البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
some.one
15-11-2022 - 10:00 pm
السلاام عليكم ...
حابين نروح انا وزوجتي ثلاث ايام الى البحرين الشقيقه خلال عطله العيد وياليت نحصل من خلال تواجدكم الرائع على بعض المعلومات اللي تفيدنا ....
مثل ودنا بفندق يكون قريب من الاماكن السياحيه وسعره مقبول واهم شي النظافه وما يمنع شقق فندقيه وايضا لو فيها مجال تعلمونا على ابرز الاماكن السياحيه اللي تستاهل الواحد يزورها خلال عطله العيد ومثل ما انتو عارفين كلها ثلاث ايام ف ياليت تنذكر الاماكن الابرز واللي تستاهل ..
ولكم شكر كبير مقدما ،و


التعليقات (3)
مـزون
مـزون
هلا بكم بالبحرين
بالنسبه للفندق او الشقق باليومين الجايين الاسعار راح ترتفع نظرا لاجازة العيد والاقبال الكبير عليها
يعني اتوقع الغرفه الوحده ممكن تلقاها من 50 دينار وطالع ..
عندك لاند مارك السيف يمدحونه وقريب من المجمعات وبعد ممكن تشوف هالرابط لموقع بوكينق فيه
بعض الفنادق والشقق القريبه من السيف وشوف اللي يناسبك سعره ..
https://www.booking.com/landmark/bh/seef-mall1.en.html?aid=1300939
وقبل لاتحجز خبرنا عشان نساعدك
بالنسبه للبرامج ممكن تزور متحف البحرين الوطني .. وعين عذاري ..
عندك المجمعات مثل الستي سنتر والسيف والعالي والدانه ..
هذا اللي يحضرني حاليا

some.one
some.one
الف شكر لج اختي مزون ... انا انشالله حجزت بفندق سويت elit suits ياليت لو فيها مجال تعلمينا عن الفندق ووضعه بشكل عام واذا انا ياي بالسياره عن طريق الجسر شنو اقرب الطرق للفندق
ومشكوره مره ثانيه ،،

faststar
faststar
موقع الفندق
elit suits
قريب من مجمع السيف والدانه وسيتي سنتر ومجمع البحرين
وقريب من المطاعم وليس من رأيي الشخصي بل من آراء الناس
فندق نظيف وممتاز
اما بالنسبه للوصول له فهناك عدة طرق
وأنت قادم من السعوديه على الشارع السريع سوف تأتيك اشارة مرور
ارجع على عكس الشارع اللذي اتجهت منه
سوف تلقى اعلان يوجهك الى مدينة حمد او جنوب المنامه
اسلك طريق جنوب المنامه واللذي يكون على شكل انحناء على يدك اليمنى
ومن بعدها سوف تشاهد مجمع البحرين على يدك اليمنى
أسلك الشارع المؤدي الى مجمع البحرين
وسوف تلقى الفندق
اما اذا كان لديك برنامج الملاحه النفقيتر
ولم تجد الفندق بالخريطه
أبحث عن
مجمع البحرين
ودمت بود
اخي الكريم


خصم يصل إلى 25%