نشر في كيب تاون

السفر الى جنوب افريقيا ارجو المساعده

bo-barrak

12-12-2022 - 04:31 pm

السلام عليكم
من كثر ما قريت المواضيع تشتت تفكيري وعندي بعض الاسئلة اتمنى الاجابه عليها لان سفرتي بعد اسبوعين الى جنوب افريقيا
س1: كم ساعه الطيران من الكويت الى جنوب افريقيا؟؟
س2: سفرتي 15 يوم اتمنى تقسمونها لي ؟؟
س3: واهم الاماكن السياحية والفنادق؟؟
س4: وبكم التذكره تقريبا وشكرا ؟؟
ادري ان الاسئله متكرره بس لاني بحثت بكذا موضوع لكن تشتت تفكيري لان البعض يقول روح كيب تاون اول والبعض يقول روح جوهانسبيرج اول وصن سيتي وانا ضايع بالطوشه ههه ما دري شالسالفه اتمنى التوضيح وشكراا جزيلا
وسفرتي هدية الى زوجتي العزيزه بمناسبة ولادتها وبمناسبه عيد زوجنا الاول

التعليقات (5)

-' + '->ابلغ عن اساءه

12-12-2022 - 07:53 pm

الف مبروك يا بو براك ويتربى في عزكم
وراح اجاوبك على اللي اقدر عليه
الطيران راح ياخذ تقريبا 9 ساعات على حسب الخطوط
لأن مثلا الخطوط الاماراتيه بتروح دبي ومنها تطلع على جنوب افريقيا
طيران الاتحاد بيطلع بك الى ابوظبي اولا وبعدها على جنوب افريقيا
الخطوط القطريه على الدوحه وبعدها الى جنوب افريقيا
اما الخطوط الكويتيه فبنطلع لك من الكويت على طول
بالنسبه للسعر فهذا يختلف ايضا على حسب الخطوط
الاماراتيه الحين سعرها 335.3 دينار للتذكره لأنك حاجز في فتره قريبه لموعد سفرك وايضا الضرايب تختلف من مطار الى مطار
الفنادق ممكن انت تختار اللي يعجبك من خلال مواقع الحجز المشهوره او تحاول تاخذ في فنادق جربوها الاعضاء هنا
بالنسبه للتقسيم والمناطق السياحيه يبغى لك تشوف الموضوع المثبت لمشرفنا عبدالله بن محمد

-' + '->ابلغ عن اساءه

12-12-2022 - 08:54 pm

مشكور حبيبي جون عالمعلومات انزين اول محطه اقعد فيها وين جوهانسبيرج واللا كيب تاون وجم يوم اقعد بكل مكان
وانا سمعت من بعض الاصدقاء انه الديره مافيها امان وفيها بعض المشاكل مع العرب هل هذا صحيح؟؟

-' + '->ابلغ عن اساءه

12-12-2022 - 09:55 pm

السالم عليكم بصراحه أول مره أرد على إستفسار في المنتدى وأتمنى أفيدك .......
والف مبروك المولود وإن شاالله العمر كله .... أنا سافرت لها أنا وزوجي بس كنا مرتبين الرحلة على خطوط الإمارات
وحاجزين الفنادف وكل شي ..... بما إنكم عايله ما أنصحكم بالبقاء في جوهانسبرج حنا على طول رحنا من المطار على كيب تاون وسكنا في فندق مطل على البحر مره روعه طبعا بس بيننا وبين البحر شارع وجلسنا في كم ليله وطبعا عندك يكون دفاتر للأنشطة المختلفة من سوق وبحر وسينما وغيرها ..... وبعدين أنصحكم مثلنا تروحون لسن سيتي تراها روعه تجنن لا تفوتكم شي خيالي غابات وطبيعه وفيها أنشطه من سفاري وغيره وإسال اللي في الفندق عن الأنشطة وتابعوهم علشانكم بتروحون مع مجموعات للفيلة للركوب عليها وحديقة خاصة بالأسود لاتفوتكم وغيرها...
ولاتنسون أنت والعايلة الكريمة تتصورن معهم وفي مدينة ألعاب إلكترونية ولاتنسون تتصورون في الماكينة اللي فيها جهاز بالعملة وتختارون رسم وإلا صور عاديه والرسم أحلى طبعا .....
ولاتنسون تأخذون من كل فندق دفاتر السياحه لو طلبتوا بيعطونكم وأنتو تختارون اللي تبونه من أنشطة ...
ولاتنسون في كيب تاون في حديقة الورد تجنن .... وأنصحكم بأخذ بكج كامل من الخطوط الإماراتية ... وبالنسبة لفندق الكيب تاون سكنا في The Red Carnation hotel in Cape Town كان شي حل مره وطل على البحر وراح تستانسون في الخدمة وكل شي والفندق في سن سيتي أنصحكم ب ذا بالاس وراح تدعوا لي إن شالله ويعجبكم ....وحتى فيه غابات تجنن مره وشاطي صناعي بحيرة والعاب مائية واتنمى إني قدرت أفيدكم وأساعدكم قدر المستطاع والله يوفقكم ويسهل عليكم وإن شالله تستانسون ..........
أرجو منكم الدعاء لي بالذرية الصالحة ويسخر لي ربي زوجي .... الله يوفقكم ويخليكم لبعض

-' + '->ابلغ عن اساءه

12-12-2022 - 10:56 pm

الله يرحم والديج ويخليلج زوجج ويرزقج بالذريه الصالحه اللهم امين
ماقصرتي والله كفيتي ووفيتي وعندي سؤالين ...
السؤال الاول.
يعني كم يوم اقعد في كيب تاون عشان الفها كلها وجم يوم بالصن سيتي
وهل اروح كيب تاون والصن سيتي فقط واللا في مناطق حلوه بعد وجم يوم يكفيني؟؟؟؟؟
السؤال الثاني..
موضوع الامان في جنوب افريقيا سمعت ان الدوله مافيها امان ؟؟
وشكراا

-' + '->ابلغ عن اساءه

12-12-2022 - 11:57 pm

الصن سيتي يكفيها من يومين الي ثلاثة......الكيب تاون احس اقل شي من اسبوع الي عشر ايام وممكن تروح للقاردن روت مدن زي الريف جنب بعض يبيلها تقريبا من ثلاث الي اربع ايام .......
الامان في جنوب افريقيا جدا عالي وخاصة كيب تاون اما صن سيتي فهي منتجع مايدخلة الا الحاجزين فية يعني السيكيورتي مية بالمية..جوبيرج هي الي شوي لك عليها بالامان وعموما الواحد ياخذ حذرة ومايطلع في الليل..

كيب تاون المسافرون العرب

السفر الى جنوب افريقيا ارجو المساعده