أفضل طريق
ترفع السماعة
وتحجز على الخطوط السعودية
هذه نصيحتي

ماقصرت بس بنروح بالسيارة ومعانا اغراض وشكرا

الطريق الله يسلمك شوي بعيد وعندك خيارين

الخيار الاول هو :
1- الرياض القصيم -طريق معروف لمعظم سكان الرياض 330 كيلو سريع
2- القصيم حايل طريق جديد وسريع اعتقد 260 كلم
3- حايل - الجهراء 312 كلم مسار واحد بس الطريق غير ممل لتنوع التضاريس
4 الجهراء - تبوك 380 كلم معظمة خط مزدوج لاباس بة

الخيار الثاني قبل لاتجي حايل تلاقي مفرق لطريق الجوف
وقبل الجوف تمسك طريق تبوك وراح تقاطع مع الطريق الاول قبل تبوك بمية كيلو

الطريق الثاني انا ماجربتة بس حسب معلوماتي اطول شوي من الطريق الاول

اتمنى مشاركتي افادتك

واتمنى لك سفر سعيد واقامة ممتعة

فيه طريق من الرياض الى المدينه ومن المدينه الى تبوك\\


والطريق كله سرييييييييييييييييييييييييع

فيه 3 طرق:

الاول الرياض- القصيم- المدينه المنوره-تبوك طبعا سريع من اوله لاخره.يعتبر الطريق الاطول مسافه صح سريع بس اشوف انه بعيد لانك تمر المدينه.المسافه اطول من الطريق الثاني والثالث.

الثاني الرياض- القصيم-حائل-تبوك من الرياض للقصيم سريع 350 كيلو ومن القصيم لحائل سريع 240 كيلو
ومن حائل لتبوك 665 كيلو طبعا من حائل للجهراء سيد واحد تقريبا 330 كيلو ومن الجهراء لتبوك سريع 335 كيلو
المجموع 1255 كيلو تقريبا, حاول تمشي من حائل للجهراء بالنهار لانه سيد واحد واحسن لمشاهدة التضاريس,أنا
فصلت هذا الطريق لاني مشيت معه. يعتبر الطريق الاقصر مسافه.

الثالث الرياض-القصيم-حائل- الجوف-تبوك من الرياض للجوف سريع ومسافته 940 كيلو ومن الجوف لمفرق الطرق السريع حق
الجهراء تبوك سيد واحد تقريبا 230 كيلو ومن المفرق لتبوك تقريبا 110 كيلو. ملاحظه عب بنزين من القصيم وعب بنزين
من حائل.

الاطوال صحيحه والمسافات تقريبيه.

اتمنى اني افدتك, والله يعين المشوار بعيد وتاصل بالسلامه.باي

اختلف معك اخوي شوي بالنسبة للطريق الاول

من المدينة الى خيبر سيد واحد 170 كيلو وطريق مزحوم ويحتوي على منعطفات كثيرة

من خيبر الى الجهراء برضو غير سريع بعضة مزدوج وبعضة سيد واحد

من الجهراء الى تبوك مزدوج وليس سريع