https://artravelers.com/p/re/233215
هذا موضوع ممتاز راح يفيدك كثير..........

أخوي بالنسبه للسياره من الأفضل انك تستأجر سياره
وعطني خبر بكم قاللوا لك أفيس ... لأني نفس الشي عندي خصم منهم وبروح لجنوب افريقيا
بالنسبه للفنادق ياليت تقول لنا وين حجزت ... نبي نقارن بارك الله فيك
أما الجدول .. أعتقد الرابط اللي حطته نحمة النجوم كافي ووافي
تحيتي لك

يعطيك العافيه
اختي نجمه
الموضوع ممتاز واستفدت منه لكن انا ودي بمساعده في ترتيب الاماكن مع الايام
لأن المشكله هي ان الواحد ما يعرف وش الاماكن اللي قريبه من بعض علشان يخليها في يوم واحد ووش الاماكن اللي يبغالها يوم كامل وما يكفيها نص يوم
اخ تباريح
بالنسبه للخصم يبغالي اكلم المسؤول عن ايفس في السعوديه وهو يشوف لي الوضع قبل ما اسوي أي حاجه
اما الحجوزات فأنا خلصت حجوزات ويلديرنس والايام السته اللي قبل العوده للسعوديه في كيب تاون
ويلدرنيس حجزت في إختيار البوابه فندق ميس اميس وبالنسبه لكيب تاون حجزت في فندق صغير اسمه Loloho Lodge قريب من الواجهه البحريه
اما الحجز حق الايام الخمسه الاولى إن شاء الله راح اخلصه عن قريب

هلا أخوي ...
أنا بصراحه حاط عيني على قيست هاوس أسمه Villa Costa Rose لأني انا رايح لشهر عسل وفيه عندهم Honeymoon Suite
على العموم هو جنب Loloho Lodge
بالنسبه ل Loloho Lodge اشوف التقييم عليه من موقع بوكينج وموقع تريب ادفايزر ممتاز
بالتوفيق يالغالي ولاتنسى بخصوص تأجير السياره
انا مثلك تراني عليمي في جنوب افريقيا
تحيتي لك

8شهر عسل ماانصحك تروح لقيست هاوس والا ترا بعلم عليك المدام

هلا أختي سكون
بالنسبه للفندق مدري اشوف تقييم الزوار عليه مش ولا بد
وبالنسبه للقست هاوس هو 5 نجوم وهذا الرابط حقه
https://www.booking.com/hotel/za/dysart-accommodation-cc.en.html?aid=1300939
والثاني هذا الرابط حقه
https://www.booking.com/hotel/za/villa-costa-rose.en.html?aid=1300939
اذا لك خبره فيهم او حولهم اعطيني رأيك
وبأي اوتيل في الووتر فرونت بتسكنوا؟
الف شكر

انا تقريبا طالع نفس الفترة وناوي اسكن اربع ليالي في فندق بينسيلا وخمس ليال في فندق فكتوريا والفريد
هذي الاختيارات الي طحت عليها بعد ماقريت مواضيع الاخوان والاخوات الله يعافيهم بالنسبة لبينسلا فندق اربع نجوم يقولون كل شيء فيه حلو الا اثاثه انه متوسط وفي منطقي السي بوينت ويطل على البحر والمواصلات فيه مجانيه عن طريق باص يوفرونه للنزلاء بالنسبة للفترة الي راح تكون فيها راك يكون سعره خمس مائة وشوي اما بالنسبة لفكتوريا والفريد هو اريع نجوم بس بوسط الوتر فرونت بقلب الحدث على قولتهم راح يطلع عليك مابين 900 الى 1500 انت وحظك مع مواقع الحجز ارجو ايضا من الاخوان ان يفيدوني برأيهم عن الفنادق الي اخترتها

قصدك التقييم للجراند ؟؟
يمكن الناس اذواق .. بالنسبة لي عجبني ... ومريح .. واحب الفنادق الكبيره .. لنواحي امنيه ومزاجيه
وخاصه انو مسألة المشاوير للواتر فرونت قريبه بالضبط 15 دقيقه مشي من الأوتيل
وانا احب امشي بالسفر ... واذا كنت محمل او ماتبي تمشي فيه شاتيل باص كل ربع ساعه يتحرك طوال السوم
ويوصلك للواتر فرونت قدام المول
عموما اليوم نطلع منه للأوتيل الثاني .. اللي هو بروتيا بريزيدنت .. على شاطي الكمبس باي .. ماخذين غرف مطله على البحر .. شغله مختلفه عن الجراند ..
وسمعت عن كثير مشاهير يسكنون هناك ..
منطقه حيوية ومزدحمه .. وشاطيء من اروع شواطيء العالم
القيست هاوس حق السي بوينت حقك قريب منه .. بس الظاهر انه مو مطل على البحر لأني مااشوف من ضمن الخيارات سي فيو
اليوم اروح واجيب لك الأخبار فرش .. ولو اني اتخيله راايق ومناسب لك
خلك بانتظار الصور
شفت صور القيست هاوس اللي حطيته هي ذوق ورايقه بالمره ... وكلها تقريبا بمنطقه وحده .. السي بوينت والجرين بوينت قريبه من بعض
وان كانت الجرين بوينت اقرب للواتر فرونت ..
انت ماحددت طيب كم بتتقعد هنا .. وكم هناك .. عشان نساعدك
وهل فيه خطط ثانيه ؟
من خلال جولتي امس فهمت المناطق والأحياء وعرفت بالضبط البلد كيف صاير ... عشان كذا حلو توزع اماكن اقامتك
وتمشط المنطقه اللي انت فيها وتنتقل للي بعدها
بالواتر فرونت راح نسكن بفيكتوريا آند الفريد
وللأخ ثامر .. الصراحه انا مثلك متشوقه للفندق .. وان كان موقعه مغري وحلات السفره تسكن بمنطقه حيويه
ياجماعه انا بلشانه بسالفه المطاعم .. احد عنده فكره ؟
رحنا امس لمطعم لبناني .. مش بطال .. طيب وغيره ؟!

شكرا سكون على المعلومات الي علمتنا يها
وياليت اعرف رايك برضوه بالبريتا برزدنت لانه مجاور لفندق بنيسلا ودي اعرف رايك فيه ورايك في فندق بينسلا اذا امكن كموقع او ملاحظات عليه لديكم بحكم انه مجاور لفندقكم
ومتشوق جدا لمعرفه تجربتك ان شاء الله في فندق فكتوريا والفريد ويارب تكون تجربة جميلة لكم وشكرا
بالنسبة للمطاعم اتذكر في تقرير باسم الموسوعة السياحية لجنوب افريقيا لأخونا عبدالله وهو مثبت بالمنتدى مذكورة فيه افضل المطاعم في كيب تاون

السلام عليكم
أخواني بالنسبه لفكتوريا اند الفريدو هو فندق حلو وموقعه ممتاز
لكن مشكله مبالغ في السعر كثير
في الوقت اللي بروح فيه ... سعره فوق 1800 ... مدري مستخسرها على فندق 4 نجوم
ؤبالنسبه لي ماعندي مشكله لو سنكت شوي بعيد لأني بأستأجر سياره
لكن فيه فندق حصلته في القرين بوينت ... رايق و5 نجوم ياليت اللي يعرف عنه شي يعطينا رأيه
أسمه Sugar Hotel
على هذا الرابطhttp://www.booking.com/hotel/za/sugar.html?aid=311984;label=villa-costa-rose-6tOk6J03Q*abw0srLOeLuAS3194890003;sid=a11c67d3ea3c97fedca7bbbd2c71ffed" target="_blank">Booking.com: Sugar Hotel, Green Point, Cape Town, South Africa - 12 Guest reviews. Book your hotel now!


بالنسبه لبروتريا بريزدنت في ال Bantry Bay
احسه رايق كثير وان شاء الله يعجبكم

اما المطاعم اشهرها عندهم هي Nando's، و Steers، و Anat، و Kentucky، و McDonal's، وOcean Basket.
وهذا موقع لمطاعم الاكل الحلال في جنوب افريقياzabihah.com - your guide to halal eating - South Africa

يعطيكم العافيه على الإضافات
بالنسبه لي آخر 6 ايام راح تكون في LOLOHO Lodge اما الايام اللي في البدايه ممكن تكون في Suger Hotel اللي قال عليه الاخ تباريح
بالنسبه للسياره يا ليت إذا فيه احد جرب يستأجر سياره يقول لنا كيف الوضع هناك
طريقة القياده يمين ولا يسار
وهل سهله القياده هناك ولا لا
انا الحين راسلت شركة AVIS بالنسبه للخصم وهم راح يراسلون AVIS جنوب افريقيا ويردون لي خبر بالاسعار للسيارات اللي اخترتها

8يالغالي بالنسبه للقياده عندهم يمين
يعني عكسنا ...
لكن اعتقد كلها يوم وتتعود
بالنسبه لSuger Hotel
هو كأنه قيست هاوس يعني مافيه غير 7 غرف لكنه 5 نجوم
فيه واحد ثاني قريب منه اسمه DysArt وهذا الرابط حقه
https://www.booking.com/hotel/za/dysart-accommodation-cc.html?aid=1300939
ونفس الشيء 5 نجوم وتقييمه عالي حتى في التريب ادفايزر على هذا الرابط
http://www.tripadvisor.co.uk/Hotel_Review-g312659-d1057246-Reviews-DysART-Cape_Town_Western_Cape.html
انا اعجبني صراحه .. وانت اختار
وياليت ترد لنا وش صار عليك من ناحية السياره
تحيتي لك

اهلين اختي سكون
هالسلبيات قريتها في اغلب المواقع عن الفندق
لكن الأهم استمتعي بوقتك
والله الله بالجديد
تحيتي لك

للاخت سكون وللجميع:
بالنسبة للنت اشتري شريحة جوال 1ج ب 289 راند او 2ج ب 389 راند وانتهى الموضوع نتك معك محل ماتروحين اذا ماعندك وصلة انترنت لا تشيلي هم اشتري كمية البيانات اللي تبغيها واضيفبها على شريحة جوالك ووصلي الجوال باللاب توب وانتهت المشكلة.
بالنسبة للمطاعم حولكم في camps bay امام الشط مطعم cape town fish market وفي الوتر فرونت امام المطعم الهندي بالضبط مطعم baia بائيا نطقه صعب شوي مطعم بحري ويقدم اكلات ثانية ما ابغى اقول مطعم مجنون روحي وذوقي واحكمي بنفسك
بالتوفيق للجميع

المشاركة الأصلية كتبت بواسطة officer






جهازي نت بوك .. ويساعد أخذه معي بكل مكان .. وجوالي بعد .. لكن انا رايحه استجمام واسترخاء وتاركه وراي كل شي
الطقطقه وقت الصبح بدري والناس نايمه .. وماحولي احد .. وهذي موجوده فري بكل الأوتيلات اللي ماخذينها
ماعدا البرزيدينت بس
لكني مستبعده هالأختيار اصلا لأنه العاده الشرايح اللي تنشحن مايكون معها نت
شكرا لك ياحضرة الضابط على هالمعلومة .. راح تفيدني المرات الجايه ان شاء الله
خاصه ان الفكره الحين نصير ناخذ شقه هنا ونجلس اطول
محدثتكم من الفيكتوريا & الفريد .. ياجماعه رائع هالأوتيل
بجد اللي له نيه يروح لايفوته

المشاركة الأصلية كتبت بواسطة ‏






الحمدلله لنك تمدحين هالفندق ناوي اروح له ان شاء الله وحبيت استفسر الغرفة الي تطل على الجبل تفرق كثير عن الغرفة الي ماتطل عليه لأن فرق السعر كبير بينهم والغرفه نفسها الإختلاف بس بالمكان الي تطل عليه الغرفة فهل الفرق يستاهل وحبيت اسألك عن فندق بريزدنت كيف موقعه لان فندق بريزدنت مجاور لفتدق بنيسلا الي ناوي اروح له

موصحيح اختي
شرايح الشحن فيها نت ولو جربتي تدخلي من جوالك على النت راح يدخل مباشرة اذا كان يدعم الجيل الثالث لكن المشكلة انه راح يمسح الرصيد مسح لذلك اشحني اول ثم حولي لباقة.
معلومة هامة اضيفها للجميع بدل ما تخسرو وكل بعد شوي وانتم شحن ومكالمات على بلدكم خصوصا اذا كنتم من اللي يكلمو اهلهم كثير والمكالمات في جنوب افريقبا مثل التكاسي غالية عليكم بموقع poivy.com اشترو رصيد بعشرة يورو حوالي 50 ريال وراح تكلمو حوالي 19 ساعة وزيادة عن طريق النت يعني ترجعو بلدكم وباقي ماخلص الرصيد
بالتوفيق

المشاركة الأصلية كتبت بواسطة officer






انتا فين من زمان :d
تعرف انه هالشي اللي تقول عليه سبق وسمعت عنه .. بس مدري ليه ماجا ببالي اجربه ... بجربه أكيد

الحمدلله لنك تمدحين هالفندق ناوي اروح له ان شاء الله وحبيت استفسر الغرفة الي تطل على الجبل تفرق كثير عن الغرفة الي ماتطل عليه لأن فرق السعر كبير بينهم والغرفه نفسها الإختلاف بس بالمكان الي تطل عليه الغرفة فهل الفرق يستاهل وحبيت اسألك عن فندق بريزدنت كيف موقعه لان فندق بريزدنت مجاور لفتدق بنيسلا الي ناوي اروح له



هلا باخوي ثامر ...انا غرفتي مطله على الجبل ... والله مدري اذا الفرق يستاهل او لا
اذا تبي صورت لك المنظر من الشباك وانت تحكم بنفسك
شف بالنسبه للبريزيدنت مدري ليه ماحبيته ولا حبيت مكانه .. ولاعجبتني المنطقه كلها .. ليه ؟؟ الحب من الله ابد مااعجبتني وتحس انك بعالم آخر
اكثر شي مصبرني كان الإطلاله على المحيط ..
لكن الفيكتوريا شي ثاني .. انا اصنفه خمس نجوم بصراحه .. اضف عليه الموقع
وفيه ميزه بعد .. انه الفطور اذا حبيت تطلبه بالغرفه ماعليه رسوم
تحدد انت وش تبي والعدد والوقت ويجيك بالدقيقه
اي استفسارت أخرى ؟؟

المشاركة الأصلية كتبت بواسطة ‏






بغيت استفسار عن سؤالين الله يعافيك بحكم انك سكنتي بالسي بوينت وش رايك انا حاجز اربع ليالي بالسي بوينت بالفندق الي مجاور لفندق بريزدنت وخمس ليال بالوتر فرونت بفكتوريا والفريد وش رايك السي بوينت حلوة او ما تستاهل الواحد يقعد فيها اربع ليالي والا اخليها كلها بالوتر فرونت و السؤال الثاني الجهة الثانية لفندق فكتوريا والفريد عبارة عن ايش بالضبط الجهة الي ماتطل على الجبل
وياليت تعلمينا عن الاماكن الي زرتيها مو شرط الحين اذا ان شاء الله رجعتوا بالسلامة
ومشكورين على مساعدتكم