البحريني ب
07-11-2022 - 01:12 pm
هلا اخواني ، بغيت أسألكم وين افضل الاماكن اللي نقدر نروحها ونقعد نشوي في قطر خصوصا قريب من الدوحه؟ ودنا نروح نشوي عالساحل لكن مانعرف قوانين الدوله اذا ممنوع ولا لا ،، ولا نعرف وين مسموح وشنو احسن الاماكن إلخ ،،، سؤال ثاني وين احصل محل مشويات ايرانيه في الدوحه اعطيه الاسياخ يحط فيهم الكباب والتكه يجهزهم لي؟
ومشكورين مقدما
عندك منطقة الخليج الغربي جنب فندق الانتركونتينيتال
على البحر مكان ممتاز و وفيه حاويات القمامه اعزكم الله
وبالنسبه الي القوانين اهم شي النظافه لازم تخلي مكانك نظيف
وهناك بيكونون ناس من البيئه لرقابة المكان
وبالنسبه الى محل الكباب عندنا محل مشهور في قطر اسمه كباب طرزان
وهذا المحل في وسط الدوحه عند سوق الذهب هو المحل مشهور لو تروح سوق الذهب وتسأل عن المحل الف من يدلك
ان شاء الله اكون افدتك
واي خدمه احنا حاضرين لك