mohluv
والله ياخووي أنا في هالمنتدى شفت مواضيع لوايد شباب سافرو بروحهم واستانسو ... خاصة لو كنت في بوكيت لأنه فيها رحلاات خياالية وما تنمل ... بس عاد لو حصلت حد يخاويك أكييد بتستاانس أكثر وأكثر ...

• بطاقة الفيزا عادي استخدمها في بانكوك و احصل اماكن كثير اقدر اسحب منها ولا الافضل اخذ الفلوس كاش ؟؟

والله ياخووي يفضل تاخذ وياك دولارات ...لأنه كل ما سحبت البنك يسحب مبلع من رصيدك ... ونادر ما تحصل مكينة ما تسحب مبلغ من الرصيد ... بس ع العموم البطاقة تشتغل في بانكوك ... بس لا تعتمد عليها ... خذ دولارات أفضل

• كيف الجو بهالفتره ؟

الجو خيالي في هالفترة ... وايد حلو ... والهوا في بوكيت خبال ...
وتقبلو تحياتي
أتمنى أكون ساعدتك ولو بشي بسيط وأتمناالك إجازة سعيدة
تحيااتي
أختك : p!nk zone

mohluv
و للأسف كل اللي اعرفهم ماحد فاضي حتى يسافر معي
وبما إني عزمت فقررت اني اسافر لوحدي
على خير ان شاء الله
علماً انها اول مره اسافر تايلند
و استفساراتي كالأتي لو تكرمتم :

• بتكون حلوه السفره لو رحت لوحدي ؟

ان شاءلله بتكون حلوه وصدقني من توصل ارجولك بانكوك ماراح تشعر انك لوحدك وراح تصاادف الكثير من الخليجين والعرب وراح تتعرف عليهم باذن الله

• بطاقة الفيزا عادي استخدمها في بانكوك و احصل اماكن كثير اقدر اسحب منها ولا الافضل اخذ الفلوس كاش ؟؟

ليس في كل مكان وكل سحبه ياخذون عموله
فاتمنى منك انك تاخذ الكاش افضل من البطاقه وترى الديره امان

• كيف الجو بهالفتره ؟

عجيب يشعلل القلب
وتقبلو تحياتي
بالتوفيق يارب ورحله سعيده ان شاءلله

حياك الله
يا mohluv
و أتمنى إنك تستمتع بالسفرة
باللنسبة لسفر وحدك
عن النبي - صلى الله عليه وسلم - أنه قال في المسافر وحده شيطان وفي الاثنين شيطانان وفي الثلاثة ركب http://www.islamweb.net/newlibrary/display_book.php?bk_no=83&ID=1&idfrom=1&idto=126&bookid=83&startno=49
و أنا متأكد إنك راح تنبسط , خاصة في هالبلد , حتى لو كنت وحدك و حتى لو كانت أول مرة
أحببت أدلي بدلوي و الباقي ماقصروا الأعضاء في الرد

الله يعطيكم الف عافيه يارب
و يوفقكم دنيا واخره
مشكروين اخواتي p!nk zone وليمونه الله يعافيكم
واخي أبو حمد الله يجزاك الخير .......

امنياتي لك بسفرة ممتعة ...وتوكل على الله

طيب انا ممكن اطلع قي 21 /10
وعلى الرحب و السعه اقابلك
وتراي قد رحت لها العام وانبسطت

عزيزي لحالك مانصحك تروح
خاصة فوكت
توني جاي انا وصاحب صحيح وناسه وبقوة
بس صراحه مليت من خشته
احلا شي ثلاثه وانت طالع
اما لحالك واول مره تجيها
صراحه تضلم نفسك
اجل السفرة لين تحصل خوي
واحلا مافي السفرة الخوي الشقردي
الي ينحط على اليمنى
ومن ناحية الفلوس خذ معاك دولارات
ولا تسفطها لانهم مايحبون الدولار المسفط
والفيزا والبطاقات صراحه مارتاح لهم انا
ممكن ماتسحب وتتورط
لكن آمن شي تاخذ كاش وخلك حريص عليهم
تحياتي لك

هلا اخوي الحال من بعضه (وحداني مثلك)
الله يستر علي وعليك ويردنه سالمين
ان رحلتي في 3012 ان شاء الله
بالتوفيق

اخوي متى رحلتك ، انا نوي اسافر تاريخ 29/11 شو رايك