ماليزيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
أبو سهيل
20-07-2022 - 10:01 am
بسم الله الرحمن الرحيم
الأحبة خبراء ماليزيا أنا كان عندي نية السفر الى ماليزيا ومن يوم عرفت هذا المنتدى أصريت على الموضوع ولكن سؤالي
أنا رحلتي مكونة مني ومن المدام وطفلة 4 سنوات والمدة اللي أبغاها اسبوعين فهل آخذ برنامج متكامل عن طريق مكتب سياحي بالحجز والتنقل والبرنامج الترفيهي والا أحجز الفنادق ولمن أوصل آخذ سائق خاص وأتجول حسب خطتي اللي أبغاها تكفى لاتبخلوا علي وفقكم الله


التعليقات (7)
uae123
uae123
ان شاء الله الخبراء مابيقصرون وبيفيدوونك

صادق الاحساس
صادق الاحساس
حياك
بعطيك الخطة من الالف للياء
1- سوي حجز الطيران قبل كل شيء
2- اقرأ مواضيع المنتدى الخاصة بالفنادق
3- بعد ما تستشير الاخوان في المنتدى حدد الفنادق
4- روح لعدة مكاتب سياحية وخذ اسعار الفنادق منهم
5- بعد ما تحدد المكتب المناسب سوي حجوزاتك
6- ارجع للمنتدى واقرأ المواضيع المثبتة بتكون غطيت 90% من معرفتك لماليزيا
7- اسأل في أي شيء غامض عليك علشان تغطي العشرة في المية الباقية
8- إذا رحت لماليزيا خذ تاكسي حسب طبيعة المشوار والمدينة
في لانكاوي ===== تاكسي بالساعة
في بيننغ ====== تاكسي بالساعة
في كاميرون ====== تاكسي بكج لكل المشاوير
في كوالا ====== لو رايح لسوق او مكان يحتاج جلسة طويلة خذ سواق بالمشوار
لو رايح لعدة تمشيات خذ سواق بالساعة
أتمنى أكون أفدتك

أبو سهيل
أبو سهيل
مشكور والله يالغالي (( صادق الاحساس )) وماقصرت وأفدتني طبعا وسويت زي ما قلت لي وهذا برنامجي ياليت تعطوني رأيكم فيه
1) كوالالامبور( يومين) فندق أستانا
2) فريزر( يوم واحد) فندق فريزر هيل
3) كاميرون ( يومين) فندق إكواتو ريال أو الفراولة
4) جزيرة بانكور ( يوم واحد ) فندق لاوت
5) لنكاوي ( يومين ) فندق بيلانغي بيتش أو لنكاوي لاقون
6) جنتنق ( يومين) فندق جنتنق
7) سنغافور ( يومين)
8) كوالالمبور ( يومين ) فندق رويال

صادق الاحساس
صادق الاحساس
حياك الصريمي
بالنسبة لجدولك أنا أشوف إنه بيكون مرهق لكم
يعني صحيح بتروحون لاماكن كثيرة لكن ما بتلحقون ترتاحون في المدينة
لأن عملية إنك تسافر لمدينة وترجع اليوم الثاني فيها تعب شديد وماراح تاخذ راحتك في التمشية
لأن دايماً حطها في بالك اليوم اللي بتسافر فيه ماراح تقدر تستفيد إلا من نصفه
أنا أشوف لو إنك أول مرة بتسافر لماليزيا ركز على المدن الرئيسية
بحيث تقلل من عدد المدن اللي بتروح لها مقابل انك تمدد فترة ابقاء في المدينة الواحدة
فمثلاً
الغي فريزر وضيف يومه للنكاوي
حاول تزود يوم لكاميرون وتصير يومين
بعدين جنتنج ممكن تخليها قبل أو بعد كاميرون
لأن موقعها ما بين كوالا وكاميرون

alqreen
alqreen
والله انا اقول لك سفرتك هذى كلها شقا المفروض انك ماترهق نفسك انت وعائلتك وخاصه معاك طفل يعنى حلاتها تكون مرتاح اكثر يعنى لاتزحم برنامجك حيل ولنقاوى يبيلها على الاقل 3 ليالى وكولالمبور اقل شى 5 ايام لانه المدام بتعبك فى الاسواق شوى وجنتنق نصيحتى لك خلها زياره بس بدون اقامه لانه فى يوم واحد تكفيك

أبو سهيل
أبو سهيل
خلاص ياإخواني والله ماقصرتم وأنا أخذت بشوركم وبرنامجي النهائي كاتالي تكفى لاحد يطلعلي ويقولي مايصلح ترى أبطل الشغلة كلها
1) كوالالامبور( يومين) فندق أستانا
2) لنكاوي ( ثلاثة أيام ) فندق بيلانغي بيتش أو لنكاوي لاقون
3) جنتنق ( يومين) فندق جنتنق
4) كاميرون ( يومين) فندق إكواتو ريال أو الفراولة
5) كوالالمبور ( 3أيام ) فندق رويال

صادق الاحساس
صادق الاحساس
الصريمي
صراحة برنامجك لازم يتغير
طيب اهدأ ولايرتفع ضغطك وتصير مثل هذا :112:
تراني أمزح معاك وحبيت اقولك برنامج حلو
بس حاول تركز على لانكاوي لاقون واكوتوريال


خصم يصل إلى 25%