elsherog
03-01-2022 - 03:59 am
مراحب
اخواني انا رايحه باريس يوم 8 نوفمبر وراح اسكن بمنتجع الماريوت الف=قريب من دزني وهناك العديد من الاسئله
كم المشوار من المطار الى الاوتيل وكم راح ياخذ التاكسي
كم المسافه بالمترو من الاوتيل الى الشانز وماهي اقرب محطه واي خط اخذ للوصول للشانز
وماهي المحطه اللي عند الاوتيل
وكيف اوصل من الاوتيل الى ديزني
وماهي الاماكن القريبه الى الاوتيل وكيف الوصول لها يعني ماودي كل يوم اروح لشانز؟؟؟؟؟؟؟
بليز ابي الاماكن اللي حول الاوتيل وهل المنطقه امنه ؟؟؟؟؟؟؟؟؟؟
عزيزتي . ما حبيت امر بموضوعج بدون لا ارد ... انا مو خبيرة في باريس بس لأن توني راجعه من يورو ديزني راح اقولج عن تجربتي
بالنسبة للمشوار من المطار الى الفندق :
احنا بس وصلنا مطار شارل ديغول سالنا الاستعلامات عن الطريج الى ديزني , قالوا لنا في طريقتين اما غن طريق الباص أو المترو لأن التاكسي وايد راح يكلفج
بعدين قالوا لنا ان المترو يطول لأن يوقف باكثر من محطة , علشان جذي خذينا الباص.
الباص وايد حلو وسهل ما يبيله شي, تروحين عند ماكدونالد الي داخل المطار , هناك يمه بوابه توقف عندها باصات مرسوم عليها صور ميكي ماوس , تركبونهم وبعدين راح يمشي فيكم الباص شوي وينزلكم مكان قريب بالمطار علشان تقصون التذاكر وتركبون اغراضكم والجنط في الباص بعدها يمشي فيكم تقريبا 40 دقيقة وراح تشوفون يورو ديزني من بعيد وينزلكم عند كل الفنادق القريبه من يورو ديزني.
انا ماني عارفه فندقج هل يعتبر من الفنادق الي يم ديزني والا لأ