السلام عليكم وبعد التحيه والسلام
بصراحه انا ابحث عن اجوبه كثيره عن مالطا ومالقيت اي شي ينفعني
بس لقيت عنوان مدرسه فيها
ولو تقول لي انها باسرائيل صدقتك
حتى الاستفسارات الي عنها مافيها ردود
والله شي غريب ايش هذي الديره
مع اجمل التحيه

إلى الاخوه الكرام ........... السلام عليكم و رحمة الله و بركاته
أنا ان شاء الله مسافر لمالطا في تاريخ 17 يوليو 2005 أبجلس هناك ثلاث أسابيع سياحه تعليميه سجلت في معهد لغه أنجليزيه و عندي بعض المعلومات عنها
بالنسبه للفيزا عندك واحد من خيارين أولا أنك تاخذ فيزا مالطيه أو فيزا شنغن لان مالطا من الإتحاد الأوربي
و أنا أنصحك إذا كنت بتاخذ فيزا تاخذ شنغن علشان تقدر تروح لإيطاليا لأنها لازقه فيها و فيه رحلات لها لمده يوم واحد أو يومين لجزيره صقليه و ترجع لمالطا يعني تغير جو شوي بس الفيزا الشنغن لازم تكون ملتبل يعني تلقى مكتوب على الفيزا Mult
طبعا السفاره المالطيه أنا رحت لها و كلمت القنصل نفسه و جلست معه بصراحه رجال عسل و حبوب و الميزه فيه أنه أصله عربي يعني يتكلم عربي يعلي اللي لغته مهيب و لا بد لا يخاف و يروح له بصراحه أنا ما تشجعت للسفره إلا من بعد ما قابلته و عطاني بعض المعلومات و النصائح عن بلده
على العموم السفاره في الرياض في حي السليمانيه خلف مستشفى الحمادي بتلقاها داخله شوي في الحاره
و هذي أرقام تلفوناتهم 4632345-4615315 اللي بيتصل يستفسر عن طلبات الفيزا إذا كنت بتروح مالطا بس و بترجع .
على العموم أنا أبروح الحالي يعني اللي بيخاوي ترا لسا فيه وقت معنا تقريبا شهر على الرحله
أنا حاجز على الإماراتيه رياض دبي مالطا دبي رياض
و اي خدمه أو استفسار أنا حاضر في الخدمه طبعا على قدر معلوماتي علشاني ما قد رحت