ماليزيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
*ام البدر*
07-12-2022 - 06:08 am
السلام عليكم ورحمة الله وبركاته
حبيت اعرض اقامتنا باسكوت للشقق الفندقيه فى اغسطس الماضى ,وكانت تجربه رائعه واقامه مميزه
راقيه وامانه ,,للامانه احب اشكر مشرفنا بو عمر العزيز على نصيحته بهالشقق ايللى نالت على اعجاب
جميع افراد عائلتى واستانسوا فيها وايد ,,,
جزاه الله كل الخير
وتم الحجز
شقه غرفتين نوم وصاله وحمامين اعزكم الله وصاله كبيره
تحتوى على صاله وغرفه طعام من 6 كراسى
ومطبخ مجهز بالكامل من مواعين وميكرويف وثلاجه كبيره
وغلايه ماى وت وتوابعها ((شاى-نسكافيه -كوفى ميت
سكر))يوميا يعبى مع 4 ماى صحه صغير يوميا وجريده
يوميا بالاضافه الى جدر كهربائى للعيش (الرز))
وتوستر -وغساله اوانى (صحون )
طبعا خدمتهم يوميه تنظيف وتغير للفوط والصابون وما الى
ذلك ,,
وكانت مده اقامتنا 5 ايام ومكانهم قريب حييل من التوين تور البرجين التؤام مشيا يمكن 3او 4دقايق
يالله اخذكم بجوله بالصور
ان شاءالله تنول على اعجابكم
الغرفه الرئيسيه ماستر معاها حمام كبير

الغرفه الثانيه لها حمامها الخاص وبنفس الوقت له باب ثانى للصاله الرئيسيه

الصاله تبين غرفه الطعام

ناخذ جوله بالمطبخ

ناسف على رداءة الصور

نشوف الكبتات من الداخل ومحتوياتها

الحمام اكرمكم الله

منظر مطل من شقتنا بالدور ال26

مدخل للشقق الفندقيه من الخارج

والامن دايما يكونون عندالباب يطلبون لكم التاكسى ووايد فرندى وطيبين

نكمل معاكم الجوله


فنادق ماليزيا
التعليقات (9)
*ام البدر*
*ام البدر*
فى بالدور ال 22 مكان لغسيل الملابس ,نشترى الفيشه بقيمه 10 ريجنت ويعطونا معاه صابون
ونغسل الملابس بالغساله الاوتوماتيك وعقب نحطهم بالنشافه ينشفون بالكامل بفيشه ثانيه
ب 10 ريجنت نفس الشى نشوف الصور ,,

وهذى النشافه

وبنفس الدور فى صاله لالعاب الاطفال يعنى اغسل الملابس وبنفس الوقت عيالى
يلعبون بصاله الالعاب هذى ,,

او ممكن يسبحون بحمام السباحه ايللى بنفس الدور وهو الدور ال 22

منظر التوين تور من الدور ال22 ايللى اهوا نفسه الدور ايللى فيه الريوق -غرف الغسيل-حمامات السباحه-الجيم
المساج والسبا ,,

صور للريسبشن واهم يودعونا بابتسامه وكان الستف وايد طيبين وحبوبين ,,

وكانوا يزينون الفندق استعداد لشهر كريم المبارك
ان شاءالله تكون الرحله عجبتكم وسامحونا عالقصور
لانى ركزت على اشياء تهم الامهات والعوايل خاصه ,,,

*ام البدر*
*ام البدر*
امبيه ماادرى ليش طلعت اخر صورتين كبار ياليت يتعدلون من الاشراف ان امكن !!
مع انى صغرتهم بس الظاهر !!! حركات !!!!!

ماجد الفهد
ماجد الفهد
بارك الله فيك أختي أم البدر ...
وعن جد ...
حلو إنه الواحد ينقل تجربته للأخوة ...
حتى يستفيدوا منها في المستقبل ...
وتكون مرجع دائم في البوابة ...
أشكرك ...
والشكر موصول لأبوعمر على نصيحته ...
موفقة

*ام البدر*
*ام البدر*
يشرفنى مرورك الكريم
اخوى ماجد الفهد ,,

.OK
.OK
وعليكم السلام ورحمة الله
الله يعطيك العافيه اختي ام البدر واه يااسكوت نفس الشقه الي اخذناها وشقق اسكوت
فعلاً راقيه ونظيفه والله يوم شفت الكرسي الي تحت جنب النايت كلوب اوقات كنت اجلس هنااك وكانت جلست البوفيه الخارجيه حلوه بس اكلهم متوسط الى جيد وماتهنينا بالاكل الى يوم قمنا نطبخ في المطبخ
ويعجبني الهدواء الي فيها والترتيب وتعاملهم الرائع وكنت مستغرب من شي وهو ان التكاسي ماتجي الا لمن تطلبها
بعدين اكتشفت الموضوع
حقهم بس تصدقين مادريت عن مكان غسيل الملابس مع اني سكنت فيها 5 ايام
الله يسامحك ياأم البدر ذكرتيني بكولا الونيسه وقمت اسولف بدون شعور

كلي روح789
كلي روح789
يعطيك العافيه اختي ام البدر والحمد لله على السلامه
اختك ام سلماان...}

KING 1
KING 1
مشكوره على الشرح والشقق الممتازة

*ام البدر*
*ام البدر*
.ok
هلا والله
حياك الله ,نرد من بعض ما قدمونا اعضاء وعضوات هذا المنتدى الغالى وبالذات هالقسم ,,
وحياك الله

العون
العون
مشكورة اختي على هذه المعلومات المهمة جدا جدا جدا
ودي اعرف تكلفة الشقة
و كذاللك إذا كان عندهم شقق شقق اصغر يعني غرفة بدل الغرفتين


خصم يصل إلى 25%