الفنادق القريبة : - فريزر سويت (له مدخل خاص للسيف)

• ميركور بجانب السيف ممكن تروح للسيف مشي
• في ناس يمدحون ايليت لكن شخصيا ما جربته

وبالنسبة للأسعار مواقع الحجز بتفيدك كثير مثل booking.com لأن ممكن يكون فيه عروض
الأماكن الترفيهية:

• أنا افضل المجمعات للتسوق فقط أما المطاعم والكوفي شوب فأنا أفضل أنك تجرب الي خارج

المجمع حتى ما تشعر أنك طول اليوم في مكان واحد

• صالة البولينغ في مجمع الستي سينتر يعتبر تجربة ممتعة للعائلة
• كورنيش المحرق رايق وممتع للصغار
• محمية العرين يجمع بين السفاري وحديقة الحيوان مكان ممتع
• في أماكن أنا شخصيا لازم أمر عليها اذا رحت للبحرين ( مطعم جوني روكيت بجنب العالي جوه

بالعادة ممتع وعائلي - مايا كوفي متخصص بالشوكلاتة يوجد بالسيف والستي سنتر - محل فيرجن
ميجا ستور بالستي سنتر معروضاته غريبة )
هذا الي في بالي الحين اتمنى اكون افدتك

ماقصرت ياغالي وسؤال اين تقع محمية العرين وكورنيش المحرق؟
ومشكور مقدما

محمية العرين: بجانب جزيرة دلمون من عند حلبة سباق الفورملا و جامعة البحرين
كورنيش المحرق: بين جسر الشيخ حمد و جسر الشيخ عيسى
أتوقع الاخوان في المنتدى ممكن ينزلون صورة الخريطة و طبعا اهل البحرين مايقصرون ممكن اذا ضيعت يساعدونك ويوصلونك وهاذي ميزة فيهم
وعندك للأماكن العائلية في بعد: - ملاهي عذاري ممتعة و مرتبة

• عروض الدلافين ممتعة للأطفال
• رحلات بحرية ( قريت عنها لكن ما جربتها)

جزاك الله خير وفعلا وفيت وكفيت