الرياض المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
اموت اوصل
12-10-2022 - 07:13 pm
اخواني الكرام خبراء الرياض
انا قادم يوم الاربعاء 6 /1/1431
الى الرياض
وابي منكم تساعدوني
كيف الاجواء الان في النهار والليل
ارغب في سكن يكون سعره معقول وفيه نت واير لس يكون في منطقه قريبه من الاماكن الحلوه بالرياض فياليت تعطوني خبراتكم ونصائحكم
ثالثا
انا ممكن اجلس ثلاثه اربعه ايام الى اسبوع حسب الظروف
فياليت احد يساعدني في ترتيب رحلتي من ناحية الاماكن اللي تصلح زيارتها للعوائل
من منتزهات ومطاعم وكافيهات واسواق و و و و و واي مكان يصلح للعوائل اي كان شكله
واي شي تحسوا انه راح ينفعني ياليت تقدموه لي باسرع وقت يعني كل يدلي بدلوه ولكم مني جزيل الشكر وخالص الدعاء
بارك الله فيكم


التعليقات (5)
مرسى الأحزان
مرسى الأحزان
  1. المنتزهات العائليه


حياك الله أخوي في مدينتك الرياض
الأجواء بررد شوي عموما الجو حلو
شوف اخوي بالنسبه للمولات الي تستحق الزياره.
أهم المولات في مدينة الرياض 1-مركز المملكه التجاري وبعد ماتخلص من التسوق تقدر تطلع جسر المشاهده الدور 99 وتشوف الرياض كلها النفر ب35 ريال
2-مركز الفيصليه التجاري ونفس الشي فيه مطل للمشاهده جونان لا يفوتك وطبعا فيه مطاعم روعه في الدور 11 والدور 21 لكنه ماينفع اذا معك اطفال لأن المطعم رومانسي
3- مركز الرياض غالري مجمع ظخم روعه روعه روعه بالإظافه ان المول يفتح النفس كأنك في غابه اشجار و شلالات وحيوانات و طيور محنطه نصيحه لا تروحله بالنهار روحله بالليل فيه ملاهي اطفال رائعه بالذات اذا معك اطفال بيستانسو مره
4- غرناطه مول وهو مول كبير ويوجد بداخله مدينة ملاهي رائعه لا يفوتك
طبعا لا يفوتك شانشلزيه الرياض والمعروف بإسم شارع التحليه الشارع ملئ بالكافيهات والمطاعم الراقيه والعالميه وكل مطعم احلى من الثاني وكل كافي يقولك تعال اذا مارحتله ما كأنك جيت الرياض
بالنسبه للسكن راح اعطيك عدة فنادق وكلها بالعليا وقريبه من الأماكن الي ذكرتها لك
1- فندق النوفتيل وهو في برج العنود
2-فندق التنفيذين على شارع العليا العام
3- فندق المثنى بجانب برج العنود
4-فندق رويال على شارع العليا العام
5-فندق هولدي ان على شارع العليا العام
عموما شارع العليا مليان فنادق وشقق فندقيه انشالله ماراح تحتار
أيضا فيه مركز صغير على شارع العليا العام اسمه مركز الهرم التجاري عليه زحمه غير طبيعيه لأنه رخيص واشيائه حلوه
إذا انت من محبي الأقمشه والشمغ والعطور الرجاليه انصحك بسوق المعيقليه وتقدر تاخذ العائله معك بينبسطو بالذات ان السوق مفتوح ويقع في منطقة قصر الحكم وايضا فيه اشياء نسائيه

المنتزهات العائليه

منتزه سلام ويقع بالقرب من سوق المعيقليه وهو عباره عن منتزه بحري توجد به اكبر بحيره في الرياض وبداخلها يخت تقدر تركبه مع العائله + منتزه فانتزي لاند وهو ملاهي افضل منتزه حالي في مدينة الرياض ويقع في الثمامه
بالإظافه الى ملاهي غرناطه مول في مركز غرناطه وملاهي الرياض غالري في مركز الرياض غالري
أي سؤال انا حاضر ..
أتمنالك رحله موفقه

نبت الخزامى
نبت الخزامى
اخوي اموت اوصل ياهلا ويامرحبا بك في الرياض
اسمحوا لي اضيف سوق الزل بالقرب من المعيقلية
اعتبره معلم تراثي بنكهة الرياض
فيه الزل اللي هو الزوالي باللهجة العامية
وفيه المصنوعات الجلدية والبشوت الرجالية والمستلزمات الرجالية والمنزلية
وعالعموم ماياخذ منك ساعة بالكثير من جوا السوق تقدر تلفه وتروح المعيقلية
ويا هلا ويا مرحبا في بيتك الثاني الرياض

اموت اوصل
اموت اوصل
اخواني مرسى الاحزان
ونبت الخزامى
الف شكر لكم على الشي الجميل اللي ذكرتموه لي وبصراحه حمستوني خصوصا كلام الاخ مرسى الاحزان
المهم اتمنى اذا باقي فيه شي لديكم او الاعضاء الاخرين ماتبخلوا فيه لاني ممكن اطول شوي وابي جدولي يكون فل
وجزاكم الله خيرا

عذووب-1
عذووب-1
عندك مطعم اوشال ..
والله مااعرف وصفه
اسأل عنه
بس بجد ختير لا يفوتك
وشكرا

*ستار*
*ستار*
بما ان الاجواء شتويه فما في احلى من البر خاصه بالويك اند يعني تمشوا في الثمامه وانبسطوا وفيها دبابات للاطفال
القهاوي عندك شارع التحليه كله قهاوي ومطاعم
الاسواق ماقصروا ذكروها قبل


خصم يصل إلى 25%