أحبّتي أعضاء هالمنتدى الجامع
اشتقت لكم
ورجعت لكم بتقرير سريع، مهضوم، كأنّه كوب رمّان،،، يعني ما في شرح ولا وصف ولا سرد ولا قصص وخيال متل ما عوّدتكم بتقاريري السّابقة لأنّي بكلّ بساطة تعبانة وما إلي جلد لا أحكي ولا فصّل...
شو بتعمل إذا كنت زهقان، ومن ارتفاع الحرارة تعبان، ومن عجئة بيروت مخنوق وطفشان، ومن قطع الكهرباء بعزّ الحرّ، من حكومتك قرفان!!!
إيه برافو عليك بتهرب من السّاحل للجبل ولا بتكون ندمان ... وهيدا لي عملته بيوم من الأيّام، لمّا حسّيت إنّي خلص مش طايقة هالجو السّهتان، قصدت الشّوف أجمل مناطق جبل لبنان، وما كانت المرّة الأولى لي بزور فيها هالبستان، بس الطّبيعة فوق جنان، وما بين بيروت والجبل شتّان...
وشي وصلت استقبلتني مغارة كفرحيم من بقايا الزّمان، وعا إبداع ربّاني عزمتني فوت فصارت ترفرف العينان، ومن الانبهار صرت عضّ عالبنان، خوتني الكلس لي راسم وجوه أشكال وألوان، ونأزتني التّفاصيل الغريبة لي مزيّني هالمكان، وكان رح يغطّ عا ألبي أدّ ما استصغرت الإنسان، من كلّ لي شفته اقشعرّت الأبدان،،،
يا ربّ سبحانك يا خالق الأكوان...
أتمنّى ما تكونوا حسّيتوا بالتّوهان، وبشوفكم بكرا مع منطقة جديدة من الشّوف على خير وأمان
تحيّاتي لكم من لبنان
العملية فعلا تحسنت كتير كتير أوي
مش تقرير وبس
دا فيه صور زي الفل ماشاءالله
والكلام الي مع الصور !!!!! ايه الحلاوة دي دا شعر ولا نثر
زي العسل
وكل سنة وحضرتك بخير
الف شكر عالتقرير الرائع فعلا رائع
وماتقطعيناش
والف الحمدلله عالسلامة