الرياض المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
wajeehsa1
07-10-2022 - 07:09 pm
الإخوة الرائعين بدون منتدى العرب المسافرون .. ها أنتم تزداد روعتكم في عيني كلما دخلت إلى هذا المنتدى ..
احتمال أن يتم توظيفي في جامعة الملك سعود لعدة أشهر -ممكن 5-8أشهر- .. وبالتالي سأعيش في الرياض هذه الفترة وحيدا -شاب أعزب- .. .. دعواتكم ربي يتمم على خير
ماهي مقترحاتكم بخصوص السكن؟؟؟ علما بأن ميزانيتي كأي انسان عادي .. ولا أشترط الفخامة ولا الأكل ولا خط تلفون ولا ........ أهم شي نظافة معقولة ووايرلس وغرفة واحدة بحمامها تكفيني وحبذا لو مغسلة قريبة و ...
هل هناك شقق صغيرة أو غرفة أو .............. .. مثل الأجنحة الفندقية أو الشقق المفروشة المنتشرة في الرياض حسب مايقولون
وهل ممكن إني أفضي عفشي في كل نهاية أسبوع بحيث أدفع قيمة إيجار 4أيام فقط؟
أتمنى ذكر عدد من الأحياء والطرق القريبة من جامعة الملك سعود .. لأني لا أعرف الرياض جيدا .. وما هي الأحياء التي تنصحوني بها؟
اللهم اقدر لنا الخير حيث كان ثم رضنا به .. وجزاكم الله خيرا


التعليقات (9)
wajeehsa1
wajeehsa1
ياحيايب .. فتحت اللابتوب خصيصا من أجل أن أرى مشوراتكم التي لا أستغني عنها أبدا

sas515
sas515
wajeehsa1
مرحبا
حي الرائد جنوب الجامعه
حي المحمديه شرق مدينه الملك عبدالعزيز
حي الرحمانيه
حي النخيل الغربي
عرقه
طريق الامام محمد حي الملك فهد بين شارع العليا وطريق الملك عبدالعزيز يوجد شقق مفروشه
انا اشوف الدرعيه قريبه من الجامعه وممكن اسعارها اقل من الاحياء اعلاة والدخول لها والخروج منها سهل جدا
اخوك ,,,, ساس

AL-MOHB
AL-MOHB
الله يوفقك ياخوي
وبالنسبة لشقة عليك بمكاتب العقار
المحيطه بالجامعة أو الحي الي تبي تسكن فيه
أو تبي نصيحتي مادام توك جديد
تسكن بشقق مفروشة إجار شهري
ولو تبي نصيحتي بعد أكثر أبعد عن الأحياء الغاليه
وجب سيارتك ولا اللموزينات والله راح تفلس جيبك
والله يوفقك

wajeehsa1
wajeehsa1
sas515
مشكور أخي ساس .. لك العرفان مني ..
بانتظار المزيد من النصائح!!!
وسأظل ممتنا لكم

تولعت بكـ
تولعت بكـ
اولا الف الف مبروك على الوظيفة والامانه في عملك والاخلاص قبل كل شي ...
لو تسكين على طريق الملك عبدالله زين تراه وهو بعيد شوي بس الطريق سريع وفيه شقق عزاب واجد قدام كلية الامير سلطان الاهلية عند الممشى روح هناك وتحصل ان شاء الله المكان زين وكلش قريب منه

wajeehsa1
wajeehsa1
تولعت بك
باركتيلي ورلسه وماتم اختياري نهائيا .. ربنا يسمع منك
شكرا على معلومتك .. جزاك الله خير ..

wajeehsa1
wajeehsa1
افا .. ياجماعة الربع

الجريذي
الجريذي
السلام عليكم
الف مبروك الوظيفة
اولا الجامعة تقع على الدائري الشمالي مخرج 2 وانت جاي من الشرق بالنسبة للسكن الافضل الدرعية تبعد عن قلب الجامعة تقريبا 15 دقيقة بس الدرعية تعتبر مثل القرية بعيدة سو عن الرياض والاسواق والاماكن العامة بس هي افضل شي من ناحية السكن والرخص في الايجار او عندك طريق التخصصي او الملك عبدالله او الملك خالد او الملك فهد بس مو بعيد عن الجامعة لان الطريق الصباح يوقف والا عندك الدايري الشمالي مخرج 5 حي راقي وجديد واسمة حي المروج واتوقع انه مو غالي او حي الصحافة بس بعيد عن الجامعة شوي تقريبا 25 دقيقة وتوصل قلب الجامعة واذا تبي بعد افاداتي بلغني
والله يوفقك ..

wajeehsa1
wajeehsa1
الجريذي
وعليكم السلام.. عسى تبريكاتكم للوظيفة تكون في محلها يارب.. الله يبارك فيكم ويتمم لي موضوع الحصول على الوظيفة.
شكرا لك أخوي على ملاحظاتك واذا تم موضوع الوظيفة خلال الأيام القادمة محنستغني عن خدماتك أبدا


خصم يصل إلى 25%