إماراتي مسافر
25-09-2022 - 06:08 pm
السلام عليكم
كيف الحال اخواني و اخواتي
عندي بعض الاسئلة اللي اتمنى اني القى اجوبتها قبل موعد سفري شهر 10 ان شاء الله الى تايلند و بالتحديد بوكيت و بانكوك
بخصوص بوكيت اول شي باعتبار انها بتكون محطتي الاولى ان شاء الله .. بغيت اسأل عن الرحلات و للعلم انا قد سايرنها قبل بس ويا ربيعي هالمرة ان شاء الله مع الأهل .. و بالتحديد مع الزوجة .. هل أقدر احصل على رحلات خاصة لي و للحرمة يعني مب جماعية و تكون المرشدة حرمة لرحلات مثل جيمس بوند و بي بي آيلاند؟ و بكم تكون اسعار الرحلات الانفرادية و الخاصة ؟ و للعلم بغيت الخدمة تكون نسائية يعني اللي تسوق الطراد حرمة و كذلك تكون مرشدة !؟؟!
و بخصوص الفنادق كيف اسعارها بهالوقت يعني مثلا فندق تارا باتونغ اللي في بوكيت على كم الليلة لاني سمعت ان اسعار الفنادق وايد طايحة و رخيصة حاليا؟
و بخصوص بانكوك اماري بوليفرد بكم الليلة؟ لاني سمعت ان بعد الاسعار طايحة و رخصت عن قبل بوايد
المهم اتريا ردودكم بفارغ الصبر و ياليت احصل الاجوبة اللي طرحتها
شكرا مقدما
بخصووص الرحلات ... بصراحة أنا ما سمعت عن حريم يسوقون الطراد..بس سبحان الله ... موجود في شاطئ الباتونج .
بخصوص أسعار الفنادق ... بالعكس الأسعار مب طايحة ولا شي ... بالعكس أنا سرت تايلاند من سنتين وفي شهر سبعة والأسعار مرتفعة في كل شي .. من سنتين كانت تايلاند أرخص بواايد .. ولا تنسى إنه شهر 10 بيكون هاي سيزن ... يعني أكيد الأسعار مرتفعة ... لو تشيك على الأسعار في موقع أجودا أو آسيا ترافل ... لأنه الأسعار تختلف من موقع سياحي إلى آخر ...
أتمنى الأعضاء يفيدونك أكثر ..
تحيااتي