من الباسل200
الى كاكاأحلى الحلوين.....
وراك وراك حتى لو توصل المريخ...
أشكرك بعنف.....
تحياتي لك..

من كاكا الى جون الكويت .......... تحيه وتقدير .......... ولو صبرت كان عرفت ان هناك ملخص جاي بالطريق ............. وتابع وتعرف من يسويه ....... والرحلة ذي , بعض الامور ما نذكرها , نخليها بالملخص المفيد ........... ذيب جالس , كني اشوفه ...... ما سك بيده قلم وكتاب , يدون الشارده والوارده ...... ما يبي تشويش .......... بعض العلوم يجدها وبعضها يوصله بالبريد بحزتها ..... يصبر وما نبي نخليه ..... نسنده , وعلينا يرتكي ....... ما وكلناه بالمهمة اللى حتى يصير بالرد مجيب ....... نراقبه , وطير السعد نرسله يمه .... ان شفنا بعض العلوم تعصيه او فيه تقصير .............. اتبع كاكا .

من كاكا الى الباسل 200 ......... وانا اشكرك وحيك بعنف ....... وترى العالم 3000 ....... شفناه وتمتعنا .................. حلو وطيب ........ وذكرناها ......... بالسابق ونعيدها ........ مفروض ان يكون هناك تقدير معين من ادارة الموقع ....... للشخص اللى يمتع من يتابع بالمنتدى مثلك يحلو والله لا يغير ...... استمر وانت لك نمط جميل ويمتع ....... خلك عليه ولا تغير .................. اتبع كاكا ومرحبابك , و المريخ ما هو حاصلنا , بغيناه وما تمكنا .............. والارض ترها زينه , وحياك الله مع الذابه وبالنيابه عنهم , و اقولهم , جاهم شمعه المنتدي ................. اتبع الباسل 200 وتمتع بغير شكل .

1. تكملة سافر مع كاكا والذيابه الى النمساء 9

تكملة سافر مع كاكا والذيابه الى النمساء 9

ايه يالذيابه ....... وشلون نومتكم البارحة ......... ونعم الراي يالامير .......... بعدي يكاكا ....... وانت يالوافى ....... لا تبراء ..... تري انت فيها يوم انك تعرف وش سوي هشومي ....... ما رديته ........ لا يا الامير ...... هو اللى عملها ...... ايه الحين انا اللى سويتها يالوافى ....... وانت ما تدري ....... اساله يالامير من دفع فلوسها ................... يه يالصلعان ....... دواكم عندي , ولكم برجعها ............ يالله سترك بغيتم تخلونا تالي العمر نخربها ......... وترى يهشومي البارح يوم تبي تفتح الباب , ....... مسكره والمفتاح معي .... عارف انك تالي الليل تبي تغزي ........... يالامير طال عمرك .... انا يوم بغيت الطلعه البارح ...... قصدي اشم هواء ........ ايه عارفين قصدك ياهشومي ........ عذر اقبح من ذنب ....... الله يهديك يالامير ................... اتبع كاكا .
الحين وين ممشان يكاكا ....... دخلتنا فى النمساء والطريق ...... لو برد له ما عرفته ........ ابشر يالامير الخريطة عند الوافى ...... يه يالامير ...... يوم تعدينا جور جانا مفرقين ...... وحدن يسند يمين ...... شمال لبرتسلافا عاصمة السلوفاك يروح .... رقم 1 عليه مكتوب والثاني ........ A4 لفيناء عاصمة النمساء معه نبي نروح ......... والبنزين فولنا .... من هنغاريا ترسنا .... سعره من 200 فلس ودون للتر الواحد ....... ايه يالوافى يقلون انه غالى البنزين بالنمساء .... نعم يالامير .... يزيد شوي وما هو اقل من هنغاريا يالامير ....... يالله المستعان ....... مسافرين بالمواتر وعن اللتر ننشد ........ اتبع كاكا .
الحمدالله على السلامة يالذيابه .......... هذه فينا لها وصلنا ....... والمطار على اليمين ....... ولزقه التامين اللى شريناها من مكتب علي الحدود ..... على الجام وضعناها ...... عشان ما يمسكوننا الشرطة ..... كم سعرها يالوافي ............ 20دولار سعرها وشوي زود ...... صرفنا بالبنك وعملتهم الشلنك دفعنا ............ تدري يالامير...... وش يكاكا ........ لو يمسكونا الشرطة اللى على الخط السريع يفتشون ...... يعملون تحويله تحت الجسور ..... وبالتامين يدققون , كان دفعنا اكثر من 1000 شلنك , حول 100 دولار وزود ........ صدقت يكاكا ................. وزين انا شرينها ..................... اتبع كاكا .
كاكا يكاكا ....... سم طال عمرك يالامير ......... شفت هذه الحديقة الكبيره اللى على ابواب فينا ...... نعم يالامير ................ يقلون فيها مدينة العاب كبيرة وعجيبة ...... والعرب من زوار ذي المدينة .... فيها يجلسون ............ ان ريحنا لها نبي نروح ونتمتع ......... ابشر يالامير ........ والحين يم الفندق اللى على جال النهر نبي نتوجه ..... هناك فندق ينقاله فكتوريا ...... كبير وعالي سعره ..... فيه نبي نسكن ........ كيفك يالامير ........ وانت وش رايك يكاكا ........ ان بغيت الراي يالامير ....... الفنادق كثيرة , والشقق اكثر ....... وفيه مكاتب تاجير ...... نروح لها ونسال ونشوف المناسب ومنها ناخذ ...... الديره امان وغاليه ...... وتبي تشوف فيها من اخوانا العرب العجب ........... والسكن من دون 80 دولار ما فيه اقل , والشقق ارخص ...... وحنا عندنا السيارات ..... باطراف المدينه نسكن ............................. اتبع كاكا .
يالامير ........... وش يكاكا .......... الوكالات يكثرها بالنمساء , الفكس ار , نبي ندخله الورشه , مع سيارة الصلعان , نعملها صيانه ونشيكها ......... نعم الراي يكاكا ........ وحنا خلنا نروح يم السنتر ...... ونشوف علومة ........ بعد ما نخلص من المواتر عليه نهيف .......... وغدانا هناك ناكله ....... ولو انهم يقلون الديره غاليه ..... ما دام جيناها , بها نبي نتمشي .............. امرك يالامير وتدلل , وبغيبتك , لا تطول مالك بينه من ايام فاقدينك ........ ابشر يكاكا وبردلك ................... اتبع كاكا .
انت شفت يالامير هذه فينا اللى يقلونها .......... ديره عجيبه ....... غاليه ما يروحلها سوي من قريشاته واجد ما يهمه ......... وهذا مبني اهل النفط ...... اوبك منظمتها ......... شفت يكاكا وسمعت عنها ........ مير ما حرني مثل العرب بالديره ....... ياحيف على حريمهم ....... وشلون لدينهم نسوه ........ يبي يسوون مثل الاوربيين ...... ما عرفو طبعهم ...... ومشيتهم نسوها ......... بذا السنتر العجيب والغريب ....... 24 سنتر بمكان واحد متشعبه .......... واحد يودي للكنسة بالوسط واحد بكل زاويه ....... من جميع الاجناس ........ بيض وشقر , وسود , وصفر ......... على الارصفه جالسين ...... وكلن بمهنه يزاولها ........ منهم من يغني ويرقص ..... ومنهم من يلعب بالعرائس ....... ومنهم الساحر ..... وفيها تشوف العجب ......... والمطاعم طب وتخير من اللحوم للسمك ........ واهل النباتات لهم مطاعمهم لحال ........ كلن بذوقه راضي ...... وش العجب ...... من مدحها ما هو غلطان ........ ديره متطوره ..... وامان ................. والعرب فيها مالهم حساب ........ بكل زاويه متجمعين ......... ياتون لها جروبات ......... والباصات لهم مغير تشيل ........... وشوف نظف المدينه ....... والسنتر ممنوع دخول السيارات ........ تمش وتعجز وانت فيه تمشي و يبيلك اكثر من يوم وانت تخلصه ................ اتبع كاكا .
حت اهل المدينة فيهم العجب ان تكلمت الماني , تكلمو معك ...... وان تكلمت فرنسي افهموك ....... والانجليزي قليل اللى يعرفه ............. صدقت يالامير ............. اتبع كاكا .
يالله يالفلاوه وين تبون ترحون ............ نبي قرية المدينة الترفهيه ........ نفرفش .......... حاضر وممنون ................ بس يالوافى اضبط مزانيتك .......... ابشر يالامير .
وتراء من وراها مالنا بالديره قعده ......... حنا نتمشي , ولاننا من الربع اللى ما غير بالسوقه يتسوقون ........ تكل ما شافو شي ...... وديرنا بها كل شي من شمال وشرق ياتيها ......... والبضائع اللى تاتينا ارخص من اللى عندهم , مشفحين تسوق الله الخيره ...................... اتبع كاكا . تابع 9

الشيبان والصلعان مالهم غناة عن النحشه من هالديره تراها بتطفرنا ...
اي والله يا كاكا هذي الديرة نظيفه ومرتبه بس يبيلها بيزات كثيرة .... وقايلكم على فندق رخيص وقريب من محطة القطار اذا جانا الليل وحنا نبي لزوم أغراض نزرقلها كلها 200م وجايبين اغراضنا بس الله الله ع النباهه وخاصة بالليل الله يخارجنا ....
يا الأمير وكاكا تراي انا والوافي نبي الدانوب يمدحون الكفيهات اللي هناك مجتمعه ... وبنروحكم معنا بس ماتمشون بجنبا واللي سمعته انهم للصلعان يرغبون

صبحكم الله بالخير.....
ايه هذا الكلام.....ياهشام وماتبي تقول شي من بداية الرحله مسوي انك غشيم......
وماتعرف شي عن هذي الديار.....وانت خبير
تابع ياخوي.....واحنا معك
المهم ساندنا في بعض العلوم حتى نستطيع توصيل بعض التفاصيل لكل من يرد ان يستفيد
~الوافي~

الله يهديك يهشام ماتدري ان الامير بيقفل الباب…..
ورايح تبي تخرج بالسر…الله اعلم وين كنت تبي تروح….
ياوافي ابلشونا ذا الشيبان يطردونا كنا طلاب مدرسه ابتدائي….
ههه اسكت لا يسمعونك وتصير علوم…..
ياهشام ياخوي اشفيك….اصبر وكل شي يزين…….
تعال وقولي وش اللى وداك يم الفطافيط على طريق هنقاريا تكلمهم ولك مغزى…..
ياخوي هذول الرايح والجاي يروحون معه....الله يكفينا شرهم وبلاويهم
خلها إلين نوصل فينا ويصير خير....وبنروح نسهر وبننبسط على الاخر....وش تبي بعد...المهم لا تزعل
خلنا نشوف وش النهايه ياوافي.....
مشينا الجماعه ينتظرونا برا بنمشي لفينا والخريطه معي لا تورطنا مع الامير.....
طيب خلصت حساب الموتيل ياوافي.....
ابشرك كل شي خالص مشينا.....
يالله ياوافي....ابشر يالامير
ياحبكم انت وهشام لتاخير....والله من زين ذا الديار ياميرنا ندخل الديره ماودنا بفرقاها....
اقول اخلص علينا ومش....
اركب البورش ياهشام وفينا تراها ماهي بعيده....
شف النضافه والبلد مرتب وكل شي 10/10
اييه ياوافي لكن والله من الغلى في فينا.....
لاتخاف بنحاول نحد من مصاريفنا والله يعين....
خلونا نتوكل على الله ونروح الفندق اللي عند محطة القطار وكل شي جنبه....
باقي ورانا سفرات ومدن ودول نمر عليها وفينا يوم والا يومين وبنمشي والسكن مابنجلس فيه الا وقت النوم....
وشلنا بالخساير الزايده....المهم سكن نضيف وآمن....
وألا وش رايكم ياذيابه......
والحين وقت الوناسه...نبي نروح مدينة الالعاب.....
يالله ياكاكا بيك وهشام وافي....
وين الوافي ماهو بموجود....الوافي متحمس يالامير نزل تحت ينتظرنا
الله يستر ياكاكا لا يجننونا ذا الصلعان في مدينة الالعاب.....
وش بلاك يالامير اشوفك مصدق انك شايب....تراك شباب وتراك بتجرب كل لعبه موجوده....
ولاتفشلنا مع الصلعان.....
ان شاء الله ياكاكا بيك....
روح ياوافي وخلص حساب الدخول ننتظرك...تعال معي ياهشام...
الله يستر منهم مايتجمعون ذا الصلعان الا يحثلونها....شباب خلهم عنك
شوف وشلون يناضرون الفطافيط....
كاكا يالله تعالوا خلصنا....
وش هالزين والله كلام كبير.....
زين اللي مادخلوا سيارتنا الوكاله خلنا نترزز شوي....ههه
ليه يالوافي متى بيودونها الوكاله...بعد مانخلص من ذا التمشيه...والا بكره...
يالله على قطار الموت ياجماعه.....فال الله ولا فالك يالوافي
ليه يالامير...تقول قطار الموت وتركب فيه...الله يهديك يالامير اسمه كذا
لايخوي وليش الواحد يتفاول على عمره.....
ههه والله انك تحفه يالامير...ماعليه ياهشوم
يالله الجميع يطلع....الله يعينا عليكم.....
اوف بغت تجيني سكته قلبيه....لاحد يجي عقب العبه ذي يقول جرب.....
مالك لوا يالامير....لازم تتونس معانا.....ماتستحي ياكاكا مطامر في كل لعبه...
الشباب يالامير شباب الروح ماتقاس بالعمر...تبي تفهمني انك الحين شباب.....
والله انكم 100/100 والا ياهشام.....بصراحه ياوافي سوالفهم ماتنمل ويقطعون بطنك من الضحك
يارجال الناس تقول انهم عايشين في كوكب ثاني....هذولا ربعنا وكل في فلك يسبح
وشلك في الناس خلهم بحالهم....هاه ياهشام اشوفك فاتح فمك
والله ماهي العاده نشوف الفطافيط بهذا الشكل....ماقول الا فديتهم
وش الكلام هذا ياهشوم لا بالمشعاب الحين.....ابشر يالامير
ياجماعة الخير.....وش عندك يالوافي....
الديره غاليه ومولعه نار ولا لنا جلسه بذا الديره طويله.....
وانت الصادق.....ما نبي نهز الميزانيه ولا احنا مطولين......
اتبع كاكا بيك والامير سازنور وهشوم
~الوافي~

1. تكملة رحلة الذيابه النمسا 9

تكملة رحلة الذيابه النمسا 9

شفت يالامير الصلعان ........ جابو العلوم ....... يوم نمت , ما خلو سفرتهم ....... احدن من وشم بلغاريا يبينه
, و مقاهي فينا ..... متركي فيها ........ والثاني بمدينة الالعاب يتمرجح فيها ......... معلمكم الديره غاليه ...... واكثر من يوم لا هل السيارات ........ ما ينقعد فيها ........... والمواتر يالوافي جاهزه ........ وطريق براتسلافا سلوفاكيا ................ رقم B9 ناخذه حول 40 ك ما هى بعيده ...... والحدود اللى على الجسر نبي نعبره ........ وانتبه .. الى مفرق الطريق ........... من الخط السريع بعد ما تعدي مطار فينا ......... يجي المفرق الى منطقة ميرا لاند ........ نتوجه ....... وترى النهر يالوافى يمشي معك على يدك اليسار وافهم العلم ...... خابرك ذيب , وتنتبه له .
ماعليك يكاكا ........ الطريق ازهله ...... خابره يمشي مع قري نمساوية ......... لفات و صعدات ونزلات .... قلتلك ازهله ....................... اتبع كاكا .
يالربع الحقوا على الا مير ...... برحله صيد هاجسة ........ دخل الصيف ........ ما هو بوقته يالامير ........ ابشر يكاكا
معكم ولو بالخاطر ......... اتسمع لكم وناظر ....... ديره خضرا من كل جهه ...... يالله دخيلك التراب فيها ما يوجد ..................... وانت يهشموي .... حبتك ما نسينها ........ سوت فينا العمايل ........ من يوم حطيت الوشم وانت خالص ...... شيبانك ما حترمتهم ...... وزرقاتك ....... تالى الليل خابرينها ....... لا يغرك شيبان و بعض الاعلوم ما نفهمها ................. اتبع كاكا .
كاكا يكاكا ....... فلوس النمسا بقي منها شلقه ........ خلنا نروح لمكتب البنك بالحدود ...... ونقول عندنا شلنق من عملتكم نبي نصرفها ....... دولار الله لا يهينك او يور ........ لا يالوافي ... وش يكاكا ....... قله اصرفها كرونه عملة السلوفاك ...... ترانا بالطريق نحتاجها ........... ابشر يكاكا .............. اتبع كاكا .
هشومي يالاصلع ....... فطافيط السلوفاك ......... بحرمك منها ........ والدواء جهزته ......... ودير بالك , ترى بحطلك منه ........ لا يالامير ...... ما تجي منك ............ اصبر وتشوف اخباره ............... وانت يكاكا ........ هذه سلوفاكيا
دخلنها .... والعاصمة تراها على الحدود تعدها ........ افتح صفحة جديده وانا خيك ... واخبار اسلوفاكيا فيها نحطها ....................
ابشر يالامير نبي نتابع الرحلة رقم 10 فى ساوفاكيا , ولا يهمك ...... وانت يالوافى , ترى ما نسينا طلب لك قديم تنشد عنها , اخذ العلوم اللى تسرك , بديره نعرف خبياها ............. اتبع كاكا والرابط يالوافي كمله فى سلوفاكيا نكمله .............................. اتبع كاكا .

سلمت يالذيب كاكا.....
وخويك الوافي ذيب....ان شاء الله مايفوته شي....
دواء لهشام.....الله الله فيه.....لاتقصر
وخابرك والله وافي بالوعد....
وعلوم سلوفاكيا بتعطينا ياصادق الوعد......
والرابط ياذيب ابشربه.....شوي انزله
واغلى تحيه وتقدير لك ياخوي كاكا.....
اتبع كاكا وسازنور وهشام
~الوافي~