- السلام عليكم ورحمة الله وبركاتة
السلام عليكم ورحمة الله وبركاتة
.أولآ حبيت أعتذر عن التأخير في كتابة التقرير لأسباب خارجة عن أرادتي :55654: .وأحب أشكر جميع الخبراء والأعضاء الأعزاء الي ساهمو في قضائي أحلا أجازة في حياتي . المهم احب ابدا بتفاصيل الرحلة الي من جد من جد من أحلا أجازاتي و مهما تغزلت في هالوردة ماراح يكفيها :smile127: . الي عشقتها من قبل ما أروح لها من كلام أصدقائي عنها وعن جمال الطبيعة فيها وعن تعامل الناس :gathering , ووروني بعض الصور عنها وزاد عشقي لها وحماسي لزيارتها هذا المنتدى الي أعتبرة أكثر من رائع من جميع النواحي ماشاء الله عليكم يالخبراء عيني عليكم باردة تعرفو الديرة اكثر من أهلها و بأدق التفاصيل بصراحة ما قصرتو كفيتو ووفيتو ومهما قلت شكرا لكم على كل شى عملتوه لهذا المنتدى ما هي كفاية. المهم خلنا نبدا بالرحلة شريت التذكرة من مكتب سفريات كانو الواقع في شارع الملك خالد بالخبر وكان سعر التذكرة 3480 ريال على الخطوط السعودية أدري السعر غالي بس أيش أسوي أنا ويا وجهي ما حبيت أروح الا في الهاي سيزن :112: الا وهوا شهر ابريل وكان هذا الوقت بداية الأجازة المدرسية عندهم وكان طق أعصي على الحجوزات بالموت لقيت حجز دايركت من الدمام الى مانيلا بعد أنتظار أكثر من أسبوعين على الويتنغ لست لا وهذا أنا حاجز بدري قبل الرحلة بشهر . وأصلا كنت بروح في شهر مارس وكان الحجز متوفر لا وسعر التذكرة كان 2800 ريال بس كذا واحد نصحني وقال اذا تبغى الزحمة والوناسة روح في شهر مايو بداية اجازة ووسعة صدر خصوصا ان عندنا باقي يدرسون وعلى وجه أختبارات . وكان موعد الرحلة يوم الأثنين الموافق 4 ابريل الساعة 10,55 المساء وكنت متحمس كثير لهذى الرحلة وكنت مخطط لها قبل أكثر من ستة شهور وكلمت واحد من الشباب يوصلني للمطار وقلت له 8,30 بالكثير وتكون عندى علشان الواحد ياخذ أحتياطاتة من زحمة السير ومن نقاط التفتيش ومن الوزن الزايد الي عندى لأني أخذت معاي عزبة كثيرة من رز ومعلبات وخلافة لزوم الأكل وكان الوزن حوالي 64 كيلو. المهم خويي الله يهديه ما جالي الى الساعة 9,45 :112: هذا وانا غاثة من الساعة 6 وكل ساعة أذكرة بس أيش اسوي في برودة أعصابة أحر ما عندي ابرد ماعندة بعد ماجالي الأخ متأخر يبتسم ويقول لا تخاف يمدينا نلحق وبعد ما حطينا الشنط قلت له ما يصير لك طيب لو تأخرنا ولا تنزل عن 140 في السرعة وطول الطريق وأنا على أعصابي عين على الساعة وعين على عداد السرعة علشان خويي لايخفف لأني أعرفة مايحب السرعة الزايدة, وما وصلنا المطار الا الساعة 10,30 تخيل وكنت آخر واحد يوصل وكنت على أعصابي وخويي ببرود يضحك علي. بس الله قطني على واحد ابن حلال ما قصر مع أنه لعب بأعصابي وقال قفلنا اول شى , بعد ماشافني مومستحمل مزح قال جيب الجواز وحط أشناطك وشاف عندي وزن زايد بس نفعتني بطاقة الفرسان الخاصة بالخطوط السعودية لأنا لك 10 كيلو زيادة عليها و لك 45 كيلو للرحلات الدولية وزاد عندي حوالي 9 كيلو بس ما قصر مشاها لا والأحلا من كذا نقلني من السياحية الى الأفق وكان المقعد عند مخارج الطوارئ يعني مد رجولك على الآخر لأنا المساحة حوالي متر ونص وما امدى أخذ البورد منه الا وتشوفني اركض وما صدقت على الله اني ادخل الطيارة وماشاء الله على ربعنا أقلعت الطيارة في وقتها وكنت آخر واحد يدخل. وأول ما دخلت الناس تناظر لي منهو هذا الي اخرنا بس ولا أهتميت :whistling انا ما صدقت أني دخلت وجلست على الكرسى المريح ممد برجلي وكان جنبي واحد فلبيني رايح أجازة أسبوعين بس ماسولفت معاه كثير لأنه سمتها نومه طول الطريق :thumb_ico بس ما قصر ساعدني في تعبئة الكرت الصغير الي يعطوك أياه قبل ما تنزل من الطيارة, أما أنا مانمت الا نصف ساعة وقضيت باقي الوقت اتفرج على الأفلام وأتمشه في الممرات وأسولف معا المضيفات :282: ,ووصلنا المطار الساعة 12 الظهر بتوقيت مانيلا يعنى الرحلة أستغرقت 8 ساعات, وبعد ما نزلت من الطيارة مشيت معا الناس لين وصلنا الجوازات وكان تعاملهم معاى زيي زي غيري محد عطاني أي نظرة غلط لا ولا أحد يتشحذك هناك مش مثل بعض البلدان العربية للأسف الشديد أستغلال لأبعد درجة وشحاذةعيني عينك , ومعا ان المطار كان مزحوم مرة بس لاحظت عندهم تنظيم والناس هناك من نفسها منظمين ,المهم وبعد ما خلصت أوراقي وأخذت شناطي وعلى فكرة العربات الى تحط شناطك فيها ببلاش ابد أقرب وحدة جنبك خذها,المهم دورت على أقرب تاكسي وياكثرهم هناك الكل يتهاوش عليك,أخذت من تاكسي المطار وكان ب375 بيسو وكانت الساعة حوالي 12,35 الظهر....................يتبع
أود التعرف على هذا البلد أكثر ..