السلام عليكم
هلا وغلا اختي الأنيقه
وحياكم الله بين اخوانكم وخواتكم وان شاءالله اتفيدون وتستفيدون
إذا كان الحجز من النت فممكن وهو الأفضل
مكاتب الشقق هناك اتأجر قبل الفتره بأسبوع تقريباً ..
مثال : لوا حبيت احجز شقه من تاريخ 27/6/2010 من الحين محد راح ايأجر لي من المكاتب ..اغلبهم بيقولون اتصل علينا تاريخ 20 بمعنى قبلها بأسبوع ..
ولكن عشان تتفادون هالشي حاولوا تحجزون من النت والحلو في النت تقدرون اتغيرون موعد الحجز والاحلى انكم ضمنتوا مكان
واي خدمه احنا في الخدمه

الله يعطيك العافية
ومشكور عالرد
.
.
بس اذا ممكن تقولي شنو احسن شقق فندقية
سعرها يكون مناسب لعائلة صغيرة.... ( زوجي وانا وبناتي الثنتين تحت الخمس سنوات)
واهم شي تكون نظيفة
والله يجزيك الف الف خير

الله ايعافيكِ
الله ايحفظ لكم البنات وتفرحون فيهم ان شاءالله ..
هل اتحبون شقه غرفه ولا غرفتين ؟
وبما ان البنات صغار اشوف شقه فيها غرفه افضل ولكن الشور اولاً واخيراً لكم وكل شي موجود في لندن

مرحبا
اخوي القطري
وشكراا عالرد
والله يخليلك كل غالي
بس بغيت شقة متجكنمة ( صغيرة) تحتويني انا وعائلتي الصغيرة
واحسن تكون من غرفة وحدة بس تكون كبيرة وصالة وحمام ( الله يعزك)
ومشكور
واسفة عالازعاج

السلام عليكم
هلا وغلا اختي
الله يجمعكم ولاأيفرقكم ابد ان شاءالله
وهذي ابركها من ساعه إذا قدرنا انخدمكم بشي ..
هذي 3 شقق ومع ترتيب الأفضل :
1- https://www.booking.com/hotel/gb/presidential-suites.html?aid=1300939
2- https://www.booking.com/hotel/gb/aspen-apartments.html?aid=1300939
3- https://www.booking.com/hotel/gb/access-apartments-marble-arch.html?aid=1300939
اول شي حاولوا في اول شقه لانها الأفضل ..
واي خدمه احنا في الخدمه

الاخ العزيز .... القطري
شكرا جزيلا والله يعطيك العافية ...
صراحة انت افدتنا كثيرا وتشيكنا ع الشقق و اختيارك اللي اهو الاول كان فعلا الافضل وردود الناس بعد كان زينة وتريح
وان الله راد .. هذا الصيف بنحجز هالفندق .
واحلا شي انه قريب من كل اللي نبيه
وشكرا لك مرة ثانية

لاشكر على واجب اختي
والله ايهنيكم ويسعدكم وين مارحتوا ان شاءالله
اهم شي الصغار خلوهم يستانسون