الرياض المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
محب المباركية
12-10-2022 - 07:13 am
السلام عليكم ورحمة الله وبركاته
في البداية عشر مباركة على جميع المسلمين وتقبل الله من الحجاج حجهم وارجعهم سالمين غانمين
مع بداية اجازة الحج نويت التفرغ لشراء مطبخ جديد للبيت فالسؤال الذي أتمنى منكم المساعدة فيه
أين أجد محلات ومصانع المطابخ في الرياض علما بأنني لا اريد السعر باهظ الثمن و لا قليل يعني وسط
من 15000 ريال و فوق متمنيا من أهل الرياض و من أهل الخبرة بالمطابخ الامريكية المساعدة وشكرا
محب المباركية


التعليقات (9)
وايرلس
وايرلس
والله يالغالي حتى انا نفس الشي أريد تفصيل مطبخ بس إللي سمعت عنه انه أفضل مكان وأرخص شي
هو مخرج 20 وأنت بإتجاه الشرق على الدائري مقابل حراج بن قاسم إللي سمعت عنهم انهم أفضل من طريق الامير
سلمان إللي بالصناعيه لأنهم أستغلوا أندفاع الناس عليهم وفق الله الجميع ياغالي

أحبك يا كويت
أحبك يا كويت
محب المباركية ... حبتك العافية قول آمين .. شوف سلمك الله
المطابخ كلهم تلقاهم بمخرج 17 - طريق الأمير سلمان بن عبدالعزيز بالصناعية القديمة ..
فيه مطابخ بشمال الرياض بالتحلية ، ولكنهم مطابخ غالية جداً زي عضاضه وقباني .. على ما اعتقد فيه معرض للمطابخ الأمريكية بالتحلية لكن نسيت اسمه والله ( المطابخ الأمريكية .. اعتقد جذيه أو قريب من هالتسميه )
ولا تطوف شركة ( طنه ) للمطابخ .. من رأيي تبدأ مشوارك بالصناعية ، ثم تمر طنه بالملز ، وبعدين تختمها بالعليا شارع التحلية .. وبكذا تكون شفت الخامات من الأقل للمتوسط للأعلى ، وتحدد بعد هاللفه اللي تبيه .. بالتوفيق

محب المباركية
محب المباركية
وايرلس
ما قصرت يا اخوي بس انا ناوي اني افصل مطبخ امريكي يعني مو حق كبسات و جريش يعني شغلات
خفيفة وطاولة طعام ومن هالشغلات الطيبة الله يوفقك وعلمني آخر التطورات معاك انتظر سماعها

محب المباركية
محب المباركية
أحبك يا كويت
الصراحة انا جدا خجلان من ردك اللي احرجتني حلوة ( حبتك العافية )
ما قصرت والله شرحك كافي ووافي بيض الله وجهك والكويت الاسبوع الماضي
كنت فيها ردت لي روحي بالمباركية والمرة الجاية ابثوبلك بيالة جاي من القهوة اللي بوسط المباركية

وفاااء
وفاااء
لنتبهوا من مخرج 17 سوينا المطبخ عند شركه معروفه هناك وطلع خرطي
يمدحون مطابخ التيسيير بس ماجربتها

قلب الشآعـــر
قلب الشآعـــر
^^
الله الله مصنع التيسير فيها شغل عدل أذكر عندهم مصري اسمه محمد رآعي سوآلف وفلة ... وابشروا بالسنع ..

أحبك يا كويت
أحبك يا كويت
محب المباركية
ما قصرت والله شرحك كافي ووافي بيض الله وجهك والكويت الاسبوع الماضي
كنت فيها ردت لي روحي بالمباركية والمرة الجاية ابثوبلك بيالة جاي من القهوة اللي بوسط المباركية
شدعوه عزيزي لا تنحرج ولا شي .. وصحة وعافية على قلبك استكانة الجاي .. حسب كلام الأخوات والإخوان اللي ردوا بالموضوع كلهم يحذرون من مخرج 17 .. ودامك تبي مطابخ ذوق ، اليوم سبحان الله مريت من عندهم طريق ( التخصصي ) فيه محلات بالسايدين الرايح والراد كلهم مطابخ ، وهم طريق التحلية يتقاطع مع التخصصي .. انصحك تروح هناك .. إن بغيت ارقام تلفونات حاضر من عيوني .. تحياتي

محب المباركية
محب المباركية
وفاء
أخت وفاء ماقصرتي يعطيكي العافية
بس اذا فيه امكانية تعطينا عنوان التيسير
و كذلك مميزات مطابخهم ؟ وكيف هي الاسعار ؟
أدري طولتها بس سامحونا

محب المباركية
محب المباركية
قلب الشآعر
شكرا لك على التفاعل مع الموضوع
نفس سؤالي للاخت وفاء
ماهي مميزات التيسير واين يقع وكيف الاسعار
دمتم بخير


خصم يصل إلى 25%