بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



خيّال خيّال
حبايبنا و أهلنا في ابو ظبي وكل من زار دار زايد عندي بعض الاستفسارات
05-06-2014 - 11:51 pm

السلام عليكم و رحمة الله و بركاته ...
يا غالين انا باذن الله رايح ابو ظبي لأول مرة في شهد ديسمبر بالتحديد من يوم 15 إلي 20 ....
لحضود مباريات كآس العالم ...فيسكا بارسا خخخخخخ

عندي كم استفسار بسيط....ياليت تتقبلوني وتساعدوني فها

1- وش افضل شركات تأجير السيارات في ابو ظبي.؟ وهل تنصحون بعمل حجز من الانترنت للشركات العاالمية مثل بدجت والمفتاح.؟

2-اثناء فتدر تواجدي في ابوظبي..هل تنصحون بيوم اذهب فيه الي مدينة دبي.؟ هل المسافة قريبة و كافية للذهاب و العودة نفس اليوم.؟

تحياتي لكم....





المشاركات

abod100 abod100
حبايبنا و أهلنا في ابو ظبي وكل من زار دار زايد عندي بعض الاستفسارات


هلا والله بالكتلوني .. نفس الموضوع انا رايح لكاس العالم .. بس كيف لقيت حجز طيران من 15 لين 20 .. انا لقيت الخطوط السعودية دايركت لابوظبي 15 وارجوع 23 ومافي غيرها ؟؟؟

وبالتوفيق للبرسا


هرماس بن هواس هرماس بن هواس
حبايبنا و أهلنا في ابو ظبي وكل من زار دار زايد عندي بعض الاستفسارات


وعليكم السلام ورحمة الله وبركاته



سوف اجيبك على الفقرة الثانية من استفسارك ( نعم ) ننصح بالزيارة لـ دبي، والمسافة بين المدينتين تقريباً ( 170 كيلو متر ).


دلوعة يعقوب دلوعة يعقوب
حبايبنا و أهلنا في ابو ظبي وكل من زار دار زايد عندي بعض الاستفسارات


بالنسبه لسؤال الثاني

انصحك ترووح تغيرر جوو اهناك مسافه تقريبا ساعه ونص او اقل بس حط بالك يووم كامل ... بالتوفيق


ولـدبلادي ولـدبلادي
حبايبنا و أهلنا في ابو ظبي وكل من زار دار زايد عندي بعض الاستفسارات


اخوي اولا حياك الله وبتنور دار زايد بوجودك وبوجود اخوانا من الخليجيين والعرب اللي زايرينا في فترة كاس العالم للاندية..

بالنسبة لشركات تاجير السيارات.. عندك Fast و Avis والكثير الكثير..
انا انصحك تاخذ لفه في المطار على الشركات الموجوده.. وتشوف الاسعار..
واذا ما عجبك تراك في بوظبي نفسها بتلاقي خيارات كثيرة ان شاءالله..

بخصوص دبي.... بكل تاكيد يكفيك الوقت ياخوي..
تقريبا 150 او 170 مثلا ما قال احد الاخوان...
بصراحه بقولك شغله.. احنا اهل بوظبي كنا نعتبر دبي بعيده من فترة طويلة..
بس حاليا دبي طلعت من مركزها الاولاني..
مثلا مول الامارات و الممشي The Walk ودبي الجديده تقربت بشكل كبير من بوظبي..
يعني تقريبا بتاخذ بحدود ساعه ونص بالكثير من بوظبي لين دبي....
انصحك بشده تروح دبي..
اذا قررت وحبيت تسال عن الاماكن احنا بالخدمه...
موفق ياخوي ان شاءالله

اخوك سعود


خيّال خيّال
حبايبنا و أهلنا في ابو ظبي وكل من زار دار زايد عندي بعض الاستفسارات


المشاركة الأصلية كتبت بواسطة abod100
هلا والله بالكتلوني .. نفس الموضوع انا رايح لكاس العالم .. بس كيف لقيت حجز طيران من 15 لين 20 .. انا لقيت الخطوط السعودية دايركت لابوظبي 15 وارجوع 23 ومافي غيرها ؟؟؟

وبالتوفيق للبرسا
يعطبك العافية يا غالي..
في الحقيقة أن حجزي هذا كان قبل 3 شهور وبالمضاربة وحب الخشوم...وكان شوي ويلغونه علينا..خلها على ربك

لو تدور في طيران سما و ناس وخطوط الاتحاد والخليجية ممكن تلقى مودعودة اقرب..
مع العلم ان خط رحلتي هي جدة -ابوظبي-جدة


خيّال خيّال
حبايبنا و أهلنا في ابو ظبي وكل من زار دار زايد عندي بعض الاستفسارات


المشاركة الأصلية كتبت بواسطة هرماس بن هواس
وعليكم السلام ورحمة الله وبركاته



سوف اجيبك على الفقرة الثانية من استفسارك ( نعم ) ننصح بالزيارة لـ دبي، والمسافة بين المدينتين تقريباً ( 170 كيلو متر ).
هرماس بن هواي..يقرب لك عباس بن فرناس.؟ هههههههههههههه
يعطيك العافية يا غالي على جوابك,,,,
لك مني كل التقدير


خيّال خيّال
حبايبنا و أهلنا في ابو ظبي وكل من زار دار زايد عندي بعض الاستفسارات


المشاركة الأصلية كتبت بواسطة دلوعة يعقوب
بالنسبه لسؤال الثاني

انصحك ترووح تغيرر جوو اهناك مسافه تقريبا ساعه ونص او اقل بس حط بالك يووم كامل ... بالتوفيق
دلوعة يعقوب..يعطيك العافية...
وان شاءالله دبي في مقدمة برنامج الرحلة..تحياتي


خيّال خيّال
حبايبنا و أهلنا في ابو ظبي وكل من زار دار زايد عندي بعض الاستفسارات


المشاركة الأصلية كتبت بواسطة ولـدبلادي
اخوي اولا حياك الله وبتنور دار زايد بوجودك وبوجود اخوانا من الخليجيين والعرب اللي زايرينا في فترة كاس العالم للاندية..

بالنسبة لشركات تاجير السيارات.. عندك fast و avis والكثير الكثير..
انا انصحك تاخذ لفه في المطار على الشركات الموجوده.. وتشوف الاسعار..
واذا ما عجبك تراك في بوظبي نفسها بتلاقي خيارات كثيرة ان شاءالله..

بخصوص دبي.... بكل تاكيد يكفيك الوقت ياخوي..
تقريبا 150 او 170 مثلا ما قال احد الاخوان...
بصراحه بقولك شغله.. احنا اهل بوظبي كنا نعتبر دبي بعيده من فترة طويلة..
بس حاليا دبي طلعت من مركزها الاولاني..
مثلا مول الامارات و الممشي the walk ودبي الجديده تقربت بشكل كبير من بوظبي..
يعني تقريبا بتاخذ بحدود ساعه ونص بالكثير من بوظبي لين دبي....
انصحك بشده تروح دبي..
اذا قررت وحبيت تسال عن الاماكن احنا بالخدمه...
موفق ياخوي ان شاءالله

اخوك سعود

هلا وغلا سعود...ماشالله عليك...هذه الردود اللي كنت منتظرها كافية ووافية..ولا يهونون بقية الشباب..

بالنسبة لي ..ممكن انزل دبي يومين ..الاربعاء والخميس مثلا...وهي الايام اللي ما تصادف مباريات في مونديال الاندية..

بالنسبة لايجار السيارة..خوفي الوحيدهو يوم اجي ماالقى سيارات متاحة اثناء المونديال.تكون كلها محجوزة...

هل لك خبرة في الحجز عن طريق النت و تنصح فيها.؟
يعطيك ألف عافية يا غالي ولا يحرمنا منك..تحياتي


ولـدبلادي ولـدبلادي
حبايبنا و أهلنا في ابو ظبي وكل من زار دار زايد عندي بعض الاستفسارات


اخوي الخيال..
بصراحه ما عندي خبره في مجال تاجير السيارات عن طريق النت..
بس اللي اقدر اأكد لك ياه أن من سابع المستحيلات انك ما تلاقي سيارات في فترة المونديال..
في احداث كثيرة استوت في الفترة الاخيرة وفي السنوات الاخيرة مثل كاس العالم للشباب و كاس الخليج والفورمولا.. طبعا مع اختلاف انواعها وزخمها الاعلامي بس صعب جدا ان مكاتب التاجير ما تلاقي عندها سيارات..



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

حبايبنا و أهلنا في ابو ظبي وكل من زار دار زايد عندي بعض الاستفسارات