علي ابونواف
06-10-2022 - 12:08 pm
مرحبا رواد هذا المنتدى الرائع
ان شاء الله كلكم بخير وعافيه
بصراحة ودي اسأل عن شاليهات قرية الثمامة وش رايكم فيها
وهل أحد فيكم جربها ؟
ياليت اللي جربها يعطينا فكرة عنها من حيث الأسعار وكيفية نضامها يعني فيها مسابح خاصة والا لأ ؟ كيفية الحجز ورقم اتصالهم
والذي منه يعني
وشكراً
أهلا بك اخي الكريم ،،
بالنسبة لشاليهات الثمامة انصحك بها وبقوة ،، طبعاً انا زرتها في الصيف والفعاليات وكل شي فيها روعه،،
هي قرية محافظة ،، يعني ترتاح فيها مره ..
فيها شاليهات وفيها جلسات وفيها مساحات خضراء.
الشاليهات فيها كبير وفيها المتوسط ، واظن كلها فيها مسابح ،
تصميمها على الطراز القديم (شعبي) ،
شروطها :
ممنوع العباية غير الشرعية مثل ( عباية الكتف)
ممنوع اللبس الغير محتشم سواً لرجال او النساء
الدخول فقط للعوائل
ممنوع دخول العائلة اللي اكثرها شباب.
هذا اللي يحضرني ،،
فيها العاب كهربائية وفيها قرية ثلج وفيها مسرح يعرضون فيه نجوم المجد يومياً ( في الصيفية الحين ماادري)
وفيها جلسات ب 150 ريال تقريباً ، مطلة على المسبح الرئيسي .
هذا اللي اتذكر ، وتمنياتي لك بالتوفيق .