الحقيقه هذي اول مره اخطط فيها لزياة امريكا فحبيت اني اروح اماكن وايد وكل مكان حابه اروح له اكثر من غيره يعني شرق وغرب و هاواي اللي معذبتني خصوصا اني احب سياحة الجزر ولازم احتاج لي كم يوم فيها
تخطيطي مبدئي وهو ان كل مكان اروح له خط واحد يعني ون وي لا رجعه عشان ما اخسر وقت خصوصا اني مابي تكون رحلتي طويله لان عندي ارتباطات كثيره و اذا قدرت اقلل من الايام بحيث انه يمديني اشوف المنطقه واشبع منها ارحب بكل الآراء اللي كلها راح تكون بالنسبه لي مفيد
اولا راح اسافر عن طريق كي ال ام بحرين امستردام و ابات ليله لان زوجي ما يقدر يواصل يتعب و نفس الشي بالرجعه
وبعدين امستردام اورلاندو 6 ليالي لانها اول محطه لنا و فرق التوقيت يحتاج وقت للتاقلم

• اورلاندو لوس انجلوس 5 ليالي
• لوس انجلوس هاواي 5 ليالي
• هاواي سان فرانسسكو 4 ليالي
• سان فرانسسكو نيويورك 4 ليالي

وبعدين امستردام و ليله للراحه و بعد هذا الى ديارنا سالمين غانمين فكرت بالفنادق مبدئيا بس ابي رايكم في خط الرحلة و حتى خطوط الطيران متوفره و حصلت سعر بس حبيت اعرف رايك اذا بيكون مناسب ام لا خصوصا اننا اثنين ماحنا ماخذن الولد معانا ههه الله يخلي لي امي وهذي سبب يخليني ماقدر اطول ولا اقدر اتنازل عن المناطق المذكور و على فكره زوجي من النوع الملول يعني كل 3 ايام مكان غيره ,, ملاحظه تراني ابي اروح الشرق والغرب ابي تكون زيارتي شامله عشان بعدين اقرر اي مكان اطيح فيه اكثر كل سنه واتشعب فيه