وش ذا 28 زائر ولا واحد صوت او رد ؟افا

يله انا اول المشاركين والمتابعين لي التقرير المثير والغريب في سرده
انتظر منك كل الجديد والمزيد من الحكايات عن ارض الابتسامه تايلند اللي قلبي تولعه فيها
ماشاءلله عليك وعلى دقة السرد
تمنياتي لك بالتوفيق وماعليك بتيك الردود ان شاءلله

ههه
اجل عمره
عزيزي واصل وحنا معاك

1. احمد

.... إنتظرت أحمد حتى خف عليه الضغط شوي بعدين اشرت له وشافني ولزم الا اجي عنده ، انا: هلا ابو حميد كيفك وشخبارك مبارك العشر وعيدك مبارك " كل شي " ، احمد: هلا هلا اكيد زي العادة مالقيت حجز على جدة انت متتذكرني الا في اخر رمضان من كل سنه ، انا : وشو لا لا والله وشو جده لا لا انت قديم خ تعال قرب
بشرق هالمرة ، احمد: ياخي فيه احد يروح دبي في هالحر ، انا: خ ياربي وش اقول اخاف يفضحنا ،انا: لا لا عندي دورة انا وزميلي في الدوام ولازم نروح الليلة يقولون يااستراليا يا تايلند ، عاد تخبر الدورة خمس ايام ماتسوى استراليا ، احمد: من جدك ياخالد ، انا ايه والله تخاوينا بس دبر حجز... ووالله ان سمعت ان احد داري من الحبايب اني معاد اجيب لك عذر طبي عشان غيابك ، احمد : لا لا خلاص الله يرجكم متى بتروحون ، انا الليلة ، احمد:
، انا: ايه الليلة اخلص.

احمد

يدور حجز ، شوي الا يقولي فيه طياره على الاتحاد 4،30 الفجر اوك ، انا: تم ، وارسلت SMS لفهد بالخبر.
طلعت من ابو حميد الساعة 11 ورحت للبيت اخذت جوازي وشنطتي وبعدين رحت لامي وسلمت عليه وودعتها بس ماقلت اني لتايلند رايح ، وسلمت على اخواني وبدلت في الملحق وشوي الا صديق عزيز يدق علي يبارك العشر قلت جابك الله تعال بسرعة ابيك ، الا المسكين خمس دقايق من حي الهدا للمعذر 10 كيلو + الزحمة بعد خ، عزيز: هلا خالد وشفيك انا: تعال ركب شنطتي ، تطلقت حسبي على الظالم خ، عزيز:
وين بتروح ، انا: مكة انشالله توديني ترى لك اجر عظيم في هالعشر المباركة ، عزيز: ايه والله وبالماريه تكفى ادعلي ان الله ييسر امور زواجي انا: ايه هين انت ودني ويصير خير، وصلت المطار الساعة 2 بالليل انا: وين يالاخو اخرروح اخر صاله هذي الصالة الداخلية عزيز: طيب انت مو رايح لمكة انا: هه الا..... " وش اقوله " ايه هماهم مسوين تجديد صار خلاص كل الرحلات على الدولية عزيز: اها طيب تبون شي انا: لا لا شكرا ، عزيز: لا تنسانا من الدعاء انا: ايه هين انت اللي ادعلنا.
دخلت البوابه الدوليه لأعظم صرح معماري في العالم واضخم وأنظف مطار " قل غيرها بس " ودخلت الا الصاله كلها باكستانيين وهنود وكل واحد معاه عربيه الظاهر شايل عليها حراثة ومغطيها ببطانيه ومربطينها بحبال صفراء ، قصيت البوردنق بعد ساعة ، شوي الا الحبيب يشرف فهد: هلا خالد وينك انا: في الصالة الملكية فهد:اما عاد طيب كيف اجيك انا: ياخوي اي ملكية هذاني اشوف راسك الكبير
من كبر مطارنا عاد ، الساعة 4:10 ركبنا الطيارة رايحين ابو ظبي وكانت 70 في الميه شاغر منها ، 4:30 اقلعت طيارتنا .
يتبع.......

احد يقولي كيف انزل الصور صراحة عجزت انزلها ماعرفت..................ز

احلالالالا يا عمره كمل ومتابعين لك

خوش حوار بينكم
ننتظر منك التقرير وسجلني متابع معاك .
اخوك :- عبدالله الكويتي

duas2006
خلك مواصل واحنا متابعينك ان شاء الله ... بارك الله فيك ...
وهذي الروابط راح تفيدك ان شاء الله بخصوص تحميل الصور
https://artravelers.com/p/re/124283

تكفى كمل لبى قلبك انت وسوالفك
بس متى وصلتوا لبانكوك بتوقيتهم طبعاً ..؟