اندونيسيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Big Boss B
27-11-2022 - 01:07 pm
  1. السلام عليكم ورحمة الله وبركاته


الي جميع الاخوان في بوابه الوناسه وبوابه الفرح والمرح بوابه اندونيسيا

السلام عليكم ورحمة الله وبركاته

احب في موضوعي هذا ان اقدم لكم بعض الصور والتى وجدتها في الجهاز وانا اقلبه هذه الصور تذكرني برحلتي الى العمه في عام 2001 م يعني تقريبا قبل اربعه سنوات وكانت من اروع رحلاتي التي صاحبتها العديد من المغامرات طبعا هذا السبب الاول.
السبب الثاني هو تنشيط البوابه لانه وفي الاونه الاخير كانت اغلب المشاركات او المواضيع هي عباره عن اسئله واستفسارات :112: :112:
قبل ما تشوفوا الصور لازم تعرفوا كيف كانت فكرتها
اثناء تجولنا داخل حديقه الحيوانات ( سفاري ) في بنشاك طبعا اكيد بالسياره
وبعد ما شوفنا الحيوانات من جميع الاشكال زي هذه القطط
وهذه البطه الرائعه
وهذا الطائر الملون ( مش الجريح )
و بعد ما انتهت الجوله بالسياره نزلنا علي رجولنا وذهبنا الي العروض وبعد انتهينا من مشاهدة العروض اتجهنا الي الحيوانات الموجوده داخل الاقفاص الزجاجيه ( والله ما ادري كيف كتبت زجاجيه )
عندها لفت انتباهنا هذا الشئ الموضح بالصوره
وشويه الا هذا الاندومي جاء طاير واتجه نحونا وسالنا هذا السوال :
هل ترغبون بمشاهدة فلم مرعب ؟؟ !! ( باللغه الانجليزيه)
قلنا وبكل اندهاش ( سجاهي ورفقائه ) : ايوه ايوه ! ! !
قال يالله :
وعلي طول وبدون تاني دخل اخونا الاندوي الي القفص وفرد هذاك الشئ والذي يتراوح طوله ما بين 7 الي 8 اقدام
وبعد كذي قام بادخال دجاجه الي القفص وبدا الفلم والذ بلغت مدته حوالي العشرون دقيقه ونحن نشاهد هذا الفلم علي الطبيعه وبدون ملل ولا خوف
والان سوف ادع الصور تتحدث عن نفسها ( مسوي ثقه )
وفي النهايه اتمني ان يكون الموضوع نال اعجابكم واسفين علي الاطاله بس الموضوع اجبرني
ودائما نقول :
اذا كنت ناوي سفر لا تفوتك المغامره
تحياتى
:
:
:
:


رحلتي الى اندونيسيا
التعليقات (9)
alam
alam
يا ساتر عليه
الظاهر لو قدامه بقره ماعنده اي مشكله ... يبلعها
انا لو مكانك كان عطيته بيبسي يهظم شوي عقب هالكنتاكي
يعطيك العافيه اخوي صور ممتعه فعلا

الطائرالجريح
الطائرالجريح
اخوي سجاهي
موضوعك جميل و شيق و مرح كمرح بلاد الاندومي
ايش اخبارك اول .. و ايش جديدك ؟؟؟؟
ليكون مروض ثعابين من ورانا ........
ترى الطائر مو أنا بس يشبهني .....
قبل ما تفتح الصور أقول في نفسي .. ايش قطط ؟؟؟
اثاريها قطط .. بس من اللي تخربش .. و ياليت على
الخربشة .. زين لو طلعت و لسه عايش ......

!MaJeD!
!MaJeD!
الله يعطيك العافيه اخوي على هالصور..
من جد شوقتنا لديرة الأحباب..

بارون
بارون
تصدق احلى شي بالصور هذي انك ذكرتني برجيل الدجاج ... شف رجيلها قبل يبلعها الثعبان ......( وجبه لا تنسى هناك )
يعطيك العافيه
ودقنا الشوق يا سجهاي

Broncos
Broncos
sjahi
الله يعطيك الف عافية يالغالي .... والله انك صادق اليومين هذي مافي اسئله وانت ماشي ....
ومشكور على الفلم المرعب ....
بس والله ذكرتنا ..... ايام ........ الله يعيدها على خير .....
وهذي مشارك معاك يا sjahi لمجموعة صور لتمان سفاري وفيها نمور .... وينك يا ماشMaCaNان تجي تشوف الي انا اشوفه ...
طبعاً للمعلومية ان معنى ( ماشان ) بلاندونيسي يعني نمر ....

بس مين يقولي الصوره هذي وين بالتحديد .... نشوف مين الي ذاكرته قويه

هذا ماشMaCaNان ...... كان مستحي من التصوير ...

يغريك انه طيب .... بس يبيك تنزل من السياره .... والله ينتفك

يقولون ان النمر الابيض من النوادر .... وهذا واحد منهم

يا روحي يا ثقل ..... يا ماشMaCaNان

هذا ولدعم ماشان الصغير من الرضاع .... بس مدري وشفيه مستنزل عليهم ذاك اليوم
تحياتي للجميع ... وخاصة لحبيب قلبي ماشMaCaNان
اخوكم
برونكوس

مـاشـMaCaNــان
مـاشـMaCaNــان

تسلم ويعطيك العافيه والله يا ................
لحظه بنسخه ,,, حسبي الله عليك انت واسمك مترتنا :112:
sjahi
احسنت عزيزي بتلطيفك الجو بهالصور الجميله .. الا الاخيره اللي تكسر الخاطر
ويا كراعينها .. واحد حنش قاسي .. متوحش .. ياويله من الله
تصدق sjahi .. ياليتك منزل الصور من بدري .. عشان نشوف " البارون والقنيط "
مانشوفهم الا لما ينزل صور ..
يا يغيبون سوا :sofa: يا يطلعون سوا.. :sofa:
تقل ساكنين بعزبه وطالعين يتعشون بخاري
شكلهم الاثنين قاعد يطبخون خيانه على نار هاديه ..
وطنننق الا وهم يسلمو علينا من الدور الرابع في الاتريوم
حبيب قلبي Broncos
اش هالصور المرنتكه .. اجل كيف لو اوريك صورتي يوم نزلت
اعض اذن اكبر واحد فيهم اللي فوق السقاله .. والسواق يصيح :
لا مافيه كدا .. انا هوف سياره ياكل اسد ..
saya jagoan تبادلني الاسامي يخوك .. ترى ماني بسهل
بعدين تعال Broncos انت عام كم ماخذ الصور .. كفشه
اثرك من ايام البيجر وانت تروح هناك ..
مسكين حالنا .. مانجي عندك شيء .
تحياتي للجميع

عاشق اندونيسيا
عاشق اندونيسيا
الله عليك اخوي sjahi
بلفعل شغل ينشط الواحد
ورجعه للزكريات الجميله
احسنت وبارك الله فيك

Big Boss B
Big Boss B
السلام عليكم ورحمه الله وبركاته
والله معليش علي التاخير لكن هذه العمل
alam
الله يسلمك وتري الموقف ما يحتاج بيبسي يحتاج ليمون
وشاكر مرورك
الطائرالجريح
يا هلا والله بمترجمنا الغاليوهذا بعض من ما لدينا
و تريماكاسي علي مرورك يالحبيب
قنيط
من جد شوقتنا لديرة الأحباب..
والله الهرجه فيها انه وعلي العموم نتمني لكم رحله سعيده
وشاكر مرورك
saya jagoan
الله يسلمك وان شاء الله تروح علي خير وتري الديره تنادينا تنادينا
ونورتنا بمرورك يا عسل
Broncos
وبصراحه صور روعه
والاروع مرورك يا قمر
اعتقد انها صوره في سفاري صح صح
ماشMaCaNان
يا اخي والله اسمي سهل جدا هداك الله
( سجاهي سجاهي سجاهي )
اما بالنسبه ل البارون والقنيط اكيد في عندهم هروج وعولوم زينه
عاشق اندونيسيا
يا هلا والله وحياكم
واهم شئ هو مرورك يالغالي
هذا والحمد لله ان الموضوع نال اعجابكم والف شكر لجميع الاعضاء من شارك منهم ومن اكتفي بالمرور
تحياتى
:
:
:
:

mishariii
mishariii
sjahi
يعطيك الف عافيه على هيك فكره


خصم يصل إلى 25%