر متوسط وفيه ارخص
وكمان السيارة بس عندك كل شي وسط
3 انا انصحك تروح بالطيارة الطريق في الصيف لايطاق
4 راح تلقى الاجابة في تقارير الاعضاء
5 اجابة هذا السؤال مذكرة زود على ال100 50 وخذ فندق مرتب نصيحة ونظيف والفنادق كثير لوتحددلي جبل او بحر
او الاثنين سوا
6 البنزين من الاشياء اللي تضايقني في لبنان لما اشوف تانكي سيارتي قرب يخلص
اربعة اضعاف سعره عندنا
7 روح بالطيارة واحجز بدري تاخذ سعر حلو
وبالتوفيق لك في سفرتك وديرو بالكم على بعض واي خدمة انا حاضر