سيرلانكا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
درب يرد مايسد
17-12-2022 - 06:03 pm
بسم الله الرحمن الرحيم
شكراًلكل عضو من أعضاء هذا المنتدى .
يوم الرحلة
استيقظت مبكراً 11صباحاً لصرف
الريالات دولار ينطح ريال .
وصلنا للمطار 12 مساءً كانت مره زحمه
قلت لازم أطق أحوله فلم أرى نفسي إلا في المقدمه
قال الأمن سعودي تفضل تفضل .
الرحله أقلعت بوقتها الحمدلله لإني من المطار لبنتوتة .
مقاعدنا فالدور الثاني على نافذتين ( كنا خمس أشخاص )
يوم طارت وتأكت إن مافيه إخلاف ولامخالف نمت
إلا بنتي تقومني وصلنا وناظر مع النافذه
إلا سرلنكا تلوح لنا في الأرض
.
يوم وصلنا للجوازات قال الرجال لازم الحرمه تكشف
,قلت بدينا بالغلط رفضت مشى الي بعدي
رحت للمسؤل كلمته ( ماهنا اقلنزي ) لكن بلغة الغز
فهم الرجال قال ماعليكم ( فهمت حسب السياق )
ختمهن وقال الحقوني وعدانا الجوازات
فقلتله :24 مانب قايللكم ماعندي إلا لغة الغز )
استقبلناكيرثي برا أخذ الدراهم 1700 دولار 10 ليالي
11يوم وهذا هوكيرثي .

وعلى فكره دائماً معه زوجته وهي
تشبه كندليزا رايس بالضبط .
ماقريت العقد لإني ماعرف قنينزي
لكن طلع مضبوط .
على طول ركبنا لبنتوتة وصلناها 3,30عصراً
سواقنا يتكلم عربي ( يعني مافيه غز )
اشتغل بالسعوديه سواق تريله
وهذا الي خلاني أغسل إيدي منه
وهذي صورته اسمه ( رطما ) والعييل يسمونه ( طرما )

صلينا الظهر والعصر في الفندق (تاج )
روعه بماتحمله الكامه من معنى وهذه بعض الصور .

آه نسيت اقولكم ان السواق يوم نزلنا قال
ترا بكرا أنا مافي يجي قلت ليه قال عندي
موعد بالمستشفى إقعدوا بالفندق :112:
قلت أناجاي علشان اقعد فندق تجي 9 الصبح ولاغيرناك
قال سم وابشر .
جلسنا على الشاطئ لين غابت الشمس حيل ( طافين )
واثرنا ميتين من الجوع تذكرت إن أم الزهور ذاكرة
محل بيتزا جنب الفندق تقول
تخلي البحر يسارك ثم هو يجيك يمين
( أكيد يام الزهور يجي يمين إذا جاء يسار رحنا فيها ) عاد أمزح .
جلساته جميله على البحر والقمر ليلة 15
وهذا الي خلاني أبدا ببنتوتة
أحب القمر على البحر وشلون لاصار عاد محيط .
تعشينا وكان طعمه لذيذ على كلام أم الزهور
ثم رحنا لغرفتنا وصلينا المغرب والعشاء
ثم نمنا نوماً عميقاً .( أول مره أنزل موضوع أعذرونا )
غداً تابعوا معنا قصتنا مع السائق والرحله النهريه . دمتم بود ,,,,


رحلتي الى سريلانكا
التعليقات (9)
الشمالي الغربي
الشمالي الغربي
الحمد لله على السلامة
بداية موفقةوبانتظار بقية التقرير
السائق من مسكة الدركسون واضح انه سايق تريلة ههه
لك تحياتي

أعترف لك
أعترف لك
ماشاء الله رحلة موفقه ان شاء الله
وزين أنك وريت السواق العين الحمرا قبل مايتفرعن ^_^
بس ممكن سؤال
وشي لغة ( الغز ) ؟!!
وبإنتظار باقي التقرير
تحياتي لك

درب يرد مايسد
درب يرد مايسد
الشمالي الغربي
شكراً يالغالي والله جبتها , عندك دقة ملاحظة .
آسف على وضع الصفحه بالشكل الذي ظهر لكن كيف تضبط أفيدوني مشكورين .

درب يرد مايسد
درب يرد مايسد
أعترف لك
ماشاء الله رحلة موفقه ان شاء الله
وزين أنك وريت السواق العين الحمرا قبل مايتفرعن ^_^
بس ممكن سؤال
وشي لغة ( الغز ) ؟!!
وبإنتظار باقي التقرير
تحياتي لك
مشكوره على المرور ومتابعين تقريرك ,لغت الغز هي الإشارة بالإصبع .

اروع سوسو
اروع سوسو
الحمدلله على السلامة متابعين

أبوالاء
أبوالاء
يعطيك العافيه
بس ياليت عطيتنا مخطط رحلتك يعني وش المدن اللي رحت لها مع فنادقها

RANGE
RANGE
ماتحس انها كثير1700دولار للسواق على 10 ايام
يلله متابعين وين رحتو بعد كيف كان الجو

درب يرد مايسد
درب يرد مايسد
اروع سوسو
الله يسلمك شكراً على المرور

درب يرد مايسد
درب يرد مايسد
range
مشكور , راسلت تقريباً ثمان مكاتب هذا أرخصهم ( مكاتب موثوقه توصية المنتدى )
جدول الرحله بالطري جاي .


خصم يصل إلى 25%