فرنسا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
اوتشي
18-01-2022 - 02:14 am
السلام عليكم ارجو منكم المسعاده من ابوفواز وجميع الاخوه انا ابسافر الفرنسا ومنها الى فينا كيف الطريقه اريد عن طريق الطيران او القطار عجزت افهم شروط القطار معنا اصح ابغى ارخص بينهم وياليت تزودوني بموقع القطار على النت وموقع الخطوط الفرنسيه او النمساويه الله يجزاكم خير انا بكره مسافره ابغى احجز قبل ماسافر


التعليقات (9)
Abu Malek1
Abu Malek1
اوتشي
مرحبا اوتشي...
حياك في باريس و الثلج و البرد مرحب فيك...لكن مناظر حلوه...
بالنسبه للسفر بين باريس و فيينا و في هذي الظروف مع تهاطل الثلوج...انصحك بالطيران و ما تفكر في القطار لمشاكل لوجستيكيه...اسمع نصيحه خبير و ما تندم...
بالنسبه للطيران ارشحلك فلاي نيكي او الطيران الفرنسي و هذي مواقعهم:
http://www.airfrance.com/cgi-bin/AF/SA/en/local/home/home/homepage.jsp;jsessionid=0000bxe2eRWhhSQPzWQA6e5qWML:140ufmpoa

اوتشي
اوتشي
اطال الله في عمرك ميزنيتي التسوق بسيطه جدا ابي ارخص مكان التسوق انابسكن في الهلتون الي على شكل قوس اضنه اسمه ادفانس الله يخليك ابي اطلع بشي من باريس ا علمني بصفتك ساكن اساللك عن ارخص محل الشنط النسائيه اشكرك ياخي الكريم انا اول مره اجي باريس ساعدني لله يطول عمرك

abofawaz
abofawaz
abu malek1
ألف شكر للزعيم أبومالك وتشهد ساحة التراكاديرو لزعامتة
للتو وصلت للكويت عن طريق البر بعد رحلة من قطر شاركتهم أفراحهم بعيدهم الوطني وهذا سبب تأخري فالرد ولم أستغرب الرد السريع من المنقذ دوما أبومالك فللأمانة حموودي وسيريمجيو وأبومالك هم الركائز الأساسية للبوابة الفرنسية وتجدهم دوما سباقون فلهم مني ألف شكر .
طبعا لن أعلق على أي معلومة أو أزيد لان اذا جاء ماء أبومالك فلاداعي لأن نتيمم .

abofawaz
abofawaz
اوتشي
ستجد مايعجبك وبسعر جميل في مول الفصول الأربعة الذي بجانب فندقك تماما .
وهناك الجاليري لافييت ضروري تزورينة وأسعارة متفاوتة بين الغالي والرخيص
أتمنى لك زيارة موفقة لباريس

Travel addicted
Travel addicted
مثل ما قال اخوي ابو مالك خليك على الطيارة افضل من القطار في رحلتنا الاخيرة عطلونا ساعه ونصف كنا طالعين من باريس لبروكسل وبجد طفشنا مع انو كنا متوقعين انهم على الوقت تفاديا لهالنوع من التعطيل الطيارة افضل غير انو المشوار بعيد ...
بالنسبه للهدايا في محل في ساحة الفندوم يبيع اطقم عطور حلوة وتشرف واسعارها جدا روعه وهذا موقعه على قوقل ماب:
http://maps.google.com/maps?f=q&source=s_q&hl=ar&geocode=&q=paris,zeina&sll=48.869344,2.324787&sspn=0.024785,0.076818&ie=UTF8&hq=,zeina&hnear=%D8%A8%D8%A7%D8%B1%D9%8A%D8%B3,+%D9%81%D8%B1%D9%86%D8%B3%D8%A7&ll=48.874651,2.354765&spn=0,359.923182&z=14&layer=c&cbll=48.869639,2.331591&panoid=qr0--67xHzLbsGs6QXQ6lA&cbp=12,137.32,,0,9.65
ويعطونك تاكس فري طبعا الي دلتني عليه الاخت ام سيف للامانه الله يجزاها كل خير ..
وبالنسبه للشنط اخوي انا اشوف انك تروح الجاليري لافاييت وعندك كل الخيارات كل الماركات متوفرة والاسعار اشوفها كويسها كفايه انك تاخذ شئ ضامن انه اصلي ...
رحله موفقه اخوي وانشا الله اني افدتك

hmoodi
hmoodi
  1. انا بوصف لك من الفندق الين توصلين السوق عن طريق المترو


اوتشي http://artravelers.com/c/342068" target="_blank">
الفندق الي بتسكنين فيه اسمه الهيلتون لاديفانس .............
بالنسبة اذا تبغي مكان كله محلات للحريم واسعاره جدا جدا جدا جدا رخيص بالمقارنة بالمحلات الثانية الي ذكروها الأخوان
لكن مشكلتها مافيها تاكس فري لكن اسعارها تنسيك التاكس .......
اسم السوق ( ابو كير يسمونه سوق اليهود)....

انا بوصف لك من الفندق الين توصلين السوق عن طريق المترو

انتي اقرب محطة لك من الفندق الهيلتون الاديفانس هيا Esplanade de La Defense
تطلعين من المحطة هذي طبعا هيا على الخط الأصفر الخط رقم 1 وتمشين فيها الين توصلين الى الشانز عند محطة اسمها Franklin D.Roosevelt وبعدين من عند المحطة هذي تبدلين المتروو الى الخط رقم 9 لونه بصراحة مادري وش اقولك هو اخضر ولا مدري ههه
المهم تاخذين الخط رقم 9 وتتوجهين الى محطة اسمها Strasborg Saint-Denis وطبعا وانتي في الطريق حتمرين على القاليري لافييت لو حبيتي تنزلين انزلي وهي على محطة اسمها Chaussee d'Antin La Fayette وذا تبغين تكملين تروحين على ثلاث محطات والمحطة الرابعة مثل ماقلت لك عليها Strasborg Saint-Denis تنزلين في المحطة وراح تلاحضين ان الشارع فيه محلات كثير لبيع الشنط وغير الشنط (كل البضائع نسائية) وذا ضيعتي هناك
فيه مطاعم عربية وتركية حلال
ممكن تسئلينهم وتقولين لهم فين سوق ابو كير وهو بنفس المنطقة
ولمن تبي ترجعين للهوتيل على نفس الطريقة ..............
ادري اني طولت عليكي بس عشان لا تضيعين الطريق
وهذي خريطة المترو للأحتياط http://www.paris.org/Metro/gifs/metro.pdf
تقبلي مروري
حمودي

abofawaz
abofawaz
hmoodi
مرحبا ياخوي وعزيزي حمودي ,,,,
ملاحظة صغيرة :-
لاحظت انك بالغلط كتبت اقرب محطة للهيلتون لاديفانس هي اسبلاند مع ان الاقرب المحطة الاخيرة فالمترة واللي عند الفندق تحت عند المول لاديفانس متاكد انك عارفها مليون % بس كتبتها عالسريع اسبلاند
شكرا على جودك الواضحة ياحموودي العزيز

hmoodi
hmoodi
abofawaz
يعطيك الف عافية
فعلا ماانتبهت للموضوع وكنت متحمس شوي
اسم المحطة الصحيحة والقريبة من الفندق هيا La Defense Grande Arche

اوتشي
اوتشي
الله يجزاكم خير ويعافيكم على هذا التعاون معي


خصم يصل إلى 25%