الجزر السياحية المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
معالي الوزيـر
04-08-2022 - 09:29 am
السلام عليكم
ماني عارف كيف ابداء الموضوع
بصراحه انا على وجه زواج ولي ما يقارب شهر وانا في حيرة من امري اين اقضي شهر العسل؟؟؟؟؟
امنيتي قضاءه في اوروبا لاكن برودة الجو الكثير حذرني منها وقال اوروبا لا تصلح الا بالصيف
وبعد قراءة اغلب مواضيع الاخوان الذين قضوا شهر عسلهم في المالديف احسست بأعجابهم وانبساطهم بها لما فيها من خصوصيه واهتمام وجمال الشواطئ
لاكن اللي ما اعجبني في المالديف زي شرم الشيخ تكفي لمدة 7 ايام بالكثير لان في بالي اجلس ما يقارب 14 يوم
فأتمنى من الاخوان ذكر لي برنامج في المالديف يتضمن :
الفنادق ال 5 نجوم تستحق السكن - هل يوجد في المالديف مراكز تسوف او بالعاصمة - هل يوجد دولة قريبه منها تستحق الزياره غير التوقف في دبي لاني لا ارغب فيها .
اطلب من الله ثم منكم مساعدتي بسرعة لان هذا الموضوع مقلقني بشكل كبير
واسف على الاطالة
معالي الوزير


التعليقات (9)
عنود الرفاع
عنود الرفاع
اخوي نصيحه اخت المالديف تمر عليها وتروح شرق اوربا اما انك تقضي 14 يوم هناك راح تمل مافيها شي نهائيا !!!!!!!!! اوربا بالشتا حلووه اذا بتروح الجنوب الفرنسي مو برد وايد بالعكس وناسه وحلوه

طائرالصنقنق
طائرالصنقنق
حاول تقسم الفنره مابين المالديف وماليزيا

الـذيـب
الـذيـب
مبروك عليك الزواج مقدما
شوف , حسب قرائتي للمواضيع اللي في المنتدى اقدر اقولك ان المالديف من اروع الاماكن لقضاء شهر العسل فيها
فيها وايد فنادق 5 نجوم و كل و احد احلى من الثاني و انا اشوف كونراد و w هم من اجمل الفنادق هناك
طبعا حدها 5 ايام و ما تنفع حق مراكز و اسواق , و تقدر تاخذ باكج من شركة الطيران و هم يرتبولك كل يوم شي جديد
و السموحه ع الاطاله , بس لا تفوت الفرصه اخوي , احجز و اتوكل وان شاء الله ما تندم

V.I.T
V.I.T
مافيها مراكز تسوق .. الا اذا فتحو في جزيرة مالي
بس في الجزر مافيه الا منتجعات طبعا لصغر حجمها مافيها مراكز تسوق الا يصير محل واحد بس يبيع بعض القطع كتذكار من الجزيره و شفت في مدري اي منتجع بالمالديف محل يبيعون فيه شغلات للبشره مثل واقي شمس وغيره
انا مارحت بس من خلال قرائتي لتقارير الجزيره واستفسارات الاعضاء

معالي الوزيـر
معالي الوزيـر
عنود الرفاع
شكراًً لك اخت عنود على الرد وتعاونك معي
انا ماراح اقضي ال14 كلها في المالديف وذكرت حسب كلام الاخوان انها مثل شرم الشيخ حدها 7 ايام
قصدي اقضي فيها 7 ايام وبعدها اروح لدولة ثانية
بالنسبة لاوروبا قريب لي كان عايش في مرسيليا 8 سنوات وذكر لي مليون مره ان اوروبا ما تصلح للخليجيين بالشتاء الصيف افضل بكثير علشان العروض والمطاعم والكوفيات اغلبها ما تفتح الا بالصيف
واشكر باقي الاخوان على ردكم وتعاونهم

V.I.T
V.I.T
7 في المالديف و7 في استراليا شرايك يقولون حلوه
روح سنغافوه هم يقال انها حلوه ومسلمين يعني تاكل وانت مرتاح
بالنسبه للخمس نجوم كونراد رانجالي >>فيها مطعم تحت البحر و دبليو و فورسيزون

جلال7500
جلال7500
شوف يالغالي
احسن شي في استشارة الاعضاء هو انك تاخذ صورة متكامله لان اختلاف الآراء يولد الافكار
رحت اوروبا ورحت شرق آسيا وباين من كلامك انك تفضل شرق آسيا
المهم ....
احجز منتجعين في المالديف واحد 4 ايام وواحد يومين ولو تبي نصيحه مني احجز اربع ايام او خمسة في منتجع واكمل باقي الاجازه في ماليزيا
ماليزيا فيها جزر وفيها عاصمة عالمية تنتهي الاربع عشر يوم وما تنتهي الوناسه فيها
يعني تروح للماديف استجمام وشهل عسل وخصوصية ومن ثم تاخذ طيارتك لماليزيا وتتمتع بامجمعات والمطاعم والاماكن السياحية الجميله هناك
المالديف لايوجد فيها الا المناظر البحرية والرحلات البحرية ولايوجد فيها تسوق بمعنى التسوق
لكنها مناسبة لقضاء احلى شهر عسل والمنتجعات كثيرة وتقدر تدخل على موقع آسيا ترافل وتختار المنتجعات الخمس نجوم والاربع نجوم لانها تتساوى في كل شي
وتقدر تاخذ بحث في هذا المنتدى حول رحلات الاعضاء
ومن ثم تذهب لماليزيا لان سنغافوره حدها 3 ايام وتخلص كل شي فيها
بين ماليزيا والمالديف ساعتين ونص طيران تقريبا

معالي الوزيـر
معالي الوزيـر
تسلم اخوي جلال
يعطيك الف عافية وماقصرت يالغالي
انا اتمنى اروح اوروبا لاكن برودة الجو هي اللي منعتني
والخطة اللي الى الان انا عليها اني اروح للمالديف تقريباً 4 الى 5 ايام في منتجع واحد
بعدها اروح لتايلند اكمل فيه لان الكثير مدحوه لي
والله يكتب اللي فيه الخير ويسهل الامور

بنت الباشا
بنت الباشا
مرحبا اخوي
انسى التسوق في المالييف وعيش احلى ايام شهر العسل فيه
وخاصه في فندق w
وبعدها اطلع على ماليزيا بس ماعرف اذا في خطوط طيران من المالدييف على ماليزيا
ماليزا للتسوق وفي امكان روعه وتستحق الزياره والجو راح يكون روعه


خصم يصل إلى 25%