تايلاند المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
نبض المسافر
11-10-2022 - 10:51 am
تحية طيبة لمشرفي وأعضاء وزوار منتدى العرب المسافرون ( البوابة الخاصة لتايلند)
الانطلاقة كانت بتاريخ 3 11 2009
عدد الاشخاص : 2
مدة الرحلة : 13 يوم
الطيران : طيران الخليج
راح استعرض بعض الصور المختصرة للرحلة
وفي القادم راح ابدأ معاكم التقرير .. لان الصور والتعليقات محتاجة لوقت وتفرغ شوي
اخليكم مع بعض الصور باختصار وانتظرونا بالقادم مع بداية التقرير

انتظرونا بالقادم


التعليقات (9)
BAHRANI
BAHRANI
الحمد لله على السلامه و
يعطيك الله العافيه أخي نبض المسافر...
أنا محظوظ إني أول واحد يركب الطائره...
خلنا ننتظر باقي الأعضاء يركبون بس ما نبي نتأخر ...

لولو74
لولو74
الحمدلله عالسلامه ...... و هذي أنا ركبت الطياره ..... يلا يا جماعه لا تتأخرون
من البدايه الصور وايد حلوه .... وأكيد التقرير بكون ممتع .... راح أكمله بعد ما أرجع من السفر
مع السلامه ......
أم عبادي

© LadyBird
© LadyBird
الحمدالله على السلامه .. وسجلني متابعه معاك

no nick
no nick
الحمدلله على السلامة
سجلنا متابعين معاك
لك كل التحايا

ام نونا
ام نونا
متابعين ان شاء الله

bigbin609
bigbin609
الحمدلله علي السلامة
ومتابعين معاك للتقرير

نبض المسافر
نبض المسافر
  1. بداية الرحلة : سلطنة عمان - مطار مسقط الدولي

  2. الوصول للبحرين بعد ساعه وعشر دقائق تقريبا


عدنا ..
الله يسلمكم جميع
شاكر لكم مروركم على الموضوع وسعيد بالتواصل معكم
كما ذكرت سابقا .. الرحلة لشخصين على طيران الخليج
قيمة التذكرة :324 دولار
بداية الرحلة كانت بتاريخ 3 112009
الساعه : 6:30 مساء

بداية الرحلة : سلطنة عمان - مطار مسقط الدولي

الوصول للبحرين بعد ساعه وعشر دقائق تقريبا

في الحقيقة واجهتنا مشكلة ومااعرف ممكن اطلق عليها خلل في التنظيم وهي ان رحلتنا المفروض على طول بعد ساعه ونص من وصولنا البحرين ..بس طيران الخليج اخرو رحلتنا ( وهذي اول مرة تصير معانا ) الكثيرين تضايقو بصراحه لان تذاكرنا ذهاب بعد ترانزيت في البحرين وعلى طول على تايلند .. بس اخرونا ليلة كاملة وحسب اقوال الموظفين ان الرحلة اكتمل عدد ركابها ( طيب ايش ذنبنا احنا والتذاكر معانا حسب موعدها
)
المهم وصلونا للمبيت في فندق على حساب شركة طيران الخليج ( وتم تغيير موعد السفر بتاريخ 4 المساء الساعه 9
الكاميرات المستخدمه canon 40 d و sony w-200
وهذي بعض الصور الرائعه من المنامة
وكانت بداية الرحلة لتايلند بتاريخ 4 11 2009
الساعه 9 مساء بتوقيت المنامة
ايرباص 340
مدة الرحلة : 6 ساعات وخمس دقائق
تقريبا الوصول للعاصمة بانكوك كان الساعه 7 الصباح بتوقيت بانكوك بتاريخ 5 11 2009
رحنا نحجز على بوكيت ( اسعارهم غالية كثير من المكاتب السياحية وشفنا استغلال شوي بالمطار ف غيرنا الخطة وهذي بوكيت لازم نزورها مستقبلا لانها مكان روعه لمن يعشق الطبيعه
)
  • | فكانت الزيارة 6 ايام لبتايا وبعض الجزر القريبة منها ولمنطقة شانج بوري
    و 4 ايام لشنجماي واخر ليلة ببانكوك لان موعد الرجوع كان صباح تاريخ 15 11 2009

وهذي بعض الصور من اجواء العاصمه بانكوك لحظة الوصول
وللصور بقية في الرد القادم

نبض المسافر
نبض المسافر
من بانكوك والى بتايا وبالتحديد شارع العرب .. مدري ويش يسمونه
متعود احجز في فندق اسمه BOUTIQUE
خلف فندق VC المعروف
واعذروني كل اوقاتنا تكاسي ومشي وحواطة ومالحقت اصور الا هالصورتين للفندق
بس فندق نظيف جدا ومنظم وسعره 1200 بات هالايام والعاده 1100 بات لان ارتفاع الاسعار هالفترة

وهذي مجموعه منوعه من الصور لبتايا اتمنى تعجبكم

وهذي اكلة تايلندية مشهورة عندهم اسمها سوم توم قيمتها 20 بات يتغدون ويتعشون بهالأكلة بس فلفل

وهذا الصغيرون يبيع عصافير

وهذي مناظر للاجواء المسائية واوقات طلوع الشمس افضل اوقات التصوير

هالصور وقت الشروق

هالصورة من بداية احد رحلاتنا البحرية لمدة يوم كامل لبعض الجزر القريبة من شواطيء بتايا

انتظرونا بالقادم...

mngo67
mngo67
ماشاءالله خوش تقريرمن بدايته
وشوقتنا نشوف الياي....بانتظارك


خصم يصل إلى 25%