السلام عليكم ورحمة الله وبركاته
احباببي الكرام
جاء تعاقدي بنظام الساعات على مدينة الأفلاج
وين تقع ؟؟
أقرب مطار إليها ؟؟
من وين أجيها من البر عن طريق الجنوب أبها ؟؟؟
أرجوا موافاتي بالمعلومات الله يجزاكم الخير
وابغى نصيحتكم

وعليكم السلام ورحمة الله وبركاته
مدينة الافلاج لا يوجد بها مطار حسب علمي وتقع جنوب مدينة الرياض وتبعد عنها 300 كم تقريبا واهلها طيبين وكريمين وتشتهر بالزراعه
اما بالنسبه للطريق هي تقع على الطريق بين الرياض وابها والمرور لها عن طريق وادي الدواسر والطريق مزدوج
أبها (الخميس) -----------------> تندحة -----------------> طريب -----------------> وادي الدواسر -----------------> السليل -----------------> الأفلاج ----------------->الخرج -----------------> الرياض
ممكن تشوف هذي الروابط ان شاء الله تفيدك وانتبه من القياده بالليل لوجود الابل السائبه الله يحفظك ويحميك
https://artravelers.com/p/re/124647
بالتوفيق

يالغالي تتحرك من جنوب السعوديه بالسياره الى قبل الرياض بثلاث ساعات سوف تجد لوحه عليها الافلاج واتبع التعليمات أما بالنسبه للسكن اتمنى تسكن في شقق مفروشه وتكون قريبه من عملك أريح لك من الدوران والبحث
عن شقه ومنها تتعبك ماديا ً من تاثيث وخلافه شقق مفروشه كل شهر تسدد لهم من الراتب اللي راح تتقاضاه من عملك افضل لك لأن شقق الافلاج رخيصه وكل شهر يمكن راح تحسب عليك الالف ريال شهريا ً والله اعلم بس اهم شي تكون قريبه من جهة عملك ويكون دوامك على رجولك أكرمكم الله لأن شقق الرياض المفروشه بالشهر تقريبا ً
حوالي الثلاثه الآف ريال وأقل على حسب نظافة الشقق بعضها بالشهر الفين ريال وبعضها الفين وخمسمائة ريال
ويارب تتوفق بوظيفتك ويرزقك الرزق الحلال وفقك الله لما يحبه ويرضاه

الأفلاج تقع بين محافظة السليّل وحوطة بني تميم ع الطّريق السريع
وتبعد من السليّل قرابة 220 كيلو تقريباً
ومن الحوطة 120 كيلو تقريباً
وأمّا الطريق من أبها
ف بالتسلسل
أبها , خميس مشيط , طريب , المضّه ( ليست محافظة) , الصبيخة (ليست محافظة ) , تثليث , ومن تثليث إلى وادي الدواسر 180 كيلو , ومن الوادي إلى السليّل 70 كيلو , ومن السليّل ل الأفلاج 220
وأتمنّى إنّي أفدتك

اخي الغالي
الشباب ماقصروا في وصف الطريق لها
انا تعينت فيها عام 1424
بصراحة اهلها اخلاقهم عاليه وطيبين
بس خلك بالسليم لانهم مايحبون الغلط
بالنسبة للسكن : عندهم شقق مفروشه وغير مفروشه والخيار لك نظام الدفع (مقدم 6 شهور وبعد الانتهاء ايظا مقدم 6 شهور الاخرى )
السكن رخيص ممكن الشقه الغير مفروشه من 3000 الى 5500 ريال بالسنه (على حسب خبري)
ابي اوصف مكان للسكن : نظام غرف ممكن يعجبك
من عند الاشارة اللي عند ثانوية ليلى وانت واقف عند الاشارة خلي الثانوية على يمينك لف يمين وسيدة الى مايجيك دوار خذ الدوار وسيدة يجيك مجمع على اليمين فيه سوبر ماركت ومحل للمياه وبوفيه
الغرفه مع دورة مياة بها سرير ومكيف ب 350 ريال بالشهر المسؤؤل عن السكن عامل موجود في محل المياه اللي بأسفل العمارة
اخوك / عطر الشمال

رحآله نجد, وايرلس, وادي الغلا, عطر الشمال, يعطيكم الف عافية وما قصرتم والله يجعلها في ميزان حسناتكم.

ماقصروا الاخوان جاوبوك على قد سؤالك
ومبروك التعيين مقدماً
لكن ماقلت لنا وين توظفت بالضبط لأن الافلاج محافظة
والمدينة الرئيسية أسمها ليلى طبعا فيه قرى كثيره منتشره حواليها ممكن بعضها يوصل ل 120 كليو
ف اذا كنت في ليلى ف كويس
اما اذا كنت في احد القرى ياليت تقول لنا اسمها على شان نحدد لك موقعها
والله يوفقك مقدماً
سلام

الله يبارك فيك.. الحمد لله في ليلى وفي متوسطة احد.
لكن بغيت اسئل عن شقق مفروشة قريبة من المدرسة اذا عندك خلفية عن المكان,طبعا ابي غرفة لاني بسكن لحالي(اعزب) وبجي يوم الاربعاء او السبت ان شاء الله.
شاكر مروررك واهتمامك بالموضوع...