هلا والله بالكتلوني .. نفس الموضوع انا رايح لكاس العالم .. بس كيف لقيت حجز طيران من 15 لين 20 .. انا لقيت الخطوط السعودية دايركت لابوظبي 15 وارجوع 23 ومافي غيرها ؟؟؟

وبالتوفيق للبرسا

بالنسبه لسؤال الثاني

انصحك ترووح تغيرر جوو اهناك مسافه تقريبا ساعه ونص او اقل بس حط بالك يووم كامل ... بالتوفيق

اخوي اولا حياك الله وبتنور دار زايد بوجودك وبوجود اخوانا من الخليجيين والعرب اللي زايرينا في فترة كاس العالم للاندية..

بالنسبة لشركات تاجير السيارات.. عندك Fast و Avis والكثير الكثير..
انا انصحك تاخذ لفه في المطار على الشركات الموجوده.. وتشوف الاسعار..
واذا ما عجبك تراك في بوظبي نفسها بتلاقي خيارات كثيرة ان شاءالله..

بخصوص دبي.... بكل تاكيد يكفيك الوقت ياخوي..
تقريبا 150 او 170 مثلا ما قال احد الاخوان...
بصراحه بقولك شغله.. احنا اهل بوظبي كنا نعتبر دبي بعيده من فترة طويلة..
بس حاليا دبي طلعت من مركزها الاولاني..
مثلا مول الامارات و الممشي The Walk ودبي الجديده تقربت بشكل كبير من بوظبي..
يعني تقريبا بتاخذ بحدود ساعه ونص بالكثير من بوظبي لين دبي....
انصحك بشده تروح دبي..
اذا قررت وحبيت تسال عن الاماكن احنا بالخدمه...
موفق ياخوي ان شاءالله

اخوك سعود

يعطبك العافية يا غالي..
في الحقيقة أن حجزي هذا كان قبل 3 شهور وبالمضاربة وحب الخشوم...وكان شوي ويلغونه علينا..خلها على ربك

لو تدور في طيران سما و ناس وخطوط الاتحاد والخليجية ممكن تلقى مودعودة اقرب..
مع العلم ان خط رحلتي هي جدة -ابوظبي-جدة

هرماس بن هواي..يقرب لك عباس بن فرناس.؟ هههههههههههههه
يعطيك العافية يا غالي على جوابك,,,,
لك مني كل التقدير

دلوعة يعقوب..يعطيك العافية...
وان شاءالله دبي في مقدمة برنامج الرحلة..تحياتي

هلا وغلا سعود...ماشالله عليك...هذه الردود اللي كنت منتظرها كافية ووافية..ولا يهونون بقية الشباب..

بالنسبة لي ..ممكن انزل دبي يومين ..الاربعاء والخميس مثلا...وهي الايام اللي ما تصادف مباريات في مونديال الاندية..

بالنسبة لايجار السيارة..خوفي الوحيدهو يوم اجي ماالقى سيارات متاحة اثناء المونديال.تكون كلها محجوزة...

هل لك خبرة في الحجز عن طريق النت و تنصح فيها.؟
يعطيك ألف عافية يا غالي ولا يحرمنا منك..تحياتي

اخوي الخيال..
بصراحه ما عندي خبره في مجال تاجير السيارات عن طريق النت..
بس اللي اقدر اأكد لك ياه أن من سابع المستحيلات انك ما تلاقي سيارات في فترة المونديال..
في احداث كثيرة استوت في الفترة الاخيرة وفي السنوات الاخيرة مثل كاس العالم للشباب و كاس الخليج والفورمولا.. طبعا مع اختلاف انواعها وزخمها الاعلامي بس صعب جدا ان مكاتب التاجير ما تلاقي عندها سيارات..