أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
من كاكا الى مشرف اسيا مع التحيه والتقدير ................ اتبع كاكا .
نشكرا بسمي و بالنيابه عن الذيابه اللى مخاويهم , على مرورك , وتدلل , وسامحنا ان كان هناك تقصير ........ ............اتبع كاكا .
وشلونكم الحين يالذيابه , عسا ريحتم , وتجهزتم لدخول هنغاريا .............. بارك الله فيك يالامير ....... صج امير ما هو بمزح ....... جاهزين , والفيزا النسختين لذي الديره ......... نحتفظ بوحده والثانيه نقدمها للجوزات الهنغاريه ............. بعدي يالوافى ...... احفظ العلم ....................... اتبع كاكا . يازين التعامل الحضاري من الهنغاريين يكاكا ...... انت شفت يالوافى ..... فرق بين المعاملة الخايسه من البلغاريين ......... وبين ذي الجوزات ........ والله لو ما حدتنا الطرق وخلتنا على بلغاريا نمر ...... ماجيناها بعد ............. عزالله انك صادق يكاكا ....... وشوف الشقر حطات التيجان على كتوفهن , والشعر منفوش اشقر ............... ايه هذا اللى قاطع كبدك يا هشومي ....... ميرر استريح اصلع ومحدن مناظر فيك , ولا تجيب حيلك كله , تركد على نفسك , وذكر ربك ....... انت وخوك اللى مغير يلاحس الوافى و اللى حظه اقشر ....... حاضر يالامير و نبي نقول مثل كاكا , عساك تحترمنا يالامير ........ ............ اتبع كاكا . يالوافى وين طريقنا ........ خلك الحين قدامنا ودلنا ........ ابشر يكاكا ياخوي الامير ............. الى مدينة زجد ممشانا ...... ديره طيبه وهلها طيبين , ومشهورة بمصانع الليتات الهنغاريه مثل ما يقلون ...... وترى الطريق سايد واحد ونظيف , والشرطة تنتشر فيه , مع الرادرات , وبالسرعة المقرره بالطريق و ان جاوزتها ما يقشمرون , تدفع كاش ....... والطريق عليه علامة رقم 43 . ............ اتبع كاكا . يالامير الشباب الصلعان , قاموا بالطريق يتسابقون ....... ناد عليهم يكاكا بالكنود وقلهم لا يسرعون ......... ابشر يالامير .......... حنا يكاكا عارفين خلوكم ورانا ...... واللوحات ما تضيع ...... الى بودابست 200 ك محاريها ................ والخط السريع قريب من بعد زجد نشوفه , ونشالله بالجسر ما نضيع ....... ندري بان الخط السريع محفور بالارض وما تنتبه انك على جسر , لكن حنا منتبهين ......... اتبع كاكا . يازين المراعى الخضراء يالامير , وشوفك على مد البصر ......... يه والله يكاكا ..... وياليت اخذنا بعض من ابلنا و المعزا , وهنيه خليناها ترعى ..... يالامير يصيبها جنون يالامير...... تبي تشوف كل شي خضر , ثم تنهبل ما تصدق يالامير ........ صدقت يكاكا , لكن تدري انا عندي الحل , وش يالامير ....... اعلمك ....... برجعتنا نحش لها , والفكس ار نحمله ...... بدال الهدايه , نجيب علف ............. اتبع كاكا . واين الطريق الحين يالوافى ...... الله يخليك لعين ترجيك , وانا خيك ........ حاضر يالامير من بعد مدينه زجد ....... طريق 5 نبي نركبه , ومن بعده , طريق م 5 هو اللى يودينا الى العاصمة بودا بست , وتراه الطريق م5 يشق كل اوربا , ويعتبر السريع ........... اتبع كاكا . الحمدالله يالربع ........ بودابست وصلناها و الدائري عليها ....... ان كان تبوننا ما ندخلها على الطريق السريع نكمل ....... وبعلامة بلتون المكتوبه نمشي عليها ........ صبرك يالوافى , خلنا ناخذ راي الربع , ولو انى الامير وقراري النافذ , لكن برد الشور لكم , يالرعيه , عشان ما تقلون ان مستبد ........ امر يالامير وحنا نخدمك ......... بعدي يكاكا وقل وش عندك ........ يالامير هذا الخط السريع يلف حول العاصمة بودابست ..... اللى ما يبي يدخل للمدينة , يخليها على يمناه ويكمل الى النمسا او سلوفاكيا , الطريق يروح , وهو اللى حنا نريده , ومع كلمة منطقة بلتون يكمل , وتراه من بعد ما يتعدي المدينه ...... بمسافة 20 ك او اقل ...... تجي مفرق منطقة بلتون على اليسار , تصير , واللى ما يبي بلتون ...... بالخط السريع يكمل ....... ........... اتبع كاكا . بعدي يكاكا ..... اكمل وقلنا وش هى منطقة بلتون .......... حاضر يالامير ......... هى بحيره مقسمة الى اربع اجزاء قرى عليها ..... اشهرها تسمى بلتون شيوفك ...... حلوه يالامير وما تتطون , واللى راح الى هنغاريا وما مرها ................ ادر انه خسر بالديره ما تمتع ........ الظاهر انك تعرفها يكاكا ....... اي والله يالامير ...... مبطي مريتها وستانست فيها , والاوربيين من المانيا والنمساء متكودين فيها ........... اتبع كاكا . يا طويل العمر ....... طلبناك نمرها ....... وبالبحيره نغطس فيها ....... تدري انى احب السباحة وما بي اطوفها ........... تكفاء يالامير ........ سمعناك يالوافى , وردنا يبي يجيك ...... وانت يهشام الاصلع ....... ديره فيها سباحة , اكيد ابيها وبي اشوف ....... يالامير ....... بس هذا همك ياهشومي ........ يالله يالامير و بالسلك اللى ممدود بالبحيره بركب ..... ابي اربط نفسي و تسحلق , مثل ما يسؤون ....... والحين والراي عندي يوم كلن ابدا رايه ................. حامض على بوسكم , عن العاصمة بودابست نجنب , تبون يقولون العربان ان مرينا على بودابست , والدانلوب , ما جبنا علومها ........... اجل على وش اخذت راينا يالامير ....... اسكت ولا تكمل ياهشموي الاصلع , وقل ومثل كاكا , حاضر ....... حنا ما بلشنا مثل كاكا .... مغير حاضر ونفخك علينا يالامير ..... وش تقول ياهشومي .............. ما قول شي يالامير , حاضر طال عمرك ...... ايه خلك كذا يابعد جبدي ........ ........................... اتبع كاكا 7 فى بودابست هنغاريا
انا ما جينا نسابق الريح ، ونقطع المسافات الطايلات ، عشان نقول للناس انا وصلنا مواصيل ما حدٍ وصلها غيرنا .. حنا نبي يكون لنا في كل مدينة بصمة ، وفي كل شارع نظرة ، ولكل شي ٍ زين لقطة ، ومن كل ما لذ نبي نذوق ، هذي رحلة وناسة . العلم يجيكم يالربع ، حنا نبي ندخل المدينة ، بودا بست ، ونمرح بها الليلة ، والحين الوقت ظهر ، خلونا ندور لنا على سكن في أطراف المدينة ، بعيد عن الزحمة ، ونقيل به ، ومن بعد العصر الأخير ، ندخل نتجول بالمدينة ونمر أسواقها ، ونشوف اشلون الناس عايشين ، إلى بعد العشاء ، ونمر نتعشا في حدا المطاعم الزينة ، ثم نرجع للسكن ، وننام بدري عشان نصحا بدري ونروح للبحيرة اللي يقول عليها كاكا . والحين يالربع وش رايكم بهالفليلة الصغيرة على نهر الدانوب ..؟ بيض الله وجهك ياكاكا عزالله انها تشرح الصدر ، أحسنت عسانا ما نعدمك ،، والله يالامير كان ودي ناخذ أزين منها ، لكن هي ليلة ونتركها ،، لا لا والله انها زينة بالحيل ، يكفي هالبلكونة اللي تطل على النهر والمدينة . يالله اجل خلونا ننام إلى العصر ، ونقوم نصلي الظهر والعصر جمع تأخير ، ثم نروح للمدينة حسب البرنامج كاكا ،، كاكا ،، سم يالامير ،، قوم صح هشومي و الوافي وخلهم يتوضون ،، ان شاء الله والحين بعدما تجولنا في المدينة ، وتعشينا ،، تعالوا خلونا نجلس في البلكونة ، وانت يالوافي اضبط لنا هاك البراد الشاي وخلنا نجلس بهالشرفة واسولف لكم عن تاريخ هنغاريا ،، ابشر طال عمرك . لا اله إلا الله ، يا زين هالمنظر زيناه ،، اجلسوا اجلسوا عزاالله انك احسنت اختيار السكن يا كاكا ،، فديتك يالذيب
فيكم من صلى عالنبي ،، اللهم صل وسلم عليه
أنا باعطيكم بعض تاريخ ذا الديرة اللي حنا فيها ،، انتي يا هنغاريا .
في سابق الوقت ، ومن حوالي 1000 سنة تقريباً تزيد ما تنقص ،، يعني في القرن الرابع الهجري ، نهايات دولة بني أمية وبدايات الدولة العباسية ، كانت هنغاريا تبع الامبراطورية الرومانية ، وكلهم نصارى جعلهم السلال ، والشعب الهنغاري أصلهم شعب متنقل رحال ، وكان في السابق يشتهر بين الناس الهجرة الجماعية ، بل إن الشعوب تهاجر من منطقة لمنطقة ، يدورون العيشة والأمن ، الله الله ، فالهنغار هاجروا من منطقة بين ( الفولغا ) وبين ( الأورال ) ، وكان لهم ملك يقال له ( ستيفان ) ، قام هالملك واستقل عن الأمبراطورية الرومانية ، وجعل الدين المسيحي هو دين دولته ، ومن ذيك السنين وهم يعرفون البرلمان ، ثم قام البرلمان بعد مشاورات ومداولات وانتخبوا لهم ملك ثاني ، يقال له ( ماتياس كورفينوس ) هذا عام 1458 م إذا ماني غلطان ، المقصد ان هالملك حاول بشتى الوسايل انه يصد توسعات الخلافة الإسلامية على عهد العثمانيين ، ولكن يوم الله راد طاحت معضم هنغاريا في ايدي العثمانيين عام 1526 م يعني قبل 500 سنة بالضبط من الحين ، هذا صار في معركة ( موهاكس ) اللي دارت بين المسلمين والهنغار ،، الله الله ، وبقيت هالدولة تحت حكم الخلافة الإسلامية ما يقارب 150 سنة إلين قامت الحروب التركية ما بين 1683 - 1699 م ، وبسبب هالحروب بدت الدولة العثمانية في الضعف للأسف الشديد ، قدرت ( النمسا ) انها تستولي على هنغاريا ، وصارت قطعة من النمسا ، بعد فترة قامت ثورات هنغارية ضد النمساويين يبون ينفصلون عنهم هذا الكلام عام 1848 م ، بعدها اتفق الهنغار والنمساويون عام 1867م على ان هنغاريا تنفصل عن النمسا وتصير مملكة مستقلة ، الله الله . طبعاً هي صارت مملكة داخل مملكة ، يعني امبراطورية نمساوية هنغارية ، وتموا على ذا الحال إلين قامت الحرب العالمية الأولة وصارت الامبراطورية النمساوية الهنغارية مع ألمانيا يشكلون أهم دول المنطقة في الحرب العالمية الأولة ، سنة 1914 م ، المهم ان هالحرب جعلت الأمبراطورية تتفكك ، واستقلت هنغاريا عن النمسا وسموها جمهورية هنغاريا بدل مملكة ، هذا عام 1918م ، وحطوا لهم ريس يقال له ( ميهالي كارولي ) ، أوصلوا الشويعيون والاشتراكيون إلى السلطة خلال عام واحد بس ،لكنهم فشلوا في تدبير الامور ، فجا الجيش الوطني بقيادة واحد يقال له ( الأدميرال ميكلوس هورثي ) ، اقتحموا العاصمة بودابيست اللي حنا فيها ، واحتل كل مقرات الحكومة ، الله الله ، بعد سنة صار اتفاق( تريانون)للسلام في باريس هذا عام 1920م ، هذا الاتفاق أدى إلى فقدان ما يقارب 70 بالمية من ألأراضي الهنغارية وحوالي 60 بالمية من الشعب ، حيث تقسمت البلاد والناس إلى الدول المجاورة ، خاصة رومانيا وتشيكوسلوفاكيا ، وانتخبوا قائد الجيش اللي قلنا عنه قبل شوي ( هورثي ) انتخبوه مستشار للدولة وبقي مستشار للدولة إلى عام 1944 م ، ولكن الوضع الأقتصادي الداخلي في هنغاريا ، والوضع العالمي الخارجي كانت الحرب العالمية الثانية شغالة ، جعل هنغاريا تدخل الحرب مع الدول المجاورة ( مقرودين هالهنغار ) المقصد انهم تساعدوا مع ألمانيا على ( يوغوسلافيا ) والاتحاد السوفيتي ، بعدين حاولت هنغاريا مع حلفاها بالسر إنهم ينهون الحرب ، فازعلوا الألمان عليهم وقاموا واستولوا على مناطق كبيرة وحساسة في هنغاريا وحطوا فيها ناس ٍ موالين لهم ، ثم جاء الجيش السوفيتي واحتل هنغاريا كل بوها هذا عام 1945م ، بعد معارك طاحنة حول ذا المدينة اللي حنا فيها ( بودابيست) الله الله ، وسلمت هالمدينة وهي شبه مدمرة في عام 1945م، المقصد ان الشيوعيين صيطروا صيطرة تامة على هنغاريا ، إلى عام 1990م يعني إلى قبل 15 سنة تقريباً ، في خلال ذيك الفترة اللي صيطروا الشيوعيين على هنغاريا عينوا واحد يقال له ( يانوس كادار ) ريس للحزب الشيوعي الهنغاري ، وقدر هالشيوعي في فترة بسيطة من ضبط الأمور في البلاد ومعاقبة رموز الإنتفاضة ، كان هذا الرجل أهم شخصية سياسية بكل هنغاريا لمدة 32 سنة ، المهم عام 1988م يوم بدا الإتحاد السوفيتي ينهار بدت عملية الإصلاح السياسي في الدولة ، وسوو ديمقراطية وانتخابات ومن هالعلوم ففاز ( المنتدى الديموقراطي ) بقيادة واحد ٍ يقال له ( جوزيف أنتال ) بالإنتخابات اللي صارت عام 1990م ، هذا والله من قرادة الشيوعيين ، المهم من نفس السنة بدت هنغاريا تتفاوض مع الروس لسحب قواتهم من هنغاريا ، وتمت ، وبعدها بفترة صاروا الهنغار يتفاضون مع الإتحاد الأوربي عشان يسمحون لهم بالانضمام له ، وتمت الموافقة العام الماضي 2004 م ، لكن مطالبات هنغاريا المستمرة واللي مازالت للحين بأراضيها اللي فقدتها من الدول المجاورة سبب لهم مشاكل ما لها أول ولا تالي ، والحين ريس الدولة هو الرئيس ( فيرينك مادل ) ، أما رئيس الحكومة فهو ( فيرينك غايرساني ). طبعاً ياخوان هالديرة بها أقلية مسلمة ، وهم منتشرين بهنغاريا ولهم حرية في التدين طبعاً في حدود ، ولكنهم يبون من الحكومة الاعتراف الرسمي بهم كطائفة اسلامية رسمية في البلد مير هالحكومة في راسها حبٍ ما انطحن جعلهم السلال. طولت عليكم يالربع ولكن هذا علمي وسلامتكم يالنشاما . هشومي كأني اشم ريحة حريق في المطبخ ، انت نسيت الشاي على النار ...؟؟؟ لاحول ولا قوة ياحبك للسوالف أنت وصلعتك اللي بدا شعرها يطلع مثل شعر القنفذ .
الله يعطيكم العافيه..... وسلمت على ذا العلوم ياميرنا.... هذا الشاهي وتقهووا...... اشوف في عيونك كلام يالوافي.....صح كلامي ياكاكا.... والله ياميرنا ماقلت الا صح....خلنا نشوف.... سلمكم الله مافي شي ولو اني..... هشام ماودك نطلع شوي.....شوف لامير ياوافي ويصير خير...... ولل على طول سحبت عمرك..... بصراحه ياجماعه بودابست تحمس واحنا ماشين بكره... كمل ياوافي.....كاكا الله الله فخوياك لا تقرب المشعاب.... المقصد ان الساعه ماجت 9 وانتم بتقهوون وبعدها شويتين ونومه...... ولكن محاكيك والاصلع الثاني مقيلين ومرتاحين ولا بنا نوم...... وبخاطرنا نطلع نشوف الديره بالليل....كل شي شكله غير ونبي نمر على ذا النهر.... ودنا كاكا يخاوينا ان كان مابه نوم....يدلنا ويوجهنا احنا مغير بندربي روسنا..... ولا بنتأخر وحده... ثنتين... وحده... يعني حولها مادري وش اقولك يالوافي.....سم يالامير الليل مابه الا المشاكل وإلا لا ياكاكا بيك.... وإلا الضاهر انك اول واحد تبي تروح..... بصراحه ما تنعاف مع ذا الشباب..... قولي كذا من اول.... لا يالامير ما عد نتحمل خرجات بالليل ....ايه خلاص انا وذا الذيب هشوم بنطلع وبناخذ التلفون معنا....ومابنبعد كثير... وسط المدينه تحصلونا....شاور نفسك ياكاكا بيك وان نويت اتصل وان اميرنا بعد صار بخاطره طلعه..لا تخليه جبه معك اشوف كانك مبسوط ياكاكا....لا ابد مافي شي يالمير.... المهم...روحوا والله الله بالعلم الطيب....وابعدو عن حريم الليل... واذا حصل معكم مشكله والا شي اتصلوا..... وفقكم الله...... يازين الليل في شوارع بودابست...والا لا ياهشوم... كلامك سليم ياوافي.... ايه الحين ودك ترقص من الوناسه ويوم احنا عند الامير ولا تقول شي.... بس كان نفسي يخاوينا كاكا بيك..... لاتخاف ياهشوم كاكا شكله بيجي..... وش رايك ندورلنا قهوه...عند النهر ونشم شويت هوا.... توكل على الله....يازين الجو ياهشوم...والمشي على رجولنا متعه.... ياخوي وش السالفه وش ذا الشوارع....مدري وش اساميها ولا احنا وين بالضبط.... يرجال تمش وان ضعنا بنسأل اي احد وان كان بعيد بناخذ تكسي يوصلنا..... المهم نبعد عن الشوارع المضلمه واللي مافيها احد.... التلفون يدق رد يمكن كاكا بيك..... اتبع كاكا وسازنور وهشام ~الوافي~
رد الاخ اخر الفرسان على كاكا ........... بشان رحلة قبرص , ونقد كاكا سابق له بهذا الموضوع
اخي العزيز كاكا اسعد الله ايامك بالخير ، شرفتني اطلالتك الرائعه على الموضوع ، ارجو انك ماتروح لبعيد بفكرك اذا استخدمت تعبير معين يمكن اسأت استخدام التعبير ،، ارجو انك ماتأخذ كل كلمه علي وانما تفهم طبيعة الشعب القبرصي فقط وليس بأن تتشعب في الموضوع ، اشكرك على تنبيهك رغم انه كان قاسياً بعض الشيء وتمنيت ان الموضوع ماتاخذه بحساسية ، اعتذر لك مرة اخرى واعتبرها زلة كي بورد ( ترى النية صافيه )
وبالنسبة لطبيعة الغرف فليس كل مسافر يعرف انواع الغرف وتصنيفها ولم تلدنا امهاتنا وبيد كل واحد تذكرة سفر مفتوحة
اما بالنسبة لتعبير البدو فاعلم يا اخي العزيز اننا كلنا بدو ونعتز بهذا وهذا مصدر اصالتنا وفخرنا
بالنسبة للفندق والصورة فاحببت فقط لفت نظر المشرف لها وهذا شيء يرجع له واحببت ان ابريء ذمتي بذكر الصورة ، واشكرك على نقدك اللاذع
كاكا
ما كن العيال تأخروا .. ؟؟ رح دروهم يالذيب والا دق عليهم خلهم يرجعون ، ورانا مسراح من الصبح
بعدين تعال .. انت وش اللي وداك لقبرص ،، من ذا البوابة ،، رح للرجال لبيته .. عفوا ً اقصد لموضوعه ورد عليه هناك ، ليش ترد عليه هنا ، وحنا في هنغاريا ...؟؟؟!!!
انت اشبلاك ،، لا يكون هشومي رمالك شي في بيالة الشاي ..؟؟؟ ( أبو ملف )
أتبع أميرك
ساز نور
تحياتي ،،،